¹ Loolwe nangu ukila bihisho bya kiine umeso ma batu yulu ya ulimonya, bululi mlolwe nabo; m'beita bibio mushihewa alambwe na senyu kwa hekulu. ² Kokwe ubehana lutangi, nangu ukila asiba na ulitona koo mine nahi kwalububa umeso biabasuita ihwilo mabo na mndila, bululi batonywe na batu. ³ Wee nene nihuumsambila, bahuhua uhewa alambwe abo. Kokwe holikia utangila, uboo wa uachi ushimane bile hukila oboo wa ulume; ⁴ Lutangi lube lwa bubisa. Na sobe kusumona m'bubisha kwiiuha alambwe obe.

⁵ Mengo mamlihusaba, nangu uba nahi balububa umeso; basubenja usaba m'bakimanyu mmihwilo na mmasango na ndila, bululi bamonee na batu. Wii nene nihuumsambila, buhuhua huhewa alambwe abo. ⁶ Gogwe hulisaba kingela iiyumba ya mnda, hamba mchango, saba wa sobe wa bubisa. Na sobe kusumona m'bubisa. ⁷ Hene hobi husaba, nangu ugabua gabua nahi balangamsenge; boo balihulanga yulu ya binywa byabo bingi. ⁸ Mshibe nahi boo, bululi senyu kukidi byamulihubenja hene hamshi na saba. ⁹ Na benywe msabe bino; Setu kuli hekulu china liobe litonywe. ¹⁴ Nambo mwibaleelela batu bubi bwabo, senyu kwa hekulu kwi mleelela na benywe bubi bwenyu. ¹⁵ Msahubaleelela batu bubi bwabo, senyu kushi mleelela bubi bwenyu.

¹⁶ Uu byose, ubesaba na uhamba, nangu umonya yenyi ya m'munji nahi ba lububa umeso bya bali huita, bali huhamba byenyi bululi batu bamane bahamba. Nihuumsambila bahuhua uhewa alambwe abo. ¹⁷ Gokwe, ubehamba, ulishinye mauta mswe na ulikoke uyenyi. ¹⁸ Bululi ushimonee u batu wahamba, na sobe kwa ububisa kwi uha m'bubisa.

¹⁹ Nangu ulibiila lindo hano hamkala, hali budi na kisii chilihudokya, uli beebi balihubela na ukiba. ²⁰ Wa bibio, ulibiile lindo hekulu, ushibadoka itu, budi na kisii na beebi bashibabela nuukiba; ²¹ Wine uli lindo liobe noo ubi na mtima kobe.

²² Yaa ya m'bili ii liso, nambo liso lyipo, m'bili kwina lwenge. ²³ Liso lia huba libelebu, m'bili kobe kose iikukiluchu mdo. Bibio lwenge luine luli mnda mobe nambo iimdo, ati ii mdo!

²⁴ Hashi mtu mine kunakilila balume babili, bululi kuionywa kumwechi na umbenja kunge, nambo bishi bibio kwihulicha na gugu na unenuna gugu. Ushi naosha ukilila Abeca pungu na bumona.

²⁵ Wa bibio nihusambila, ushibe na maduba yulu ya mweko kobe, wiiya ii na wiinywa ii, ulamana na m'bili kobe, wichwala ii. Je! mweko kusahima iliwa na m'bili kusahimabisanjwa? ²⁶ Lulwe tunyonyi twa hekulu. Bashibauna na bashiba esa na usola na ubiya mtuhombo, senyu kwa hekulu kuli hutulisha. Je benywe ati kuumkidi uli tunonyi. ²⁷ Mnanyi yulu ya ukiganya kuna lilahia ichuli yake uboo umwechi?

²⁸ Yulu ya ii mwina iduba bululi bwa bisanjwa? Laangwe yulu ya buluba bwa mmabala, bya mali humena, mashi huita mkilo, na bishihulichwia ²⁹ Bina nilihuumsambila, ata Sulemani buhaha bwake bose, kushi mchwiwe nahi buluba. ³⁰ Abetcha pungu byeli huchywa buluba bwa mmabala, buli lino na mmeshi ii yuutelwa hanohoka, kushishingwe uu chwia benywe, benywe ba buwasha bucho? ³¹ Wa bibio mshiliangaishe nukana, twiiya ii? Twinywa ii? na twichwala ii? ³² Bululi balanga msenge balihubienga bibio, yulu ya bibio senyu kwa hekulu kukidi muli huenga bibio. ³³ Wa bibio mwenge kwanja buolo bwake, na winene bwake, na bibio bose mwihewa. Nangu ulisusula bia mmeshi; ³⁴ Nangu ulisusula bia mmeshi; mmeshi kwili mana kwoo kwiine. kila lusuku lwina bulema bwake.