¹ O̱keo̱ gbe rare khi Ijesu ke ti o̱li eta na le o̱re̱ shu vbi Igalili re, ovbi ulaga si Judea. Vbi ao si eda si Jo̱rdan. ² Obotu lo̱ gba re̱ khan, o̱win ian egbe dan. ³ Pharasi re̱ shan gaize, O̱'damai, ere̱o̱i, "O̱de'o̱vbo̱ li o̱mo̱he̱ fi o̱se̱ria ukpo̱ho̱ si emi o̱sv'so. ⁴ Ijesu re̱ ayin'an "Vbai koi khi Igbarre Oise̱le̱bua mian o̱mo̱he bi o̱kpo̱so? ⁵ Ion lo̱'mian gbo tai "O̱hio̱ si o̱na ze̱ o̱mo̱he lo̱zi era bi Iyio̱n obo̱, o̱deba o̱ha lian re chie o̱kpa? ⁶ Eke vbi eva, Ame o̱kpa, o̱hio̱ si o̱na, emi li Oise̱le̱bua kugbe, o̱so se̱o̱'a. ⁷ Ero̱e̱e "Emo̱ ze̱ li Imosisi rē kpa'se lai wun ukpede afi o̱se̱n'a na o̱kpe̱se̱ o̱sho̱re? ⁸ Ijesu re̱o̱i'an "Ōhio̱ si udu vba lo̱ kaka, li Imosisi re̱o̱ vba kwi eha vba, Ibanre o̱i vbi iyo̱. ⁹ Ita na'vba ho̱n, o̱lo̱ kwi o̱han, lo̱ vbi kho̱ o̱me̱he̱n gai o̱ro o̱kposo o̱vbe, ovi o̱kho si ame̱hen'ga, bi o̱mo̱he lo̱ roi o̱kpo̱so lo̱fi o̱se̱n'a o̱vi o̱kho̱ si ame̱he̱n ga." ¹⁰ Ividoro so̱i re̱i Ijesu, "Akhe gaze iyo̱'o̱, o̱i hume̱n laya ro o̱kpo̱so." ¹¹ ama Ijesu re̱o̱'ian, "Abon ereme khi yan lo̱ ami o̱li ivie̱'emi na, iso̱kpa eli uhi o̱i lian amein." ¹² Ami ela aai za vbi eke̱n si iyian vbare, agbo mi ela ea si o̱lagbōn a'ai, agbo mi elian a'ai egbe'sian o̱hio̱ si e̱ghe̱ o̱ba si ohumi eimi. O̱lo̱miti mie̱n o̱li avie̱'emi na, o̱'nieo̱n. ¹³ Are̱ kua iviehan eso yo̱i lo̱ win obo̱ ian vbi uhumi lo̱ lei ero̱mo̱ nian, Ama ividoro so̱i sanhian. ¹⁴ Ama Ijesu re̱o̱i, "Vba si eli iviehan obo̱, vba kwi ian vbi ebiri, o̱hio̱ e̱ghe̱ o̱ba si ohumi eimi obo̱ sian o̱ri. ¹⁵ O̱re̱ win obo̱ o̱vbi eli iviehan uhumi, o̱re̱ shan shu vban re. ¹⁶ Gbu'u o̱mo̱he o̱so re̱ gi Ijesu ze, o̱re̱o̱i, "Ovie̱'emi iyi o̱le̱se̱n li lv'u li lo̱ re̱ miti mi agbo̱n si rele̱re̱le̱? ¹⁷ Ijesu re̱ tai nai ho̱n, "Emo̱ze̱ wa re̱ mie̱n me̱ amo̱i emi lo̱se̱n? Okpa lo̱ hume̱n su kho lu ovbi agbo̱n, ya re̱ khain uhi," ¹⁸ O̱li o̱mo̱he re̱o̱i Ijesu, "Iyi uhi lo̱u?" Ijesu re̱o̱i, "Egbi o̱a, eme̱he̱n ga, e'duoi, efi o̱se̱ si e̱he̱n. ¹⁹ Ri ekpe̱n ni era loi iyo̱n, bi hume̱n e̱ke̱ni o̱li vba re̱ sikēi egbe. ²⁰ O̱li agele re̱o̱i, "Eli emi na ere̱me̱ liu, emi mo̱ chie ko̱re?" ²¹ Ijesu re̱ ta nai ho̱n, "Ukha ho lu vbo̱ le, ya'shan shi emi ere̱me se̱, uwo̱n ni eli e̱so̱n gbe, ulo̱ mo̱i aa vbi ohumi eimi, uvbare yare̱ khan me̱." ²² O̱li agele ke hin emi li Ijesu tai, o̱mo̱i iria'e̱ke̱n'an Erimidi o̱mo̱e emi lo̱bu. ²³ Ijesu re̱o̱i ividoro so̱i, "Ata ita vbie̱ vba, "O̱lo̱ mian me̱n li o̱lo̱ mo̱i egho re̱ ovbi eghe o̱ba si ohumi eimi. ²⁴ Echie ta na'vba ho̱n, "O̱u hue̱ li ikueri'kue̱re̱ re̱ ovbi e̱o si agbede, da li o̱lo̱ mo̱i egbo re ovbi eghe oba si Oise̱leībua. ²⁵ Eli ividoro ke ho̱n ena, ogbu'unu gbian unu. Ero̱ei, "O̱lo̱ miti mo̱i anifan?" ²⁶ Ijesu re̱ kho ian Vre̱o̱i, "Re̱yi Oise̱le̱bua emi ereme o̱mo̱e uhumi." ²⁷ Ipita re̱ ayo̱n'i o̱re̱o̱i, "Kho mai zi emi ere̱me̱ obo̱ mare khan'e̱ emi mai lo̱ ke mo̱e̱n?" ²⁸ Ijesu rē'ian, "Ata ita na vba ho̱n" vbi o̱li ikpe lo'gbo̱na si ovi o̱a gia vbi ekpete si o̱khai so̱i, vba lo̱ fe khai me gia vbi ekpete igbe'va ya khai e̱zo̱n si uma li igbe'va si isire̱li. ²⁹ Ōikua lo̱zi oa, imio̱n, era bi iyo̱n, ivie'khan, dai oto̱ o̱hio̱ si eni me̱ o̱lo̱ mie̱n egbo̱'ihe̱n bi o̱lo̱ ee si agbo̱n li re̱le̱re̱le̱. ³⁰ Ama elian khi isao lo̱ chie kpi uokho, elian kpi uokho lo̱ chie kpi isao.