Chaandano 99
1
Jehova ulayendelezya; zisi ngazikankame. Ukkala aachuno chabululami aatala abaKkelubbimu; inyika ilazuzuma.
2
Jehova mupati muZayoni; ulisumpwidwe kwiinda zisi zyoonse.
3
Muleke batembawule zina lyako pati liyoosya; ulasalala.
4
Mwami uli aanguzu, alimwi ulayanda kubeteka kabotu. Wakayimika kukosola kubotu; wachita bululami akubeleka kubotu muliJekkobbu.
5
Amutembawule Jehova Leza wesu mumukombe kuchikkalilo chandyato zyakwe. Ulasalala.
6
Mozesi aAloni bakali aakati kabapayizi bakwe, alimwi Samiyele wakali aakati kabaabo bakiita zina lyakwe. Bakiita kuli Jehova, alimwi wakabavwiila.
7
Wakaambuula kulimbabo kuzwa mumusumpuululu wajoba. Bakabamba mbeta zyakwe zizwide amilayizyo eeyo njaakabapede.
8
Wakabasandula, Jehova Leza wesu. Wakali Lea uulekele kulimbabo, pesi umwi ooyo wakapa chisubulo kunchito zyabo zyabubi.
9
Amutembawule Jehova Leza wesu, alimwi mukombe kuchilundu chakwe chisalala, nkaambo Jehova Leza wesu ulasalala.