Chaandano 39
Yamupati wabasikwiimba, yaJedutani. Intembawuzyo yaDeviti.
1
Ndakasala, ''Ndiyoolangisisya eezyo nzyewamba kuchitila kuti nsikabisyi alulimi lwangu. Ndiyoojala mulomo wangu nensinooli aakati kabantu bantu.''
2
Ndakuumuna; ndkalondola majwi angu nikuba kukwaamba chintu chibotu, alimwi machise angu akakomenesya.
3
Moyo wangu wakapya; nindakayeeya aatala azintu eezi, wakayaka mbuli mulilo. Mpawo kumamanino ndakaambuula.
4
''Jehova, ndizibye kuti ndiilili nikuyooba mamanino abuumi bwangu amweelwe wamazuba angu. Nditondeezye mbweli muteteete.
5
Bona, wachita mazuba angu buyo busasa bwajaanza lyangu, alimwi chiindi chabuumi bwangu chili mbuli chintu chabuyo kunembo lyako. Nchobeni muntu woonse ngwabuyo. Sela.
6
Nchbeni muntu woonse uleendenda mbuli mweenzule. Nchobeni muntu woonse ulafwambaana kubungika buvubi nikuba kuti tabazi ooyo utakazitambule.
7
Lino, Mwami, ndilindideenzi? Nduwe kulangilila kwangu luzutu.
8
Kondivuna kuzwa kuzibi zyangu; undandichiti nsesya yabafubafuba.
9
Ndiluumwide alimwi tandikonzyi kujula mulomo wangu, akaambo kakuti nduwe wazichita.
10
Koyimikila kundichita zilonda; ndakataazigwa azyuumyo zyajaanza lyako.
11
Eelyo nolulamika bantu akaambo kachibi, ulalya zintu nzibayanda mbuli pempe; nchobeni boonse bantu balichintu chitawo pe pesi busi. Sela
12
Komvwa nkombyo yangu, Jehova, alimwi koswiilila kulindime; swiilila kukulila kwangu! Utabi chuungutwi kulindime, nkaambo ndili mbuli muzwakule, simutuntuli mbuli kwakali boonse basinsiku bangu.
13
Utandilangisisyi nkokuti ndikamwemwetele limbi nkesinaafwa.''