¹ Paulo obigo Yesu Kristo ri, ai adinga Timateyo ri Philimona ni, ori berego bani e’bu ri. ² Angwi Apphia ni amari ambuma, angwi Archippus ari asakari, angwi jo romi zo oluru komuari’ba si ³ Kwe athu kolo miro angwi iri Ori atha na ro ai osi Yesu Kristo ro. ⁴ Ma dingi li mufufura ri Ori ni, mi Yeyeru mini mari romyo. ⁵ Meri miri reye abi miri – oluru osi Yesu ni’a angwi bani e’bukana li. ⁶ Momiri oda ba romya amiri- ko ki intharu renyo nga ninthana ri li oluru ama ni’a Yesu Kristo ni’a. ⁷ Ma mesa onge angwe lidi kogbo miri reye ri ovi si, kogbo aside bani nindha ri ethethena ami si, adima. ⁸ Esu oluru ma omba ro Kristo ni’a anyi kena mini ani nga oluru sona nowowe. ⁹ Angwi kogbo reyer ri ovi si ma mozi mini odo- ma Paulo ilhe si angwi ilenini obiogo Yesu Kristo ri. ¹⁰ Ma mozi amini mari ngwa Onesimo si, oluru motha awiri atha ro sijin ni a. ¹¹ Lajo anda ebu na kewe amini, ilenini lago intha na amini angwi mani ¹² Azu lago amani bule, oluru awi mari aside. ¹³ Sona awi kolu maro, anyi kngara ma amiri ovi si, oluru ma molu jo ori ri ovi si. ¹⁴ Sona medaka nga ala nowe ku mi ago mi daka miri ebu nintha- keki aside nintha ra lelesi. ¹⁵ Kode lago- kale amira bule twetwe. ¹⁶ Logo otha opiogo ruku, esu intha modi opiogo ri na ra adinga oluru iyerye. Lago reyeru ri modi mani, angwi amini twe, runi ‘a angwi ori ni’a. ¹⁷ Iya ma miri berego, ai ta lago esu manini. ¹⁸ Iya lago owe injwiru amini, kode lago ri nga amira, mi robari roba bule. ¹⁹ Ma, Paulo miwrori mari di si, ma mari ru si mirobari roba bule- nondu ochoku odo ami mari. ²⁰ Adema iwe ta mani nga ala ori ri ru si, ikwe mari ashidi kagwe Yesu ni ,a. ²¹ Ichaka indharu miri aru ri ri ovia, mimrori mini. An’o odo nowowe twe kope mari ozi kana ni. ²² Angwi, ithethena mani jo onule. ²³ Epapharas, mari berego Yesu Kristo ni’a, Memothori mini. Angwi Memothori marako, ²⁴ Aristarchus, Demas, abi Luke, mari e’buri name. ²⁵ Ba athu Yesu Kristo Kolu Miri Oyuru ro, Amin.