¹ Mi mi stap talem long yufala se, taem wan man we hemi pikinini yet, afta papa blong hem i ded, bambae hem no save karem ol samting blong papa blong papa blong hem yet. Hemia i olsem we hemi slef yet long ol from ol samting blong hem. ² Be hemi stap long hem blong olgeta man we oli stap lukaot long hem, mo kasem team we papa blong hem i bin makemaot, bae oli talemaot long hem. ³ Mo bageken, mifala tu i olsem. Long taem we mifala i olsem ol kristen pikinini yet, mifala i olsem slef nomo long tingting blong wol ia. ⁴ Be kam kasem long stret taem, God hemi sendem pikinini blong hem, i kam bon long wan woman, we hemi bon anda long loa, ⁵ blong hemi save tekemaot yumi long loa ia, blong yumi save kam olsem ol pikinini blong God. ⁶ Mo from we yumi kam ol pikinini blong hem, God hemi givim spirit blong pikinini blong hem, i kam long had blong yumi. Hemia spirit we i stap singaot se, "Papa,Papa". ⁷ So naoia yufala i nomo slef, be yufala i pikinini blong God, nao yufala i gat raet tu blong kasem ol samting long God. ⁸ Be long team we yufala i no save yet, yufala i slef nomo blong olgeta we oli gat paoa be oli no God natting. ⁹ Be naoia we yufala i kam long God, mo we God hemi save yufala finis, be yufala i stap gobak long ol giaman god blong wol ia we oli nogat paoa from wanem? ¹⁰ Yufala i stap tingbaot ol dei mo ol manis mo ol team mo ol yia! ¹¹ Mi stap fraet long yufala, se nogud yufala i mekem had wok blong mi i go natting nomo. ¹² Ol brata mo sista, mi talem strong long yufala, se yufala i kam olsem mi, from we mi mi tekem fasin blong yufala finis. Mo yufala i no mekem wan samtting i nogud long mi. ¹³ Be yufala se fastaem we mi stap wetem yufala, we mi mi sik, mi stap talemaot gud nius blong kraes long yufala fastaem. ¹⁴ Natting we sik blong mi mekem i mekem yufala i harem nogud, be yufala i no lukluk nogud long mi, mo yufala i no mekem se yufala i no laekem mi. Be yufala i welkamem mi olsem we mi wan enjel blong God, o olsem we mi mi Jisas kraes nomo. ¹⁵ Be naoia Olsem wanem? Mi nomo save se from wanem yufala i nomo happi olsem fastaem. Mi save talem stret se yufala i tanem lukluk blong yufala long mi. From we spos yufala i no bin mekem olsem, bae yufala i no tanem lukluk blong yufala long mi. ¹⁶ Mo bageken, i Olsem we mi mi kam enemi blong yufala from gud nius we mi stap talemaot long yufala. ¹⁷ Olgeta man ia oli wantem blong yufala i joenem olgeta nomo, be i nogat wan gudfala samting natting long olgeta. Oli wantem blong mekem yufala i follem olgeta nomo, yufala i kam fren blong olgeta, be oli no wantem gudfala samting we i stap long yufala. ¹⁸ Hemi gud tumas blong mekem ol man oli joenem yufala from ol gudfala samting, mo bae yufala i no mekem long taem nomo we mi stap wetem yufala. ¹⁹ Ol smol pikinini blong mi, mi mi stap harem nogud long pein from yufala we i olsem wan woman i stap bonem wan pikinini. Bambae mi stap harem nogud olsem kasem taem we Kraes i mekem gudfala fasin blong hem long laef blong yufala. ²⁰ Mi wis se spos mi stap wetem yufala naia mo bae mi jensem ol toktok blong mi, blong mekem i stret long yufala, from we mi no save se bae mi mekem mi gud long yufala olsem naia. ²¹ Yufala we i stap anda long loa, yufala i talem long mi, se yufala i stap lesin long wanem we loa i talem? ²² Olsem tok blong baebol we i talem se Abraham i gat tu pikinini boe. Nao wan long tufala, mama blong hemi wan slef woman mo wan mama blong hemi wan free woman. ²³ Mo pikinini we slef woman i bonem, hemi from wandem blong olgeta nomo, be pikinini we i bon long free woman, hemi bon tru long promes blong God. ²⁴ Tufala storian ia yumi save lukluk long hem olsem wan parapol, we tufala woman ia i minim tufala promes blong God. Hagar bonem ol pikinini we oli ol slef, oli no kam ol free man, mo hemia i soemaot promes we God i mekem wetem ol man long bigfala hil ya Sinae. ²⁵ Mo Hagar hemi ripresendem hil ya Sinae long Arabia, mo hemi ripresendem taon blong jerusalem we i stap naia, we hemi slef wetem ol pikinini blong hem. ²⁶ Be Jerusalem we i stap antap hemi free, mo hemi mama blong yumi. ²⁷ Hemia i Olsem tok blong baebol we i talem se, "Yu we fastaem yu no save gat pikinini, yu maas glad; yu we yu no bin harem nogud blong bonem pikinini, i gud yu singaot we yu glad. From we ol pikinini blong woman we fastaem hemi no save bonem pikinini, oli kam plante i winim ol pikinini blong woman we hemi gat Man". ²⁸ Be yufala, ol brata mo sista, yufala i olsem Aesac, we hemi pikinini blong promes. ²⁹ Mo long team ya, pikinini we i bon long slef i stap mekem i nogud tumas long pikinini we i bon tru long spirit. Mo naia samting ya i sem mak nomo. ³⁰ Be tok blong God i talem olsem wanem? "Sendemaot slef woman wetem pikinini blong hem. Blong bambae pikinini blong slef woman ya i no serem ol samting blong Papa wetem pikinini blong free woman". ³¹ Nao from samting ia, ol brata mo sista, yumi no ol pikinini blong slef woman, be yumi pikinini blong free woman.