¹ Banny leebithi oduba keawo oddo Yesu awe Kristho ka eleki othee orri ra lele se, angwi banny leebithi oduba kiyie atheh ne iyieka eleki ge kiyie ri ngwa othee kana awe ra lele se eleni ne iyie. ² Kobwo kiru kiw napa eleni se wo acho kiru aah akonone wo oddo aah akiyie orri ri erebi oho, eya aah akiyie orri oho angwi akowe awery kayuyuko kapa oho na. ³ Kobwo eleni riyie orri rina: oddo aah akiruruka ri awery kayuyuko ne anyo. Azze kiru awery kayuyuko kapa olow banny ne angikaru quwo(ichandi banny quwo). ⁴ Kobwo banny leebithi oduba othee orri ra lele seka eleki kitella ri milili ne kale wo. Azze kiru eleni kalolong o napa oloro kitella ri milili kale wo, ju aary regeny ge kitella ri milili ne itella. ⁵ Ya adi nguna kitella ri milili ne itella d’one? Ya nguna modi oloro keawo oddo Yesu orri ri Ngwo. ⁶ Eleni modi oloro andda eaki iyi se earyi ro nane: Yesu Kristho. Lago adi eaki iyi se d’uleku te, ama angwi iyi se eary ro. ⁷ Kobwo kiru od’uba kararyi aka kapile naa(3): ⁸ Oyuru, iyi, azze earyi. Kiru kapile naaka eleki onga yunga alobe. ⁹ Eya aah aka iy ri banny ri banny ri aryi ne anyo, azze kiru aryi orri rina thumogona ne koy. Kobwo orri ri akka wi, oddo awe karyi Ngwago ri kiw se. ¹⁰ Modi oloro keawo orri ri Ngwago ra anyo akka napa deya awe ra a. modi oloro ole eawo orri raku deya ipaka awery ruw kale angweh anyi beya kolow lodo ri modiru anyo wo, kobwo lago adi eawo aryi oloro orri ri okwe kana awery ri Ngwago ri kiw se nane raku. ¹¹ Azze kiru aryi napa wi: Oddo orri okwe aah ni lidy nyonyo wo, azze lidy napa eleni kiru awery Ngwago napa ra. ¹² Kiru modi oloro Ngwago ro kadady. Modi oloro orri ri Ngwago ako adyku. ¹³ Ma miwro ammi ni nga iki anyi beya ammi inone oddo ammi lidya wo nyonyo-ammi od’uba neawo orri ri Ngwago ri ruwoka eleki. ¹⁴ Angwi, ini aary asidi neabeh lago ri anda, anyi beya eya aah akozi nga alla oho easu awery yeye nini, anyi lago keari aah eari. ¹⁵ Angwi, eya aah akonone oddo lago keari ria ah ne eari – nga oloro aary ozi kana awe ra nane se – aah akonone oddo aah aka iy ri nga oloro aary ozi kana lago ra nane ne a iy. ¹⁶ Eya modi oloro onddeh awery kowe rossu ne azze rossu napa nane eazee oddaku, lago komyi romyi, azze orri eleh andu kokwe awe ni lidy ne anyo wo kiru. Eleki ma mojo banny od’uba rossu apika eazee oddakuka eleki ni. Rossu alla elek aka oloro keazee ri odda ne anyo; Name ma adi ajo anyoku oddo lago komyi romyi d’se ¹⁷ Murunthu ringa leebithi rossu, ama rossu alla aka oloro eazee oddaku. ¹⁸ Aah akonone oddo modi oloro othee orri ra lele se owe rossuku. Ama modi oloro othee orri ra lele se nane kiruruka ri lago netho, azze kiru modi ninjwi iranya lago d’oku. ¹⁹ Aah akonone oddo aah orri ra lele se, angwi aah akonone oddo milili pye modi ninjwi napa ri ambamba lodo rika rawo. ²⁰ Ama achobo aah akonone oddo orri ri Ngwago eaki azze kiru okwe aah ni kakokoro anyo wo, anyi beya aah akonone awe oloro thoki ne anyo. Angwi, aah awe oloro thoki ne ra wo, awery Ngwago Yesu Kristho ra. Eleni orri alobe angwi lidy nyonyo wo. ²¹ Ammi ma ri erebi, irurukata ammi ri ruw orri od’uba yuro eleki ra lele se.