¹ Langamgoka ngara etu, eni rameni loddo rame toy' Yahudi mono Maramba Yehu nadetongo la Yeruha-lemo. ² Ela Yeruhalemo, lambarana Pintu Gerbang Domba eni nahawuyo kola-mo eni la paneghe Ibrani ngarana Betesda, na ma-nga limaya serabina. ³ Ela ngara haserambi netu, endi heka dangada toy' haddu hamanduru: toy' kambura, toy' kandeku, mono toy' kaliku ( hedyo manggani weyo ela kola-mo netu bana makukaho-ngo. ⁴ Torana, pahe ara -pana bana patutungo, ma-lekotona Myori emeni nam-buru ela kolamo mono na-kukahoni a wey'nya. Toyo namburu ulu akawu-ngana natama lakolamo menge aweyo namakuka ho, dika papatanggaho wa-li haddu papangubayak ene pa kariy'na ). ⁵ Enyene, eni toyo naha-du na tallu kambulu panda pato ndoy'na mandey'nya. ⁶ Inja hekanaka Yehu ba-na iceya diyo eni namandu-ru enyene mono napeghe-ni hengo diyo henyaka ma-ndey'nya bana haddu, Ma-ramba Yehu nakaliarongo lambarana, "Penawemu yo- yo mbeng'jongo bapatang-gahoghu?" ⁷ Toy hadu netu napawa-laho, Mori, njango toyo na hamburungga ela kolamo dalo pahe weyo bana maku -kahongo, tappi tengerona yayo baku kandaba lara toy' heka ndoli mburu bana ulungga." ⁸ Maramba Yehu wena-ni, "Ndendebaka! Hakota bayaka hanopomu mono halako bakala." ⁹ Nggoreni netu wadi, toyo netu patanggahoyaka, diyo na hakotayaka nopo-na, mono na halakoka. Di-moka, loddo etu loddo Sa-batoya. ¹⁰ Oronaka netu, ngara toy' Yahudi wenaka lamba-rana toyo ene papatangga-ho netu, "Loddo iyiya dido-ka loddo Sabato, yemi am-ba keketoya nopomu." ¹¹ Taba hewyalinya, diyo nawalahoya, "Toyo na pata-nggahogha, Didoyaka ene na wena lambaranggu, 'Ha-kotabaka nopomu mono ha -lako baka."' ¹² Hediyo akaliarongo la mbarana, "Nggaranika To-yo ene nawena lambara-mu, 'Hakota bayaka nopo-mu mono halako bakala?" ¹³ Dimoka, toyo ene pa patanggaho netu njana pe-gheni banggarani Diyo oro-na Maramba Yehu ndoli ma -lahonaka wali latoy' danga ela pandoy'ngo netu. ¹⁴ Mengewali netu, Yehu natoboko denge walini ne-tu toyo ela Baito Alla mono wena lambarana, "Rongo-ya, yemi ndoli tanggahomi-ka, Amba paghili bangoka akico diryako wali tanaka njana dadi paya eme nare-hi ruhha lambaramu!" ¹⁵ Toyo netu otunika la ngara kedokoni lambarana ngara toy' Yahudi nggeni Maramba Yehuka ene napa -tanggahoya. ¹⁶ Oronaka netu, ngara toy' Yahudi apakariya Mara -mba Yehu orona Diyo na-paghili ngarakeheni netu ene loddo Sabato. ¹⁷ Taba hawyalinya, Maramba Yehu wena lambarada hedi -yo, "Bapa-Nggu engana ba -na paghili lundu lappa he-nene yiya, makka Yayo pangu enga paghilinggu." ¹⁸ Awalahona netu ama-tondongo ngara toy' Yahu-di pa helu kandaba wada la -ra tutu hamate wani Yehu, inja dimokaorona Yehu ba-na kadowaya loddo Sabato, diwadiyaka orona bana taki Maramba Alla nggabango Bapa-Na mangawuy'na, ene ihinya hamerani pola toy'-Na mangawuyo dung-gu Maramba Alla. Kuwahana Alla ela Yehu ¹⁹ Mengewali,Yehu na walahoya ehehe, we'-Na, "Hepinja panguna, hepinja panguna, Yayo takiya lam-barana, Ana njana pikongo paghilini ngara kehe wali la pola toy'-Na mangawuyo, hengo Diyo njana iceya Bya -pa, bana paghili nyani; oro -na paya ene papaghilinya Byapa, netu wadi papaghili nyani Ana. ²⁰ Torana, Byapa namanawaroni Ana mono napakaharanika lam-barana Ana ngarabaka tangatendekona ene Diyo mangawuyo papaghilinya, mono Byapa wadi eme na paicenika lambara-Na nga-ra papaghilinya narehi bo-kolo wali tanaka yemi laba -ngaro. ²¹ Torana, namera wadi-ka Byapa bana pakedeya toy' mate mono nawoy'ni hediyo mopiro, hewajona-ka Ana bana woy'ngo mopi-ro lambara nggarabanika ene Diyo pamimirona. ²² Byapa njana hakimoni nggara pangubanika, tappi ndoli woy'nanika ngarake-he pahakimongo netu lam-barana Ana, ²³ tanaka ngarakehe toyo eme na hambotoya Ana meraka he -diyo ahambotoya Byapa. Toyo ene njana hambotoya Ana, njana hambotoya Bya-pa ene napatumba-Ni. ²⁴ Hepinjana Yayo kutaki -nggumuni lambarami, to-yo ene rongoya pataki-Nggu mono nawaini lamba -rana Diyo napatumbangga Yayo namanga mopiro hal- lu, mono njana tama ela da -lo pahakimo orona diyo mengeka bana ndiki wali lamate ela mopiro. ²⁵ Hepinjapanguna Yayo kutakinggumini lambara-mi, rahinya eme naduki mo -no ndoli hangganaka he-nene, nggeni ngara toy'ma-te eme narongoya liy' nya Anana Alla mono hediyo ene narongo netu eme na mopiri. ²⁶ Oronaka pirihenya Byapa bana doni mopiro ela pola toy'-Na manga wu-na,hewajonaka Diyo na-woy' nani Ana mopiro ela pola toy'-Na mangawuy'na, ²⁷ mono Byapa nawoy'ni kuwaha lambarana Ana tan -na napahalako wani paha-kimo orona Diyo didoka Ana Toy' piyo. ²⁸ Amba mangarahoni eme hadana iyiya orona ra-pana eme naduki nggeni ngara kehe toyo na eni lara -te dalo eme narongoya liy' Nya V 29 mono ngara ene eme aloho, disoka hediyo napaghilingo nandaha eme aroni kede habalingo mopi-ro, Dimoka ngara napaghi-lingo nambunako, arongo kede habalingo pahakimo-ngo. ³⁰ Yayo njana pikongo ra -wingo papayo wali la pola toy'-Nggu mangawuy' nggu. Yayo baku hakimo namato parongo mono pa-hakimo-Nggu na adilo oro-na Yayo njaku kandabaya pakambu ate manga wuy' Nggu mangawuy'nggu tapi diyaka hambenya Diyo ene napatumbanga Yayo." Hakahiyo tutuna Yehu Na-walinya wali Allla Byapa. ³¹ Hengo Yayo tutuna po la toy'-Nggu mangawung-gu, a hakiy'-Nggu njana-ghene. ³² . Tabahyewa-lina, eni naheka na hakahi-yo tutunggu Yayo, mono Ya -yo kupegheni ngeni paha-kahiyo ene yayo naghene. ³³ Yemi ndoli patumba-ngoka lambarana Yohaniho mono diyo mengeka bana woy'ngoka hakahiyo tutuna namaghenengo. ³⁴ Tabahewyalina, ahaka -hiyo ene Yayo pahimba nggu njana walinya la toy' piyo. Yayo kutakiya hadana iyiya tanaka yemi aha ma-numaraya. ³⁵ Yohaniho didoyaka kawaru la leroko mono na maghelero, mono yemi mimirongo engge ate haghambaya bana maghe-lero. ³⁶ Dimoka diyo, hakahi-yo rehi bokolo wali pango hakahinya Yohaniho. Tora-na, ngara huru paghili ene aharaka ngganika Byapa la mbara-Nggu tanna Kupaha -ngga wani, didoka huru pa -ghili ene patengerona Ku-pahalakoya henene, na woy'ngo hakahiyo tutuna Yayo malla Byapaya napa-tumbangga Yayo. ³⁷ Mo-no, Byapa na patumbang-ga Yayo netu kanehongo ndoli woy' naka hakahiyo tutunggu Yayo. Tappi dimo-ka, yemi inja handaka bana rongoya aliy' Nya ndewadi-na iceya rupa-Na. ³⁸ Mo-no, liy-Nya njana ndoyo la ate dalomi orona yemi inja waini lambarana Diyo ene pa patumba-Na. ³⁹ Yemi na pakanekongo Hurato Biha orona yemi pa pangadana ela Hurato Biha yemi eme kolengo mopiro ene hallu; mono Hurato Bi-ha netu wadi bawoy'ni ha-kahiyo tutunggu Yayo, ⁴⁰ tppi yemi inja wawa mai -yo lambara-Nggu tanaka yemi mopiro. ⁴¹ Yayo njana himbaya malanguna wali latoy' piyo. ⁴² Dimoka, Yayo kutan-da ghumi yemi, nggeni ye-mi naeni manawarona Alla ela pola toy'mi. ⁴³ Yayo maiyo lapanu ngarana Bapa-Nggu, tappi yemi inja himbagha Yayo. Dika atoy' heka namaiyo waingo ngara hediy' kane-hongo, yemi eme himbaya. ⁴⁴ Pewalinyaka yemi pi-kongo bawaini, hengo yemi himbaya pareku wali naha-toyo eme na hawade mono njana kandaba pareku ene naemeni wali la Alla na Iha? ⁴⁵ Amba ta'ategha ene Yayo eme ahannighumi la hadapana Byapa; na hanni-ghu didoyaka Muhha, dido-ka toyo ene lambarana ye-mi hamonomi. ⁴⁶ Tora-na, hengo yemi buwaini la mbarana Muhha, yemi ndu -kananika waini lambara-Nggu orona Muhha natura-hoya tutunggu Yayo. ⁴⁷ Tappi dimoka, hengo yemi njana waingo paya ene Mu hha paturahona, pena ba-na mapikongo yemi bawai-ni paya pataki-Nggu?"