1
Mbuse engele ekeke, Yesu adjakali oleki ndondo e elanga e wopunga wuse wo ohomi watutiani wande waokia ndjala wapotia ogbololi wopunga la olaki pukapuka djaho.
2
Ango weneli wa Falisai loi loho, wasia la Yesu: Denda watutiani wa owe wakokelaka wotomu wuse wo ohomi, loi wungo wotekesi pui djasu.
24 Ango ewa okali Wa Falisayo wasia: oholo moto akoumbaka la esisi ebe, alikambo la Beledjebului Likumu la wu akomohaka inde wokulu!
25 Ase Yesu aewali mamungwene mawu, ndjongo inde asia la iwo la wokumu kpàa wungo wokosanaka wato waho ndondo ewu mene gboo eho edjéi logo. Gbata kpàa te mawota kpàa mango wato waho te woabolei wou wakosanaka ndondo ewu mene, wato amala te. 26 Inga Etota aumba inde akosanaka la inde mene. Ndjongo wokumu wonde wokoamala nda ndenge? 27 Okomungwakani ate mbai ikoumbaka la wisisi wibe alikambo la Belezehuli akohaka mbai wokulu. Ndjongo ndai okohaka okulu atie wayekoli wanu mongindi? 28 Kasi inga la okulu e Mwengei ekowumbaka mbai la, likumu la Mwengei edjei etie ino.
29 Alidi nda ndenge moto akoki lingeli la molako mo moto otetelake apuese iho, ndji atimo eheyo ongo moto motetelake.
30 Moto ongo oti la mbai mongindi te akosanaka la mbai moto ongo ogamesitiaka mbai te la okongoli djinge ikoandjaka inde akaa ndjaka.
31 Alikambo laho, yasi la ino wato waengi olimbesami alikambo la masumu kpàa ase alikambo la sambo kpàa djinge ikoasaka iwo ase moto ongo okoasaka sambo mbe atie molimo monsato, atolimbisama te. 32 MOto ongo okoasaka sambo mbe atie mana o moto akolimbisama ase moto ongo okoasaka sambo mbe atie molimo monsato atolimbisama te, te la ehele engele, te le engele enge egeleli.
33 Alikambo la okondji pukapuka ndamu eongi odje la motema molamu inga odjani la mote mone, okodjani la pukapuka mbe alikambo ate wato wakoewaka mote la ndenge epukapuka djinge ikowotaka mote moho. 34 Ino okani nda ndenge engi ino wasi sambo ndamu ase ino odjéini wato wabe? Alikambo ate monoko mo moto mokoeneseke sambo djinge itumi la motema monde. 35 Moto molamu alikambo la wodjenge walamu la motema monde, akoumesaka sambo ndamu, moto mobe alikambo la wadjenge wabe la motema monde akoumesaka sambo mbee. 36 Yasi la ino la wuse wo oteni huko wakowasambesa wato alikambo la woasi wou ndjongo ndjongo la mango masi iwo. 37 Alikambo ate wakotena huko e owe, nda ekoasaka owe inga odje la huko te inga oti la huko.
38 Ndjongo wato wadi la wapundesi wa pui la wa Falisayo wasia la Yesu: mwalimo, tobali towene owe okele eaahuele.
39 Yesu awawongoselia ndjo: wato wa ehele engele ekéké wati wato wango wakoahelelaka la wondimi wou te atie Mwengéi wako ongoko eaahueli, ase Mwengéi atowaha iwo eaahueli teeti te, ndi enge emohali Yona. 40 Te la gesele te, nda elangalali Yona masio masato la makolo masato ndondo solo djasu sungu, ndi ndjongo mbai mana o moto ikolangala masio masato la makolo masato ndondo e mbume. 41 Wuse wo oteni huko, wato wa Ninive wakoamala liwoso la wato wa kekehele la wako wasambesa iwo alikambo ate wa hengeseli motema ango okali iwo woasi wo yona. 42 La wuse wo oteni huko, Likumu la moli o Sudi akoamala la owasambesi wato wa kekehele, la akowahela iwo alikambo ate inde alongwali la moki mo lihiele la oki sambo itumi la lokenge lo Salomo ase ema esi edjéi ahala esungu omoleki salomo.
43 Ango oumiga molimo mobe atie moto inde akokeke ase akowongwaka la wibete wiomake oluki ebete ehomake inga atigbote eho te. 44 Inde asia iwongwe la monguta la ebete enge elongwali mbai inde awoya ongo ase agbotia wonguta modjéi wohola ndi wakpasiga la wa wongeliga moho wolamu kpàa. 45 Ndjongo inde akia ototi milimo sambo wadi omoleki inde la wobe wawongoya mongindi ase wabatia ongo edjéi ndi ndjongo ate gboo emoto oho ekodja wobe oleki ongo oliwoso loi wokodjaa ndi ndjongo alikambo la wato wabe wa kekehele 46 Ango edjakali Yesu wasi yo la wato, nango la wamanango woumia wamalia ongo saa la wadjaki oluki okpomesani la inde. 47 Moto mwesi amwaselia Yesu oka ngua la wamangua waamali ongo saa ase wabali okpomesani la owe.
48 Yesu amowoselia ongo moto nda moto odjéi ima la wa manima wadjéi wa ndai? 49 Mbuse eho inde alongosia ewo atie watutiani wande asia: Dendani ima la wamanima wadjéi ahala, 50 Moto okokela nda ebali wawa o likolo, moto oho adjéi manima opele, la manima o moli.