Chaandano 28
Intembawuzyo ya Davida.
1
Kulinduwe, Jehova, Ndakwilila; mwaala wangu, utandifutatili. Kuti tewandivwiila, ndiyotobela aabo baya ansi mukabanda.
2
Swilila ijwi lyakukumbila kwangu nenjiita akukumbila lugwasyo kuli nduwe, nentambika maanza aangu kubusena bwako busalalisya!
3
Utandikweli antomwe abasizibi, aabo bachita bubi, baamba chaluumuno kubeenzinyina pesi balijisi bubi mumyoyo yabo.
4
Kobapa bulumbu bwelede milimu yabo alimwi kababwedezya bubi bwelede nchito zyabo; kobabwedezya mbubonya mbuli milimu yamaanza aabo alimwi ubabwedezye nchibelede.
5
Nkaambo taba mvwisisisyi milimo ya Jehova na milimo yamanza akwe, ulabanyonyoona alimwi takwepe nayobayakulula.
6
Alumbwe Jehova nkambo wamvwa ijwi lyakukumbila kwangu!
7
Jehova ninguzu zyangu alimwi nintobo yangu; moyo wangu usyoma mulinguwe, abobo ndagwasigwa. Aboobo moyo wangu wakondwa kapati, aboobo ndamutembvawula akwiimba.
8
Jehova ninguzu zyabantu bakwe, alimwi ndufutuko lwamayubilo amunanike wakwe.
9
Futula bantu bako alimwi longezya lukono lwako. Ba mwembeli wabo akubabukata lyoonse.