¹ Hukumãde pu fue-iela, pu ie hespete zod-iela dji ki Ka kumade-iela i dji altohite-iela, ki zot obei i zot phuepahe pu fe tut bagaj ki bõ. ² Kõseie pu ie pa pale mal dji pies mum, ki gãie hespek ke tut mum. ³ Pase lõtã no pa te gãiē hesõm no te mal leve i mixã boku, no te sa txklave dji tut bagaj ki pa bõ, no te Ka viv lãdã mãle i no te jalu boku, vot-iela te hai,i no osi te hai ie. ⁴ Kã Bõdje no Sēie mõthe so kõtatmã, i li kotã no tut. ⁵ I li sove no, pase li kõtã no, mõ pase ki no te mehite, li sove no pa (lacos) dji Sēthesphui, li lave no pa li te le ki no fet dji vou ãkon i bai no ūm nov lavi. ⁶ Bõdje devide lasu no ghã kõtatmã so Sēthesphui, pa lakos dji Jezi Khi no Sēie. ⁷ Li fe sa pase, pu so kõtatmã, Bõdje puve asekte no, i pu no husuve lavi ēthenel ki no ka atãm. ⁸ Pase sa ki li Ka mõthe a lavehite, mole ki tito, ki u kõtine lide-iela, pu sa ki Ka khe lasu Bõdje kõtine fe dji biēm sa la bõ pu tut mum. ⁹ Pa plede ke pies mum bõ txo, pa lakos dji lua dji Judeu-iela ki deja pase, pase sa lua pa gãiē vale. ¹⁰ Si um kek mum mete divisiõ lamitã fue-iela ki Ka khe lasu Bõdje, kõsēie sa mum-iela. ¹¹ Pase save ki ūm mum, Kumã sa abãdonē kõpletmã sa pahol Bõdje, li deja kõdane so phop ko. ¹² Kã mo ke voie u mu fue Ahtemas o Tíquiko fe posib pu u ale, pu kõthe ke mo la pei dji Nikopolis, pase no ka ale pase sesõ lapli laba. ¹³ Ide avoka Zenas i Apolo lãdã tut sa ki u puve, pase ki ie puve gãiē tut sa ki ie besue pu ie voiaj. ¹⁴ Ki no mum-iela aphan ise ie tã pu fe dji biēm, ide vot-iela lãdã sa ki ie bēsut, pu lavi ki no mum-iela hete biēm. ¹⁵ Tut sa mum ki ke mo Ka voie bõ nuvel pu u, bai nuvel no kamahad-iela ki gãiē ixpua lasu Bõdje. ke kõtatmã dji Bõdje hete ke zot tut.