ESUKI 28
1
Mbuse e sabata, la hilihili e lisio la poo e poso, Maliya Magadala la moliya weeti wakeeli odhendji mbila.
2
Eho dhenda! Mbume edudumali makasi meenene, laate ahumbwa e Mwengei alongwali likolo, ayadjimbia, agulia libhukeli liwoso e modhuhe mo mila, ayabatia likolo la ho.
3
Ndenge ende edjakali nda abalimani, pe wisindje wande ebubali nda mapata.
4
Wasindjili wangilimali la owangi, waumali nda wagui.
5
Ase ahumbwa ehoo awawongoselali wali waho ate: Otiwangeni, laate eyewi ate okolukakani Yesu, ongo omobakali oyo.
6
Ati alandjo laate asusoigaa, nda eyasali inde. Djakani odhenge ebete Likumu alangalali.
7
Ase kekeni galagala pe walehela watutiani wande ate asusoi. Aki liwoso la nu la Galileya. Ongo nde okomoeneni ino. Meemene isilisiga oowaselini.
8
Walongwali obangu la mbila, la owangi la mwemu sungu, wakeeli obangu owasumbeli watuatiani wande mboli.
9
Dhnda! Yesu agbotonia la iwo pe awaaselia: mbaa! Wadjali wamohelia mangbanda pe wakuya mauli liwoso lande.
10
Ndjingo Yesu awahaselia ate: oyiwangeni! Kekeni owasumbeli wamanima wa mbai mboli, ate wakee a Galileya laate ongo wakohene
11
Ango edjakiyo iwo la mboka, weeti wasindjili walingelali la gbata, wawasumbelia wiloko wa wanganga Mwengei sambo kpa ekelamali.
12
Mbuse e waabondji la wiloko la olingeli likita, waahali wasoda makuta masungu.
13
Ase wawaselia: asani ate watutiani wande wadjaali oyiwi wenge ndji iso todjei la ilo.
14
Inga ewuma la matoyi ma likumu e gbata, tokomondimisa alidji tokokela ate watootungeseni.
15
Ndjongo watotali wambele eho ewibende pe wakelali ndi nda ewatiesakolali iwo; pe loi luhoo esombali atie wa yuda tee la lisio la keke.
16
Kaikowase, watuitiani liomo la esi wakeeli la Galilaya a mokoli enge Yesu awa wunelali iwo wagbotone.
17
Ango emoenia iwo, wamomayelia mauli sese kasi wadji wakokiali.
18
Ase Yesu ayandongbali pe akpomesali la iwo, aasia: wahekeli mbai okumu kpaa e likolo pe la mbume.
19
Eho lenge, kekeni pe owumeseni wato wa miki kpa watutiani wa mbai, owapateseni la kombo e wawa pe la mana pe elimo satu.
20
Watiesakolani watose sambo kpaa enge oyohekelini. Pe dhenda! Edjei la ino tee gboo e moki.