¹ Yian wembung ente ehpepeso se jisas nio yam me te usie miane ka si sa mie towo yien villie yien tongtong. ² Jisas mi kie temili swa meme te tas pesili ne nio. ³ Te maka wanghae nap ka mene ngok,sakuokuo wangkemiane temili niontak,ningi saka kon mpis yien villie yien tongtong. ⁴ Vianten na ma lingi nge vian yian tan nge ka wi towo yien villie yien tongtong. ⁵ Vianten na ka te kie temili swa yien sok his vian tenem ma lie nie. ⁶ Ah vianten na ka te kene te sanga mene temili tusua na mi nior kate nie towu ne ka yap pisi vior yan piandion te ndion ane nge vian yian mpetinipnip. ⁷ Kiepine an ne tanabian tevian sanga an na ka we me yian vianten ne sanga an nio,sanga an ka we me ah kienkien an kawi san vianten na me kene sanga an. ⁸ Ka veam mende liem tepe kene ka kot be kene sie nio na to mior kop takowu wu kuo nane ngok,towu ne na ah kop lie meu an ne veam mene liem swa save na akop hoko ne liem lo a veam lo te vian yien hapiang. ⁹ Ka metam te pe esi sie nio na towu kop shokowu te towane, towu ne na akop lie meuan mene metam swa wa save na akop vian yien hapiang mene metam lo. ¹⁰ Nior kate, seka kon mawane temili niontak tusua, nam ka mene ngok ka sa enjel nio yam ndu esi neo sok dada yien tongtong. ¹¹ Tevian neti vianten meme kawa sakowu nio na yam sea. ¹² Kop nior usili? ka vianten tusua han sipsip mie wung swa, ah swa ma sea te muko nane meper ah meper te me vian kawa teane swa na ma sea. ¹³ Kate shiokiliene,nge kawa hongane wuwu tevian wasave meper ah meper na yiato hoko sea. ¹⁴ Yien sinisye ente, sam dada yien tongtong to dimiane ka temili niontak tusua kawa sea. ¹⁵ Ka sam mbivian tusua te kene sanga an tusua mene ngok ko vian te ka miane nge ka sinisye na kom kene to mior.Ente kawe per twane kama kion,kate yongta piam te kap kulime sokuo tetes. ¹⁶ Ah saka nge te hongane ngok te kop lie swa mende lo yie vian miane ngok tevian lo mende si kayap hongane sewe sa nge kawe ka ne mpungon. ¹⁷ Ah nge seka tedimiane hongane nio ko vian ka miane yapu ne church nio,ah ka nge seka tedimiane kawa hongane church te kip lingkowiline nge wake mene vianten na to kowilie yapu wakemene vianten na mbe tilia tax. ¹⁸ Petenten nam ka meane ngok, sewe sa ka kot perkateh yen tanapyen ka yap perkateh yen tongtong, sewe sa ka kot tewer kuwu yen tanapyen ka yap tewer kuwu yen tongtong. ¹⁹ Tetes mon yen petenan nam ka meane ngok, ka vianten yieti lo menteh sii yiet mone sietuswa yen tanapyen te yem husi, sok dada yen tongtong ka we ngene wa ngemeane na yem husi. ²⁰ Ka yieti lo menteh sii yiet vian sukuo yen sok is, nie nam per twoane nio sii.'' ²¹ Te pita meme esi jisas te ka meane ka, ''Yapu, ka sok bivian tuswa ka te ngene te sanga ne nie, viaves sa ka nap yiormiline nge tevian? kawi viea melevio?'' ²² Jisas ma ka meane, ''Nato ka meane ngok kawi viea melevio, nam ka wa sikia hung melevio wi melevio. ²³ Vilie yen tongtong ma ngemeane na king swa ma ntimeane ka wa ling kukune sukuon nio meane san hepepeso nio. ²⁴ Mbilina meh tembesyeh san nkiyesan, yam lye viaten swa me ne nge na ma tilya ten tausen talen tevian. ²⁵ Ah nge toweseh ka wa sengene liline sewe sa ma tilya. San masta maka wu puosane nge, san viaven meane naten nio ah sukuon kevene te vior an ka wi den. ²⁶ Mangetak te hepepeso ente mu mur vean yan tan te ka, ' Masta, ko mento meane nie, te ka nap sengeliline sukuom na nat tilya. ²⁷ Yen yiosan, san masta mu yiormiline nge tevean sewe sa nge meh nkene. ²⁸ Hepepeso ente me vean te esi hepepeso an swa mon na ti tilya vior wuswa tevean. Ma kinkate biantion te ka neane ka, ' kop sengeliline sok vior na kot tilya.' ²⁹ ''Ah hepepeso ente ma sinkti vean yan tan te ka, ko mento meane nie te ka nap sengeliline sam vior.' ³⁰ Ah hepepeso na mimo te toh ntimeane ka wa hongane san mbivian ente, ma ka te yam lingi nge yen presin sikia na ka wa sengeneliline san vior. ³¹ Mbilina hepepeso an woswa mon yam esi na nge me nkene kio sa mbivian ente, yam hongane masanga tevian, yam tavia te vian ka sie kevene meane sa masta. ³² ''Masta se hepepesoan mi kie nge te ka, 'Kom sanga den, kom husi nie te nam yiormiline ngok tevian sewe sa kom nkene. ³³ Mangivi sa koto nkene wa ngemeane sam mbivian wa ngeneane na nat nkene meane ngok?' ³⁴ San masta ma hongane yion mi yah den, ma sengene nge vian teveh nio na yam ndu panisim viaten, ka yap panisim nge sikia na ka wa senge liline san vior. ³⁵ Sok dada na viliye yen tongtong ka wa nkene wa ngemeane meane ngok na koto yiormiline sam mbivian sian yenehmane ngok.''