Chaandano 137
1
Kumbali lyamilonga yaBbabbiloni twakakkala aansi alimwi twakalila nitwakayeeya aatala aZayoni.
2
Ooko kumizimbwa iili aakati kayo twakaanzika tuntimbwa twesu.
3
Ooko bakatwaangide nkubakayanda nyimbo kuzwa kulindiswe, alimwi aabo bakatupenzya nkubakayanda kuti tubotelwe, nkabati, ''Mutwiimbile lumwi lwanyimbo zyaZayoni.''
4
Tulayimba buti lwiimbo lwaJehova munyika yabweenzu?
5
Na ndaluba nduwe, Jelusalemu, kuboko kwangu kwalulyo ngakulube kukonzya kwalo.
6
Leka lulimi lwangu lunamatile kubwaasa bwamulomo wangu nindayokuluba, na tendayandisya Jelusalemu kwiinda kubotelwa kwangu kupati.
7
Koyeeya, Jehova, eezyo baEdomu nzibakachita mubuzuba Jelusalemu nakawa. Bakati, ''Ngumwayigwe, ngumwayigwe kusikila kuntslisyo zyawo.''
8
Mwana musimbi waBbabbiloni, uyoonyonyoonwa kufwambaana - ikaka ngalongezegwe muntu nikuba ani uukubozezya mpindu kuli eezyo nziwakachita kulindiswe.
9
Ikaka ngakalongezegwe, nikuba ani ubweza akuwaalila bana bako aamwaala.