¹ Ithayuhi isong thoiruho ohoindefak karik ohoiringak hosong, thoiruho arami hasong, thoihuhumye ahwandek d’egyemathik fodok hayyu. ² thaang homorye lobo othulo, thaang hoiriboi, thoyijo, ethaithak elamuha d’ohothing fodok. ³ Aca, ohothis th’ahwandek, aangi nya ahosi hahothai karik aang nya dang ethaningyo arami. Ethatangarai nya ohothai karik ewon ohothai ara ongacani h’asang olwarai hewak karik hamuno. Emanya ohothai ditha amonyori karik ahaini. Engica nyana, ara ohothai ingicarik ahwandek. ⁴ Ti, aleyori nya nayiji n’Ojok Ohoithlwahani lohotha, karik amuno nanyong d’aleyori n’othulo, ⁵ ikara nya thegyemathik thah’abisan, ehandyo, ti, thamiehina thanyong ithalwahu ohothai, thelalayo ayisuna angejuk kari ethalengejuhyo th’Ohoile thol’Odwa. ⁶ lojuhok Ojok th’abara dohothai thol’ohoithalwahani lohothai Yesu Kristo. ⁷ Inyong na, athuhon nanyong ethasiruna ohothai th’alwahio thanyong, efunu iwonan ara ohoruthak howon hayenio n’amanya no mak. ⁸ Ocame lya loko bebe. Awak nang iye thoitotohye, dara howoni heruhon d’Ojok, thoijye tuhudik d’egyemathik hayyu. Oyiji asang hune, olwahuni ohothing fodok ⁹ Ti. Ikarahina oferek l’ananga karik enyaenyaha n’amukoko, eribo karik angalafa d’arami h’oyano. Aang aning nayyu narimahini th’asang hune. ¹⁰ Idara othulo leyanu ebwa dihiji hohothai, diholu hethayuhina operok arehai, ¹¹ ahibu iye itek hijan othulo lya athuk eloyithoro adi th’oyihoi lobis, karik lodiyauna karik lodidara ahwan nanyong. ¹² Ara nang lasulak Artmas dia Tychicus, indu kwak donang di Nikopolis, d’amaji nawak nang esukarik th’Ohirbo. ¹³ Ehandye asang fodok hacohi dohoi disulahina Zenas, ohokanyani l’arami karik Apollos, daang icani aning nabo. ¹⁴ Ohothing hohothai thomijye d’egyemathik hayyu heyanu halwahu eyanu asang hayyu, daang ecan. ¹⁵ Ohothing bukulung howon honing, imandaye iye. Ithamandahi ohothing homuno ohothai ditha h’eruhon. Alwahi thoiwona hothai bukulung.