¹ Ami adima ambumaro, a’dutwe. ‘akuleni amiri ru ne uwele ami yuboro osi Yesu Kristora iya ami muperu ‘bani ni oru nidi wana? ² Awi di inisi, sona mo’di oluru eki amiri romiya nia isuru Boggoni oluru egge luru na’bisi aguli osule ariri uveeru embee azi aguli candiri ala keki ohuru otho Boggo o’du’ba ekaku ikisi. ³ Azi Ile andu Ami mukule ofu pi gga ori zoro mo’di athoru Boggo nindhasi eni ni Azi andu candiri mo’di ileni ni mo’yo aka ado ede wa “ ayabo o’yoaka ado” ri fufu’do nidi wa. ⁴ ileni kenaru ado amiri ‘bani ni upe api ‘bani ahu kwa ri ari nohiro Injwiru awi ileni Injwina kule? ⁵ Eri ta, Adima ambumaro. Adi ori epe ni ku ani kolu candir / baro oru nidiwa yubo apiri aryingo kani? Api diri Eggwi apopi oluru awi adda aka ‘bani awiri eye kana Iki ni ku? ⁶ Ti ami ile, candiri ‘baikik ‘diri awi orinyoro ile ni awi mi adi ippi candiri mo;di ile ni ku Azi olii lokiko na ri ari ni injwiro ku? ⁷ Diri du’ba adi eaa (Elii) Yesu Kristo ni ru ni injwi ni ku luru ekaku? ⁸ Iya ami miko lososu’ba esu ori ri ari Iwuro kanasi, andu ko kule ami miyeru runi ‘bani amiri aggaru ilekiro esu Amiriru niyezu nini. ⁹ Ti ayi ami munde alu kwa ni ‘bani alukwani ile kede mido iwe injwi konderu mini injwiru miri kakoko nosusi. ¹⁰ Esu oluru oru kakoko ku kede Awini mi’do osu olu anggwi adi eri ori ri kakoko ku. ¹¹ Esu awi ori ri e’yozo nini “Ami nondu Akwi ku” a gwii mondu “ru ni ida ku.” Aya mi midaa mo’di u Azi mi adi makwii ku ileni gge adi kede mi nosu olu a ¹² Awi ari miri o’yo kana, gga miri ogga kana noni miri ari ando oli lokikosi Azi otuwe mini a gwe. ¹³ Ele andu mii a’bwa ‘bani o’du’ba mika obwa bani alu kwasi ikini ku. Awi iya miri mi o’bwa mo’di alasi u aggwi ori ri mi andu ko’bo’bwa miri lokikori ari nolile. ¹⁴ Inoni indha na a’dwi, adima ambumaro iya mi me’yo mi yubo yuba Azi me uwe e’bu si ku na? ‘diri mi mijejo yubo ri e’bu ne gga le mo’di alani? ¹⁵ Awi sona Adima ambumaro mo’di oluru onya ke aggwii Boggo awi node anyo. ¹⁶ Aggwii i'yo aka injwo miri olu andaru nyo nya indaru ayi adi ikwee mo’di ni anyo ku aggwii adi mi motho ku diri konderu onde mini indharu. ¹⁷ Mi monde yuboni awiri ru si ogga, ti amdu ke uweru e’bu nindhani andu olu odda aggwe e’buna ke. ¹⁸ Awi de ini si alu ki yubo yubo aggwi ‘bani alukwa kogga e’bu nindhani? Ma me uwe mari ka yubo e’bu nindhasi. ¹⁹ Me’yo mi miyubo yubo, aggwii aka u ado ori olube indhana mimi! Aggwi oyuru ninjwi aka u. ²⁰ Tu we miri Tu’baggo aleni ko lu ada’du adi mi ini ku ado yubo e’bu nindha ako ekaku? ²¹ Adi ini ku ari a’b’bi Abrama e u we awiri yuba awiri gwa Isaka nokwe ori ni oka Romizo nidi. ²² Inde u yuba pi awiri e’buro kogga, ku’du ku’du awiri yubo iko awiri e’bu u. ²³ Ede hbag ori ri ari ni iwurozo nini Abrama aka ori u aggwii ori oluwa Abrama u kogwo Abrama yubo ra aggwii u gweru ori ri Berogoru. ²⁴ Kwe inoni ani e u we a indharu ori ri anda gganindha nogga su api yuboro ti. ²⁵ Lethi ala kede awuzinga nini oluru ke uwe ru awiri ybani ori ni e’busi azi keggeru gga awika ileki ni awiri lethi alukwasi ‘dutee. ²⁶ Kede kesu oda ri nini oluru ova ku awi aggwi yubo kodada e’bu a kosi.