Chaandano 26
Intembawuzyo ya Devidi.
1
Ndibeteka Jehova, nkambo ndakenda mukululama; Ndasyoma muli nduwe Jehova chakumaninina.
2
Kondilanga langa, Jehova, alimwi undisunke; sunka busalali bwazizo zyangu zyamukati amoyo wangu!
3
Nkambo kakusyomeka kwachizuminano chako chilikunembo amenso aangu lyoonse, alimwi ndayenda mukusyomeka kwako.
4
Nsivwelani abasilweeno, nikuba kunjilaana abantu batasyomeki.
5
Ndilasula mbunga zyaba simuchita zibi, alimwi nsikkali abasizibi.
6
Ndasamba maanza angu mukutaba amulandu, alimwi ndazyunguluka chipayililo chako, Jehova,
7
Kwiimbisya inyimbo zyantembawuzyo akwamba milimo yako yoonse igambya mipati.
8
Jehova, Ndilayanda ng'anda njokkala, mbusena oko bulemu bwako nkobukkala!
9
Utandikukuli antomwe abasizibi nikuba buumi bwangu abantu batila bulowa,
10
mumaanza aabo kuli mabambe alimwi, alimwi mujanza lyalulyo kuzwide nsinkamulomo.
11
Pesi mebo, Ndiyoyenda mukululama; ndinuna akuba abuuya kuli ndime.
12
Kuulu kwangu kwimvwi abusena butandabete; Mumbunga Ndiyolongezya Jehova!