¹ Mamo mengo, Helode kuhuliche mwano kwa Yesu; kusambile bakichi bake. ² Gugu Yohana mchunji, kuachua uhuma uu babu, na wa bibio uno uoma ulihukila mkilo mnda mwake.

³ Mamo mengo Helode kusebele kwa huumamba Yohana mmiihambo, yulu ya Helodia, mmachi kwa Filipo mmuluake. ⁴ Bululi Yohana kumsambile, bishi bisoka kokwe uba naake. ⁵ Nagee hebendiche uumaka, kusinine batu, bululi bamonine Yohana uba mbua.

⁶ Hawilile lusuku lua ubuswa wa Helode, msiha kua Helodia kuinine uumeso ma batu, Helode kubendiche uina wake. ⁷ Gee noo uukanina wa ulapa kwiima yoyose yelisaba. ⁸ Nagee, kusonganywe na mnake, kukanine, upe hano mswe kua Yohana Mchunji mmiilego. ⁹ Olo kuwile mtima, yulu ya ilapo yake na yulu ya baya bene babele huya biliwa hamwechi nake, kee nukana kahewe; ¹⁰ Kutumine mtu, kee nuukeda Yohana mswe iya mmiihambo. ¹¹ Mswee kwa Yohana kuleshilwe mmilego, msiha kuhelwe; kukuhilile wii mnake. ¹² Hanyuma bakikiwa bake bachwile ukuha etumba na uchia, boo nousili ukia umsambila Yesu mwano. ¹³ Yesu helihuliche bibyio, kulibakule nabo uhuma haya, kuchinine m'bwato nukia wene ushi batoo, umasiso. Ihichi ya batoo habahuliche, bamlamine wa makulu uhuma m'mbuka kiaabo. ¹⁴ Yesu kuhumine, kumonine ihichi ya batu, kubamonene, kene, kubahoninye basumwa babo.

¹⁵ Ha ihile igolo, bakikiwa bake bamkilile nuukana, “Hano tuli mlundu, na mengo mahuhita basambile bakiwile umadu, bakie ulikulila biliwa.”

¹⁶ Yesu kubambilee, Bashikya wabo. Bahewe biliwa ¹⁷ Bamsambilee, “Hano tule na mikati gitano na swii chibili ka.

¹⁸ Yesu kukanine, “Chuwe nakio.” ¹⁹ Hanyuma Yesu kubasambile bashame ubiaanyi; kukuhile kiya mikate ketano na chiya swii kebele, kulolile hekulu, kuheleleche, kee noo unoka kiya mikate, kubahele bakikiwa, bakikiwa noo ubaha. ²⁰ Balile bose na ukyotaa. Baongwele bihendi biose bia mikate bene bishikele huya bikilule bitanga umi na bibele. ²¹ Baya bene balile alebo batu mia na maumi mana nangu ubala baachana na baana.

²² Haho kusambile bakikiwa uchina m'bwato, na babangue udabua m'buala hambele hake, mengo mebele hulangana na eya ihichi ya batu. ²³ Heli huile ulakana na ihichi ya batu, kuselile uu luono wa bubisa, ukia usaba. Hamahiile mengo ma ekolo, kubele ubo kee buchima. ²⁴ Haliile buato m'buingi na ichiba, buato butulile utelwa na mabimbi yulu habele mnaka kwa alengule. ²⁵ Habuhiile busuku bwa umayayaa Yesu kuhiile wabali, kulihukiata na makulu hekulu ha maade. ²⁶ Bakikiwa habamonine kulihukiata hekulu ha ichiba, bakakelue, bakanine, ii ichulichuli, bakabuile wa boboa. ²⁷ Yesu kudokomine, nubasambela,” lihewe mtima mnee nangu usinyua.”

²⁸ Pedelo kumkaile na ukana, Mlume nambo mkokue ungita nachue ubo oli hekulu ha madi.

²⁹ Yesu kukanine “Ubechua.” Pedelo kusalile uhuma m'buato, kukiatile na makulu hekulu ha madi, ukia ulee Yesu. ³⁰ Pedelo helimonine mabimbi, kumonine booba, kutulile uchinda, kukabile, nuukana, “Mlume ponye.”

³¹ Yesu kukolole uboo wake, na upwaata, nuumsambila, kokwe kua buwasha bucho, yulu yaii wamona maduba? ³² Habachimine m'buato bambungi machui, mnaka noo uleya.

³³ Na bene babele mpwaato bambungile machweeo, bakanine we nene kokwe wee Mwana Abetcha Pungu.

³⁴ Na habahuile udabuwa bahiile mmbalo ya Bageneza. ³⁵ Na batu ba iya ibaloo habammanine, batumine batu ukia mmabuka ma mibamba, bammilile bose bene bassinet huliosha.

³⁶ Bamlililee bauche ata pendo lya ichwalaywaa yage kaa; na bose bene bemuchiche bahonine lose.