¹ Brata, sipos i kat sam man i kam blong kasem yufala, yufala we Spirit blong God i stap wetem yufala, yufala i mas givhan long hem blong stretem hem. Yufala tu i mas lukaot gut long yufala blong samting i no save kasem yufala. ² Givhan long yufala long ol trabol blong yufala, mo blong mekem folem loa blong Kraes. ³ Sipos narafala man i ting se hemi wan samting nating nomo, hem i kiaman nomo long hem. ⁴ Wan wan man i mas luk luk long wok blong hem, blong save mekem wok blong olgeta be long hem wan, ino blong narafala man. ⁵ Evri wan i kat wok blong hem yufala i mas givhan long yufala. ⁶ Wan we i serem tingting long tok blong God bae i serem ol gud samting wetem ol tija blong olgeta. ⁷ Yufala i no mas folem samting ya. Yumi no save kiaman long God, from man we i planem sid ia bae man ia nomo bae mas kakae frut blong hem. ⁸ Sapos man i mekem rabis fasin ya long tingting we hemi wantem bae save lidim hem long ded nomo. Be sipos hem i planem fasin we Tabu Spirit i wantem, Tabu Spirit bambae i givim kakae long hem, we bae i kat laef we i no save finis. ⁹ Yumi no slak blong mekem ol gudfala samting from bae kat stret taem we bae yumi save kasem kakae true long wok ya blong yumi. ¹⁰ Taem se yumi mekem wok ia we i gud yumi save mekem gud tu long evriman olsem olgeta ia we oli brata mo sista blong yumi from we oli bilif tu long Kraes. ¹¹ Mi nomo mi raetem tok ya long ol bigfala leta wetem han blong mi. ¹² Ol man we oli fosem yufala blong sakomsaes oli mekem nomo blong man i tingting gud long olgeta. Oli stap mekem olsem from oli save se sipos oli tokbaot ded blong Kraes long kros bae ol man oli spoilem olgeta. . ¹³ Olgeta we oli sakomsaes finis oli folem wanem we loa i talem. Mo oli wantem fosem narafala man blong bambae oli save mekem flas from yufala, mekem se yufala i save bian long olgeta. ¹⁴ Be long mi, mi save tok flas true long ded blong Kraes we i ded long kros. Long wanem we olgeta i mekem fasin nogud mekem se God i brekem paoa blong fasin nogud mo mi mi fri long fasin ya. ¹⁵ I nomata we man i sakomsaes o ino sakomsaes, long kristin laef God i mekem laef blong man i kam nuiwan long olgeta. ¹⁶ lo olgeta we oli wok folem wanem mi talm tru prea blong mi, pis mo meci bai stap wetem olgeta, from God kat sore long olgeta, mo ol narafala man we oli prapa laen blong Isrel. ¹⁷ From naoia i go no letem wan man i trabolem mi, from mi mi gat ol kil long bodi blong mifrom wok blong Jisas . ¹⁸ From glad hat blong God blong yumi Jisas Kraes i stap wetem Spirit blong yumi, brata. Amen.