Chaandano 95
1
Kaka amuze, atwiimbe kuli Jehova; atwiimbe chakukondwa kumwaala walufutuko lwesu.
2
Atunjile mubube bwakwe akulumba; atwiimbe kulinguwe antembawuzyo zyakusumpula.
3
Nkaambo Jehova ngu Leza mupati mpawo Mwami mupati wiinda tuleza toonse.
4
Mujanza lyakwe mobubede bulamfu bwanyika; bulamfu bwazilundu mbubwakwe.
5
Lwizi ndulwakwe nkaambo nguwakalupanga, alimwi maanza aakwe ngaakachita nyika njumu.
6
Kaka amuze, atukombe akuvundama ansi; atufugame kunembo lya Jehova, Mulengi wesu:
7
Nkaambo nguLeza wesu, alimwi tulibantu bamachezezyo aakwe ambelele zyajanza lyakwe. Sunu - kaka, kuti mukakonzye kumvwa ijwi lyakwe!
8
''Mutayumyi moyo wanu, mbuli ku Melibba, na mbuli mubuzuba bwaMasa munkanda,
9
ooko bamataata benu nkubakandisunka akundeezya, nekuba bakali babona nchito zyangu.
10
Kwaminyaka ili makkumi wone ndakalinyemede azyalane eeliya akwaamba kuti, 'Aba mbantu bamyoyo yeempela chakusweeka; tabanaakuziba nzila zyangu.'
11
Nkinkaako ndakakonka mukunyema kwangu kuti tabakoyoonjila mubusena bwakulyookezya kwangu.''