¹ Adi anyinde ovi lale amgbugodu Ata a kele amani ri, amani lurungwezo 'boronji Rubanga di ri'i, anda, ama gbadu ileni. E'be du vu ni ama ku, andaa Andaa ni nizo kuru ri ani. ² Maa rozi, diadu wo ama boronji Rubanga di'i, ovi amavo amoludu ri adi lende ku, ti amani ra de Andaa kumu kelende ni, ama saa amavo amelende Andaa ani, a'dusiku amavo amande Andaa ni kende Andaa oluzo ri ani. ³ Ongu mo'di alu alu igeni 'di to lebire Kristu a ru ge ri'i, keleberu andaa nga si kolu pelere, ovidu Kristu a oluzo pelere ri ani ⁴ Mo'di alu alu enji edere ri kesuo kungu cara, a'dusiku enji ri andaa ni cara nguka. ⁵ A.... an'jo Kristu ni anda emu enji 'dure ga pi, Andaa ni, aga Andaa ngasi enji iyo. ⁶ Mo'di olure Andaa, aga ri du enji edere ku; mo'di olure enji edere ga ri kesuo nde Andaa ni kuru, ongu kesuo ni Andaa ni kuru. ⁷ Maa 'boronji, anye'be mo'di zi kulunjwa anyi ku. Mo'di nga anda ni ri edere ayo ri, kesuo ovi na anda, kende Kristu a ovi oluzo anda ri ani. ⁸ Mo'di olure enji edere ga ri kesuo andaa ni mo'di sitani di'i; a'dusiku sitani ni olu enji edere ga e'doru vu a re'donga. 'Di nga e'bere Ori Rubanga emudu ri'i, dudu kenji i'bu sitani di ra. ⁹ Ma'di zi iyo Rubanga a tile ni ri kolu enji edere ga, a'dusiku ori Rubanga di kolu andaa 'aga; andaa du enji edere ga ku, a'dusiku kesuo Rubanga ti andaa ni ri. ¹⁰ 'Disi 'bonji Rubanga di pi 'bonji sitani di kelende laka: mo'di nga anda ri ni edere ayo ku ri andaa ni 'bura Runaga di'i ku, kesu mo'di adozi ni lere ku rii saa. ¹¹ A'dusiku di lejo anya erile anda eze r'u, ajo kulee amaleru ama amani. ¹² Amolu kaiu ani ku, andaa ni anda Enjire ile a 'bura 'i, pi anda 'di adozi ni kpo. 'Di adozi ni kpo a'dusi? A'dusi nga tuwadu andaa edele ri esu injwi, ti nga tuwadu adozi a edele ri anda. ¹³ Maa adinji, anya'u ku, de vu le anyi ku na 'i. ¹⁴ Amani ra, amalaga da asi pi, ama diadu lidi aga, a'dusiku amaleru ama ad'unji si ndo. Mo'di le ako ri kesuo adi olu ola aga. ¹⁵ Mo'di adozi ni evure ri andaa ni lo'di re, ongu anyini ra mo'di lo'di re ni aga lidi olure tadu ri iyo. ¹⁶ 'Di ke'be amani nga lale ru ge, a'dusiku Kristu ke Andaa lidi amasi. Ama saa kulee amazi ama lidi ama ad'unji si. ¹⁷ De mo'di limi vu dige ri to nja, kunde adozi ni vu a zwale ra na pi kule ikonyi keka laka ku, lale Rubanga di kolu mo'di ile a 'aga ingoni? ¹⁸ Maa bonji, anyolu lale ti di si ku, ti anyile 'ba lale gba lendere 'ibu si ri si. ¹⁹ 'Di kumu ke'detee a'jo ama ni ra ama 'ba gba to r'u; ongu kumu kuke amani asi i'bwe Andaa anda ga. ²⁰ De ama asi kuli le'jo ama ruge a'jo le'jo zwa ama ra, ti amani ra Rubanga ni amgbu zwa asi ra, ougu ni nga tuwadu. ²¹ Maa rozi, de ama asi li le'jo ama ruge ku amalu asidi ni opko to Rubanga anda ga. ²² Ongu amesu nga tuwadu ama Andaa ni a'izo ri ra, adusi amoko Andaa cara ni vu ayo pi amede nga Andaa asi ni e'bwere ri'i. ²³ Andaa cara ni di'i, a'jo am'i Andaa Ngwa ni Yesu Kristu a ru 'i, ongu amaleru amanga si amawa ni, ovidu anda Andaa amani ecarazo ri ani. ²⁴ Mo'di Rubanga a cara ri vu okore ayo ri kolu Rubanga 'aga, ongu Rubanga saa kolu andaa 'aga. Nga e'bere amaniye du Andaa kolu ama 'aga ri, Andaa Endi Okole ri ni ekeka amani ri si.