¹ Ama meri amiri Eyo,u na ado amiri alukwa kolu akwiri baniru. Ilia. Akwi ilekir ri ovwi akaku jubani, ninjwini, eyona Eki ado amiri alo onu awiri ateri iziro. ² Ami kiru ninjwi! Diri uduruko? Oluru owe ni onu kele amin, alelesi. ³ Ju ma ke amini arusi ma a oyurusi. Ma ali Rokiko bgo oluru oweru lenini, ti Esu yeye oluru mido ma na. ⁴ Iya ami nomiaru kudu kudu ari Atha Yesu kristo Ri Rusi Azi ma Amiro Oyuru ni a azi omba ari atha Yesu kania, ⁵ Izwe modi ileni Satani Ra auiri Runi osusi, ani kiru laguri oyuru iloka ilwoko ini athari Engwizosi. ⁶ Miri Runi iwa indana ku. Mi adi iniku ado akuku kedinguliero iya ode irakasania kayiri isini pi we miri Ru akuku nandi lelesi ani nolu irakasa ninwe, ani nolu irakasa oluru akuku ako. ⁷ Kristo ni ari bilori ngwaru ibuboru anda. ⁸ Ile kwe a kiru konya inina akuku nandi siku, akuku oluni injwiri azi amudwe angauni, akenyi Esi ni dirii diri azi tur tur. ⁹ Ma mi wuro amini mari Ebebi ani nondu Dlolu akakwiri baro ku. ¹⁰ Letini, a na okosi ku onga ma monga bani injwikani budi mi Ri, iyabo ouriba, angariba, nga odu ba oriku ni omomi ba oga olu angwe apiri lelesi nonfu no kikale budi lelesi. ¹¹ Ilenini Ti miwuro amiko amiri Rapizo oluru ungwero adinga Ti aduba ki bo bo duru Runi injwis leki iti, de ayan no uriba, de bani oduba Komemiru nga odu ba ori kuni, de anariba de andori ba de angari ogo nondu onya lubaro bani ovwi leki. ¹² Mamomia mori Raku Rokikoni oli bani oduba angwe kenisa lelesi? Idiri, ami diri ku noli Rokikoni, bani oduba kenisania? ¹³ Ti ori koli Rokikoni bani oduba angwedi. “enu injwinani ami, a lelesi”