Yehu a Kabani Marapu ¹ Mengeka, Yehu a ohunika Hungato Bihha ella marada ndilako tanna a kaba wani Marapu. ² Mono, Diyo na puahaka pato kambulu lod- do mono pato kambulu hu-ddo, mengeka netu Diyo na keddeka a kalambana. ³ Makka, emenika diyo, ba- na mikabani netu, mono wenanika lambarana Yehu, "Hengyo Yoyo ba Ana Alla doghu, pareta bayaka tana-ka ngara ha watu iyiya pa- kabali bandika kadepeto." ⁴ Makka, Diyo nawalahoya -ka mono wenanika, "Enni na maturaho, 'Inja dimoka wali la kambamba a toy' piyo bana mopiro tappi ngarabaka ha liy'nya na loho liyo la ghoba -na Maramba Alla." 'Ulangan 8:3 ⁵ Mengewali, a Marapu a ngandiyaka Diyo olla kota bihha mono na tayaka Diyo la mbughuna a Baito Alla, ⁶ mono wenanika la mba-ra-Na, "Hengyo Yoyo ba A-na Maramba Alla doghu, gheghu wubangoka a pola toy'Mu ella ndoy'wawa oro-na enni namaturaho: 'Tutumu Yoyo, a Mara- mba Alla na patumbanika ngara hamalekoto-Na mo-no a katako ghuka la limya-da hediyo tannaka ha witi-Mu amba matondongo la watu,"'Mazmur 91:11-12 ⁷ Yehu wenanika lambara-na,"Handaka waddi, eni na maturaho, 'Yemi amba kabani a Mori Allamu."'Ulangan 6:16 ⁸ Handakka waddi, a Mara-pu nangandiyaka Yehu ella pannu lete detana na heka madetana mono na parada nanika la mbara-Na ngara huru tokko la panu tana di- ka a manandana, ⁹ mono wenanika lambara-Na, "Ngarabaka iyiya kuharaka nggunika lambara-Mu, he-ngo Yoyo bumoko mono bu katamba donggaka." ¹⁰ Mallawengoka, Yehu we -nanikya lambarana, 'Kapo-rokobaka, Marapu! Eni na maturaho, 'Yemi dika na katambani Myori Allamu mono lamba- ra-Na nani yemi pahambo-to."'Ulangan 6:13 ¹¹ Makka netu, Marapu na mandalanika Diyo, mono icebaka ngara ha malekoto hemendikya a mi paghema -ya Diyo. Yehu Kawungangoka Paghi -li-Nya ella Nggalilea ¹² Mengeka, makka Yehu na rongoyaka nene Yohani- ho badanggaloya, Diyo na maeruka ella Nggalilea. ¹³ Diyo na mandalanikya Nazareto mono na dukikya mono na ndoyaka ella Ka-pernaumo, la hingi homba, ella palikyena Zebulona mono Naftali, ¹⁴ tanaka na hangga wa-ngo paya patakina liyo la Nabi Yesaya: ¹⁵ "Tana Zebulono mono tana Naftali, lara homba ella ham-balina Yordana, Nggalilea, kalibona ngara a toy' Yahu- di, ¹⁶ a kabokelo na ndoyo el-la kapandu na iceyaka Ma-nggakaho na bokolo, mono tangguda ngarahe-he nandoyo ella negerina mono ngara aninnyona a mate heda, a Manggakaho netu ndoli hunganaka. Yesaya 9:1-2 ¹⁷ Tutuka rahinya etu, Ye-hu kawungangoka khotba-ho mono wenaka, "Diki dar-rabaka oronaka Kalandana Huruga na denggetaka!" Yehu Nakawulondika Pato Ana Hakola-Na a Kawunga- na. ¹⁸ Tengerona Yehu bana halako la hingi homba Nggalilea, Diyo naicehiki ha duy' toyo ha padungo kam-bungo enne Simono pa pa-ngrango Pyeturoho, mono Andreaho, dungokambuna, tengero weghoroda dala el-la homba oronaka hediyo ba toy' dala ighahi. ¹⁹ Mo-no Diyo wenandikya lamba-rada hediyo, "Mabyika na-moto baghaka Yayo mono Yayo henene kupadadi nggumikya dala toyo." ²⁰ Hediyo lilangangoka ba mandalani hadalada mono anamatoyaka Diyo. ²¹ Mono, enne ba otundi wali enne, Diyo haduyo ha padungo kambuno hawade -ko wali, Yakoboho anana Zebedeuho mono Yohani-ho, dungo kambuna. Hehe- diyo endikya ella hawuyo tena marengeni Zebedeu-ho, bapada halakeda etu wayo, batengero pandaha dani hadalada. Mono, Diyo a kawulondika hediyo. ²² Mono, hetu halakeda lila -ngangoka mandalanika a tena mono a bapada hala-keda, menge a namatoyaka Yehu. Yehu Napakanekongo mo-no Napatanggaho Danga Toyo ²³ Mengeka, Yehu nakaniki nikya ngarakehe padana Nggalilea, napakanekongo-ka ella ngara ha sinagoge ngarahehe, nahabaronikya a Liy'njaha Hangandi, mo-no napatanggahoka ngara huru haddu, mono ngara huru haddu ella padu'na danga toyo. ²⁴ Mono, aliyo tutu-Na na tambalangoka nadukikya ella ngarabaka Siria. Mono, ngarahehe a ngandinanika lambara-Na ngarabaka toy' haddu naka -riyo mangana huru haddu mono parahada haddu, mono ewyadini pahambiro marapu, nakoki, mono na kaliku, mono Diyo napata- nggahohikya ngarahehe. ²⁵ Kawongi bokolona toy' danga wali Nggalilea, Deka -poliho, Yerusalemo, Yude-a, mono wali hambalina Yordana a namatoyaka Diyo.