Yehu na patum-bandi Ngara Ana Hakola-Na. ¹ Mono, Maramba Yehu na kawulondika hakambula du-yo ana hakola-Na mono na woy'ndika ngara diyo dada-poya huru marapu netu mo-no tutu patanggahoya nga-ra huru hadu dika ngara huru kalawaro. ² Iyiya ha ngarada hakam-bulu duyo netu rasulo; A kaihana, Simono papa ngarango Pyetu, mono Andereaho dungokambuna, mono Yakobuho anana Zebedeuho, mono Yohaneho dungokambuna, ³ Filipuho, mono Baratolomeuho, Tomaho, mono Matiuho na kaha we'kataku, Yakobuho anana Alfeuho, mono Tadeuho, ⁴ Simon toy' Zelot, mono Yudaho Iskarioto na hamahani Yehu. ⁵ Yehu napatum-ndi hakambulu duyo rasulo netu, "Amba lay' damoka la larana ngara ha kalanda tokko heka ndewena tama-ni la kota dalona toy' Sama-ria, ⁶ diyaka otubanggumi-ka lambarada ngara ham-bembe na ndoroto wali la paduy'na kabokrlo Israelo. ⁷ Mono, tengerona yemi otunggumi, ngarakedoko banika, 'Kalandana Huruga na denggetoka.' ⁸ Patanggaho baka toy ha- du, pakedde baka toy' ma-te, hapiy' baka nakatombo-ngo, mono yagharo baka huru marapu mbunako, Ye-mi himba kaluy' doyo. ⁹ Yemi amba ngandi jamo-ka ndoka, ndewena amaho kaka, ndewena kambera mbatungo ela kalorro beng-gemu, ¹⁰ ndewena tahi ba tengero halakomi, ndewe-na duy' mballa kahihi, nde-wena kopa witi, ndewena tokko orona toyo napaghili lakango bana muyo. ¹¹ Mono, ela kota ndewena deha ngge'pangubangoka pandoy' tamami, patata ba-nika nggaranika nalakango e dalo mono ndoy'baka o nono lappaka yemi bu hala-ko. ¹² Mengeka yemi buta-mani uma netu, woy'ndi sa-lamo. ¹³ Mono, hebyango-ka netu uma nalakango, ta-naka ndeta ndololo a mbu-runika, tappi dika banjado-ka, tanaka ndeta ndololo na baliya lambaramu. ¹⁴ Mono, nggara banika na njana himbya ghumi yemi ndewena njana wawa ro-ngoya patakimi, diyaka bu- iohoni wali uma ndewena kota netu, kambaho baya-ka karomboko witimu. ¹⁵ .Yayo kupaneghe nggu-mini nahecopinjana lmba-rami ene eme bana pahaki mo, tana Sodomo mono Go-mora eme na rehi wali pa-tangguna wali la kota netu." Ngara Kambikolona Eme Pahadapana Ngara Lake-dana ¹⁶ "Icebaka, Yayo kupatum -ba nggumi meradoka mbe -mbe la paraduna serigala. Oronaka netu, tanaka taka-ndiku meraya kaboko mo-no luruho meraya ngara ka-hilo merapati. ¹⁷ Tabahe- wyalina, ndanggango wumi lambarada ngara a toyo oronaka ngara hehe eme a haraka nggumi lambarami la Sanherin mono eme a ka-mboli ghumi ela ngara ha sinagoge ngara hehe. ¹⁸ Mono, yemi eme a ngan-di ghumi la hadapada nga-ra ha kuwaha mono ngara ha tokko tutunggu Yayo, nggabango hakahiyo tutu-na ngara eme mono tutuna ngara kalanda tokko heka. ¹⁹ Malla, menge ngara he-hebyangoka baharakanggu-mika yemi, tana amba pa-rahu amannika tutuna pe-na wemikya ndewena paya-ka patakimi oronaka ene rahinya netu wadi eme a woy'ngguka lambarami pa -yaka yemi patakimi. ²⁰ Toranaka, inja yemi na paneghengo, tappi Hunga-to bihana Bapamu napane-ghengo ella ghoba dalomu. ²¹ Napa dungo kambungo a pa haraka wuda a paa-ngu wuy'na la hadapana pa ndoy' matengo, mono a ba-pa hadapandi ngara ha ana eme nggabanika a bapada mono a hamatehika ngara hehe. ²² Yemi eme enga muhu danggumi torana ngara kehena tutu ngara-Nggu, diyaka toyo na taha-ngo lundu lappa la kandu-puna eme dika pamanu ma-ra. ²³ Menge ngara ene na pakariy'ghu yemi ela kota dalo, palay'baka la hawuy' kota. Yayo kutaki nggumini-ka na hecopinjana lamba-rami ene eme yemi inja ha-ngga panika ba kadowahi ngara ha kota Israelo lundu lappa Ana Toy'piyo na may' ka. ²⁴ Lakeda hakola njana re-hiya a ngguruna, hewyadi-ngoka wadi a ata njana re-hiya a morinya ²⁵ Tutubaka hengo lakeda hakola bana maranda dengeni a ngguru-na, a ata bana maranda de-ngeni a morinya. Hebya-ngoka ngara eme batakini netu Beelzebul, rehika ru-ha wali lambarada. la ha-wuyo kabokelo uma kato-nga. Paaka banika lambarana Maramba Alla Injadiyo a Toy'piyo ²⁶ Tanaka netu, amba kam-bohi damoka yemi la hada-pana ngara eme torana nja' -pangungo wadi ene na ma-todi na njana mawukke e-me, ndewena ene na mabu-ningo na nja' pa peghengo eme. ²⁷ Payaka ene Yayo patakinggu lambarami ella kapandu, paneghe banika netu la manggakaho dalo. Mono, payaka ene yemi parongommi pa kambutiko nggumi ela roy'katilumi pa-wala banikya la kawedo uma. ²⁸ Amba kambohi jama ndika lambarada ngara ne-me na hamate pola toyo, tappi njana pikongo hama-teya a ndewa, diyaka rehi baka kambohini lambarana Diyo na pikongo na hamo-hoya andewa parapa wadi-ngo apola toy'mi ela nera-ka. ²⁹ Inja diyo duy' beyo kahilo pipito ba hamahani hawalla ndingi? Mono, nja-ngo ha ihha pangu na kam-butuku la tana la nja' paka-mbu atena Bapamu. ³⁰ He-byangoka,roy'longge la ka-takumi ngara kehe naba-ghe ngguni, ³¹ Tanaka ne-tu, amba kambohini, yemi rehika baningo wali na da-nga kahilo pipito." Mangkuni Maramba Yehu ela Hadapana Toy' Heka ³² Dika, nggarabanika toyo na mangakungga Yayo la hadapana toy'piyo, Yayo wa-di eme kumangakuni la ha-dapana Bapa-Nggu na eni la huruga. ³³ Tappi dimoka, nggaraba-banika na maharungga Yayo la hadapana Toy'piyo, Yayo wadi eme kumaharu-ni la hadapana Bapa-Nggu na eni la huruga." Tutuna Hamai'wanya Ma-ramba Yehu ³⁴ "Amba pangada amani- ka ene Yayo a mai'nggu tu- tu mighoboro ngguni yila, panu tana. Yayo a mai'ng-gu inja tutu ngandi ngguni maghoboro, tappi teko. ³⁵ Torona, Yayo a mai'ng-gu tutu mihyeghorongguni a kaba-ni wali la bapana, ana waricoyo wali lainya-na, a mayina waricona wali inya yanona, ³⁶ mono a muhuna a toyo didoyaka wali kabokelo uma katongana. ³⁷ Nggarani na rehi mana-waroni a bapana mono a inyana wali pyangoka la Yayo, njana lakango la mbara-Nggu. Mono, ngga-rani na rehi manawaroni ana kabanina ndewena ana-na waricoyo wali pyangoka la Yayo njana lakango la mbara-Nggu. ³⁸ Mono nggarani na njana holoya salibpona mono njana na-matogha Yayo, njana laka-ngo la mbara-Nggu. ³⁹ Nggarani na handani a hungatona eme na mohe-ngoka hungatona tutunggu Yayo eme na kolenika." ⁴⁰ "Nggarani na himbya ghumi yemi, himbya nang-gaka Yayo. Mono, nggarani na himbya gha Yayo himbya nanika Di-yo na patumbangga Yayo. ⁴¹ Nggarani na himbya na -bi la panu ngarana nabi e-me na himbyaya kahewa nabi. Mono, nggarani na himbyaya a toyo na maghe -nengo eme na himbyaya kahewa toyo na maghene-ngo. ⁴² Mono, nggarani na woy' ni la mbarana na ha toyo wali la ngara a toyo na kari-nggoto iyiya ghalyoko dimo -ka ene na hamako wai'ma- ghenggelo la panu ngara-na hatoyo ana hakolanggu, Yayo kutaki nggumini na hecopinjana la mbarami, di-yo eme njana mbunga ka-hewana."