¹ बहए समय वाप्तिमा देन बारो युहन्ना यहुदियाको उजाड स्थान मे आओ, और अइसो काहतय प्रचार करन लागो,” ² पश्चाताप करऔ, काहेकि स्वर्गको राज्य जौने आएगव हए।“ ³ काहेकि जा बहए हए, जौन के बारेमे यशैया अगमवक्ता अइसो कहि रहए।“ खण्डहर जगाहमे एक जनिको चिल्लानकी अवाज, परमप्रभुकी डगर तयार करऔ, बाकि डगर शुधो बनाऔ ।"

⁴ यहुन्ना उटको बारको कपण लगात रहए और कंरह्यंओमे चमड़ाको फेटा बंधत् रहए।बा सलह और जङ्गली भैरको साहत खात रहए। ⁵ यरुशलेम और सबए, यहुदिया और यर्अदन नदियाके वरपारके सबै घेनके आदमि बाके जौने आए । ⁶ औरअपने पापके मानतय यर्दन नदियामे बा से वप्तीस्मा लई।

⁷ पर फरिसी और सदुकि मैसे बहुत जनी वप्तिस्मा लेन आत देखके बा उनसे कही,”ए संपके बच्चा, आन बारो क्रोद से भाजन कैन तुमके चेतावनि दई? ⁸ पश्चातओ औेर सुहान बारो फल फरावओ! ⁹ और अब्राहम हमरो पिता हए कहेके आपसमे मत काहाबओ।काहेकि मै तुमसे काहात हओं, परमेशवर जे पत्थरनसे फिर अब्राहमके ताहि सन्तान उत्पन्न कर सकत हए। ¹⁰ ० अभए रुखाके जर मै कुणाहरी पणगइ हए।जा कारनसे अच्छो फल ना फरान बारो सबए रुखा काट्के गिराए जैहंए, और आगि मै फेक देहंए।

¹¹ ”मै ता तुमके पश्चतापके ताहि पानीसे वप्तिस्मा देत हव, पर मिर पिच्छु आनबारो मोसे बहुत शक्ति-शालि हए, जैनको जुता बोकनको योग्य मै ना हओ।बा तुमके पवित्र आत्मा और आगिसे बप्तिस्मा देबएगो। ¹² बा को सुपो बहेके हात मै हए, और बा अपने आगनके पुरो सफा करएगो और अपनो गेहुं बखारी मै जमा करएगो, पर भुसाके त नाबुझनबारी आगीमे पजार देहए ।

¹³ तव येशु गालीलमे युहन्ना जौने बासे वप्तिस्मा लेन यर्दनमे आओ। ¹⁴ पर युहन्ना एइसो कहिके बाके रोकन चाहत रहए,” पर मोके त तुमसे वप्तिस्मा लेन जरुरि हए, और का तुम मेरे जौने आए? ¹⁵ पर येशु बासे कही”अभे अइसियए होन देओ काहेकि अइसियए हमके सबए धर्मीक्ता पुरो करन पणत हए। तव यहुन्ना राजी हुइगओ।

¹⁶ और येशु वप्तिस्मा लइके तुरन्तए पानी से बाहेर निकरो और स्वर्ग खुल्गओ, और बा परमेश्वरको आत्माके कबुतरके जैसो तरे आत भव और अपने ऊपर आत भओ देखी । ¹⁷ तब स्वर्गसे जा बाणी आइ, “जा मेरो प्यारो पुत्र हए, जासे मए गजब खुशी हओ।“