¹ Pilina Jesus mene san epbebeso nyo yam pisa jerusalem te me Bethpage,yan wohu ne olives,te Jesus ma sengane San epbebeso low ² ,ka mene nyo,"Van yen tenem San nan,te ngok pesili ka kop syo kiyene donkey na yam pisi miliye ate,mene neti horse wa.wawate nyo te tylia nyo mene nye. ³ vanten tuswa te ka se doswa husili sye nyo ente , ka kop ka , Lord ma timeane nyo, te vanten swa pelili ka wa sengane nyo mene ngok. ⁴ Yen nentak sye nyo ka va pisa husili sewei sa prophet nyo yam ka.Ka ⁵ temmeli viaven ne Zion,'esi , Sam King be me ne ngok,lingky ngok vyan pean te kuo yan donkey _ kuo yan horse, ⁶ Te epbebeso yam vyan te kene sewe sa Jesus maka ka yap kene. ⁷ Te nyo yam liye donkey ente mene neti horse te lingki sa seseiar yan nya. ⁸ Viaten pispis yam wosene sukuo nyo yan seli,te disye yam te pesiley nyo te wosene yan seli mon. ⁹ Te vanten nyo na yam vyan me mo ne jesus te nyo na yam husili nge mon yam hoo,"Hosanna vyan mene neti David! Nguonguoan kawa per mene nyo na yam me yen is Lord! Hosana vian milye!" ¹⁰ pilina Jesus meme jerusalem,vanten nyo yen city yam sengnelis te ka,Si sa nge te?" ¹¹ Te vanten nyo yam husi, entak mi jesus na me prophet ne Nazareth ne Galilee." ¹² Pilina Jesus me pis pyan hem yoo.Nge ma seteline sye kevene na yam tilya nyo vyan te puos ane pyan hem yoo,nge mo kone table ne sakuokuo ne vyor an te kone etastas sa nyo na yam tu puos ane doves. ¹³ Nge ma ka mene nyo,"entak me tis per,'mok hem yam ke me hem ne temtemeap,'ha kimim kim kene me hem ne puos an." ¹⁴ Te nyo na meta ma bang nyo na yam oko mesanga yam mene nge pyan hem yoo, te nge mo kyone nyo. ¹⁵ Pilina chief priest mene scribe nyo yam esi kes an na muvuten na me kene, yam hugane temili nyo yam his yan milye pyan hem yoo te ka,"Hosanna mene elingling se David,"te me kene iyo me ya. ¹⁶ Te yam ka mene nge komugane sewei sa yam tu ka?"Jesus ma ka mene nyo, visey kydo tu teyen daa yoo vyen,'soviye yen bunon temili nyo ah nyo na yam me liliten yam naknak ka yap kolir'? ¹⁷ Te Jesus mi ling ko ne nyo te sovilye yen city te vyan Betani te Per lemeaek swa aran. ¹⁸ Pepeliyen ente Jesus mokoliyan yen city, nge meamate. ¹⁹ Nge me esi ley swa yam ka me fig tree ber tevesey seli, nge Me vyan te do esi wetye tuswa a yesukwo an kion.Nge maka mene,"ha ngok sokon wet lingky wetye mon," te fig tree ente me mer. ²⁰ Ka San epbebeso nyo yat esi,me sey tupos te nyo yam ka "Ley entak me mer korkor tevan sewe? ²¹ Jesus maka mene nyo ,"Petenan nam ka mene ngok, ka kot liye peanru te kot nyorkate, saka kon kene kymeane fig tree entak kion,kom kovoliye ka kop ka mene wohu ka vu ku van milye te tyon yen tes,te ka we kene waki meane kom ka. ²² Sewe kom husi yen temtemmeap an , nyorkate , ngok ka kop liye." ²³ Te jesus Memey pyan hem yoo, te chief priest mene elder nyo San vanten nyo ente yam me esi sewe sa be husiane te yam ka," Si sa ma sengene kes an ente mene ngok ka kop kene sye Kyo te ,si me sengene kes an te mene ngok.? ²⁴ Te jesus ma soro mene nyo,"nye mon ka nap husi kimim ne daa swa.Ka ngok kot ka mene nye, nye ka nap ka si sa ma segene kes an entak ka nap kene. ²⁵ Baptisim se John Meysey alvey?mene yen tongtong mente vanten?" nyo yam sorohusili mene nyo, te ka, "ka er rat ka Meymey yen tongtong,'nge ka we ka mene er,'tevan sewe sa ki do nyorkate nge?' ²⁶ Ka er rat ka, te Mene vanten ,'te ka er rap kene viey nyo ka howenek,tevan yam esi John makemeane prophet swa." ²⁷ Te nyo yam ka mene jesus , "kiye do kovilye ."Nge ma ka mene Kyo, sa ka nan kole ka si sa ma sengene kes an nyo entak ka nap kene. ²⁸ kop nyor husili ? Vanten swa naten man me lo.Nge Mey van tevan na me tomo te ka,'netuk man , ko yan te kes yen sar tor tema,'29 ²⁹ Te naten man ma ka,'saka nan van ,'ha metoan ma sakuokuo ane San nyornyor an te van.30 ³⁰ Vanten ente Mey van teven naten na me dodo an te ka daa ente mene nge mon.Naten ma ka,'ka na van ,sir,'ah nge do wet van. ³¹ Temili man nya entak enpean sa me kene sewe sa seya tata ma ka mene nya?" Nyo yam ka na me mo".Jesus maka mene nyo,"petenan nan ka mene ngok,vanten na be titiya vior mene vaven ne seli ka yep pis yen tongtong vi mo ne ngok . 32 ³² John meymey ne ngok yan seli ne mesa an ,te vanten ne vior mene vaven ne seli yem nyorkate nge.Ha ngok,kom esi , ah ko do sakuokuo te nyorkate nge. ³³ Eyong ta ne parable entak mon.vanten swa , Mey tebuon an tan.mey pya tor swa,kili toh ente Mey pyap kio ne ley Kyo, nge me ehli puluvu swa ne wine press,te nge me kene hem swa ne tetean , te ma lingky be yan vean swa na be kesyen . Te nge me van yan vilye swa tymenes mon. ³⁴ Bilina na toh ente me meato, nge ma sengene san hepepeso nio yam vian ka yap bakuli weh nio. ³⁵ viaten na me tebuon toh mu ngugate san hepepeso nio, ma juvini swa, ma tuya swa. ³⁶ Tetes mon vianten na san toh ma sengene hepepeso na timinies nio mon vian ma save na mimo, te vianten na me tebuon toh me ngene kio nio ma ngemeane nio na mimo kuon. ³⁷ Yene vianten ne toh ma sengene naten man kate, te ma ka, 'Netuk bon ka yawet miomio ne.' ³⁸ Bilina vianten na be koane toh me esi naten kate me ma ka, 'kame sip tiovini te liye toh vi san si. ³⁹ Kuon te yem ngomu nge, towane nge nane toh, kuon te tiovini nge. ⁴⁰ Te bilina yapu ne toh ka te me, kom ntimie ka nge wa ma sewe ne nio na yat ndu tepuon toh?'' ⁴¹ Yam ka meane nge ka, ''nge ka wa tiopsea vianten nionte te ka wa sengene toh meane vianten minies nio, vianten nio na ka yap bibi vian meane nge bilina toh me meato.'' ⁴² Jisas ma ka meane nio, ''kito esi yen mbuk yio na, 'vior na viaten ne nkies hem an nio yam misien ane mi vior na yam ndu tembesie hem yan. Ente mi nkies an se yapu te erram esi muwu yen matar'? ⁴³ Tevian ente nam ka meane ngok, Yapu ka wa liepkuwu tongtong motone ngok te sengene vian meane vilie na ka wa lingi wejie. ⁴⁴ Tuswa na ka tumur yan vior entak ka wa tesi milili, ah tuswa na vior tumur yan ka wu jiovini nge. ⁴⁵ bilina jif prist nio meane farisis nio yam hongane juptean ente, yam kowilye na nge mbe soro husili nio. ⁴⁶ Yam tuwuliesi ka yap nkumkate nge a homenenk ane vianten nio, tevian na vianten nio yam ka na nge mi provet swa.