¹ O̱ le̱ ghe̱ an Ijesu o̱lode e̱do̱se o̱shan vbi ugboka ohanmi o̱ gbi ivbiokho yain be̱e̱ yan yanoka e. ² Ama e̱ghe̱ li Ifaresis re mion na, yan ta li Ijesu hon, "Kaokho, ivbiokho se̱e̱ yan vbi emi lo̱i deo̱vbo̱ e̱di Isabati," ³ Ama Ijesu ta lian hon, "Vbu se̱i koi emi Idefidi u, e̱ghe̱ li ohanmio re gbo, bi imonhe liam de bai? ⁴ O lode̱ vbi oa si Oise̱le̱bua oi akaa la lo̱ re̱ ghaa, lo̱ chian emi lo̱i deo̱vbo̱ re̱ yo̱ bi ele deba, ama o̱ deo̱vbo̱ reyi ohen. ⁵ U se̱ koi vbi uhi, khi e̱di Isabati oen rivi itempo o̱ vbe mi lo̱i deo̱vbo̱ uma oi zibohi. ⁶ Ama I ta nahon o̱kpa lo̱ gba lei itempo o̱rivban. ⁷ Akhai khi uen emi lo̱na timon, "I hoi itoe̱ken o̱i vbi ivbabo u kha ri ibohi li o̱lo̱ ho̱e ta. ⁸ Khi ovbioa khi o̱lo̱muen si Isabati." ⁹ Ijesu sho̱ vbbanre o̱ lode̱ vbi isinago sian. ¹⁰ Gbuu, o̱monhe lo̱ moi o̱bo̱ le̱ghe̱ ri vban ekhin Ifaresis mian Ijesu gho, "Emi lo̱ deo̱vbo̱ o̱ la re̱ won oa egbe dan e̱di Isabati?" Lian roi kho vbo kho. ¹¹ Ijesu ta niun hon, "Iyi o̱monhe vbi use vba, lo̱lo̱ moi agbo okpa. O̱la gbo defio̱ vbi oo e̱di Isabati, lo̱ kha wui vbo̱ re? ¹² Ukutu emi agbo chian reyi o̱a! O̱hio̱ so̱ na o̱ deo̱vbo̱ la re̱ vbi emi le̱sen e̱di Isabati." ¹³ Ijesu ta li o̱lo̱ monhe hon, "Nen obo̱ sea, o̱ moi iwieghedan, elabi obo̱ lo̱zeva. ¹⁴ Ama eli Ifaresis dioe yan mama khe̱o̱ yan kho̱ bi yan lo̱i gbviu. ¹⁵ Ehi Ijesu en o̱ na, o̱ sho̱ vban re Agbon lo̱ buu re̱ khan, o̱ wuian eremen egbe dan. ¹⁶ O̱ kpase nian, nian ta li o̱ vbe hon. ¹⁷ Lo̱ re̱ moi awon se̱e̱. E mata yyshan vhbih Aizaya bi enian mieoh tai. ¹⁸ "Kaokho, o̱gbumadia men lize. O̱li humenkeon, li ehi men moi o̱ en khen yi. Yoin lo̱ wui etimen on. Yoin lo̱ ti ēdi ikhaezon vbe Ijentas. ¹⁹ O̱kha nien gbe bi o̱kha vbe̱ gian re, o̱ so kha hin ukpuron soi vbi udagboo. ²⁰ O̱kha khi iumi o̱so o̱soa, o̱kha funi eran an o̱so o̱soa, ochien e̱ghe̱ lo̱ wui au lesen kpokhumi. ²¹ Re̱ yi ein so̱i ehein Ijentas lo̱ moi emi nian ewueo dau." ²² O̱a lo̱ rueo lo̱ ya teta, li ivbiesun kpokpo, a nwuo̱in gi Ijesu ze. O̱ nwuoin egbe dan, la za mie khi o lodi teta bi omiuye. ²³ O̱ yin obotu eoa bi yan ta, "O̱ lo̱ monhe na lo̱ meti chian i ovbi idefidi?" ²⁴ Ama e̱ghe̱ li Ifaresis rehi o̱ li oyuon nu an, yain tai, "O̱lo̱ monhe na o̱i gbi ivbiesun jian re lo̱ivbi Be̱e̱ze̱bu lo̱ chian ovbi ivbiesun." ²⁵ Ama Ijesu ein ao sian o̱ ta nianhon, "Agbegbe eremen dobo̱ ghayea o̱di so̱i, bi okpe̱ vbo da iwe lo̱ ghayea re̱ khain egbo o̱ kha muzan. ²⁶ Esun kha khui esun dian re, o̱kegbo̱ re̱ khain egbo̱ Ebi agbegbe soi lo̱i muzan? ²⁷ Memen kha khui ivbiesun dioe re̱ shan vbi Beezebu, re shan vbi emi ovbie re̱ kwan dioe? Re̱ shan vbo̱ na yan lo̱ chien o̱huezon se̱e. ²⁸ Ama I kha khui ivbiesun dianre̱ shan vbi eti si Oise̱le̱bua, E̱khe̱o̱bu si Oise̱le̱bua o̱vbare yie̱. ²⁹ Ebi o̱a lo̱i meti ovbi oa si o̱monhe lo̱ekha o̱ duoi vbe̱ kein o̱ise gbai fio vbo to̱? O̱kpe̱ se o̱ dui emisoi waa. ³⁰ O̱ lo̱i deba men o̱ khumen, bi o̱lo̱i khuakoko de bumen o̱ yakhan. ³¹ O̱hio̱ so̱ na I ta na hon, uan huan lo̱ vbo̱ ho̱o̱ bi o̱ lo̱ te tao̱be a lo̱ eo̱a, ama uroo̱be reyi eti akha roi humen. ³² O̱lo̱ teta o yi oubioa, a lo̱ ro̱i humon. Ama o̱ lo̱ guie mi re khain eti lo̱fun. A kha roi humon, vbe kein o̱lagbon na du o̱ lo̱ ke vba de. ³³ Zi oran humen bi ikperan so̱i, da zi oran ria bi ikperan soi, khi ikperan yan re̱ en oran. ³⁴ We̱we̱ lu chian oube yen, bo̱ re chian o̱lo̱be, ebu loi to lesen? Reyi emon ri vbi udu yin unuo ta. ³⁵ O̱ya le̱sen lo̱ za vbi udu le̱sen vbare yon wui emi le̱sen re, bi o̱a lo̱ be lo̱ za vbi udu lo be vbare you wui emi lo̱ be re. ³⁶ I ta na hon u kpe de si ikhaezon agbon lo̱ tare eta lo̱ be nian ta. ³⁷ Re̱yi eta se̱e̱ yon lo̱ re mi amiefe bi ikue̱o." ³⁸ Ekhin akowe bi Ifaresis a yin Ijesu yan tai, "Ovbiemi, ma hoi li ma mi a en vbe." ³⁹ Ama Ijesu a yin an o̱ ta, "Emi lobe bi orena nian gboghe yain yan ho lian mi aen. Ama aen ye vbo̱ la lo̱ won nian lo̱ vbi si Jona lo mieo. ⁴⁰ E̱ghe̱ li Jona re̱ vbi ikpe̱de̱ ea bi asun ea vbe kein oto̱. ⁴¹ Imonhe si Ninive̱ lo̱ sho̱re e̱ghe̱si ihae̱zon re̱yi agbon si orena e khueo̱ o. Yan moi imoi imioeken de luen e̱ghe̱ si owewe si Jona, kaeokho, o̱ lo̱ gba lei Jona o̱rivi an. ⁴² O̱ho̱bu si eboen za mere lo̱ shore e̱di ihaezon bi imonhe si orena e khueo̱ o. O̱ za vbi igbuo kho si o̱ la ghon na vbare lo̱ re̱ hin ewan si Isolomoni. Kaeokho, o̱ lo̱ gbalei Isolomoni o̱ rivi an. ⁴³ E̱ghe̱ li etie bi sho̱ vbi egbe si o̱monhe re, o̱shan vbi ebumei ye o̱ hoi ifetian ama oi mion. ⁴⁴ O̱tai, "I lo̱ lode vbi iwe men li za vbare. O̱ke rale, o̱ gaze kha we̱li o̱li iwe a rare bi o̱deko. ⁴⁵ O̱ lode̱ o̱o wui eti o̱ vbe ihion lo̱ moi eti le̱o, yain vbare o̱ dia vbun. Ebo̱ lo̱ monhe kei ri lo̱ kpuokho o̱kho lei eboi ri ikpao. Iyo loi de reyi oreina." ⁴⁶ Eloi Ijesu kpei kpai obotu guiemi, gbuu, iyon bi imiion li imonhe muzan vboe, yan kho lian kpai guiemi. ⁴⁷ O̱a ta na hon, "Kaeokho, iyou bi imion li imonhe muzan vboe, yan ho lian kpaye guie mi." ⁴⁸ Ama Ijesu reuyin na lo̱ ta nai hon, "O̱ikhi iyon men bi imion men li monhe?" ⁴⁹ O̱nien o̱bo̱a yi ivbiokho so̱i o̱ ta, "Kaeokho, ka wi iyon me bi imion men li monhe vba na na! ⁵⁰ Ō lo̱ vbi aoo si Eramen lo ri vi okhumeimi, o̱ lo̱ yai omion men lo̱ monhe, lo̱ kposo, bi iyon men."