Tengerona netu toy' da-nggango nakahiya Yusufo angandiyaka diyo la Mesir. Ehehe ahamahani lambara-na Potifar, kapala pengga-wena Firaun. ² MYORI na tuluni Yusufo malawengo diyo heka alolo tindi larana. Yusuf londoka laumana mo -rina, toy' Mesiro netu. ³ Potifar naiceya ene Yu-suf a ohini MYORI mono Di -yo nawoloni Yusuf na alolo ndahana ngara baka papa-ghilinya. ⁴ Maka, Potifar wadi heka manggaluro ate dengeni Yusuf. Diyo nakeke -toyaka Yusuf dka pelayano -na kanehana. Diyo nawoy' nika tunggaho Yusuf ene na aturoya uma katongana mono nawoy'ni kawaha ke-he ngara ene hadoy'na. ⁵ Likena Yusuf bakeketo-ya manduro uma katonga-na Potifar, MYORI napama ringi malalaya umana mo-no ngara baka doy'na Poti-far, umana parapango ma -ngona. Myori bana palaku-ya torana Yusuf. ⁶ Potifar wadi nawoy'ni dialo Yusuf na holo lembahi ngara ba-ka naeni laumana. Diyo nja -na helu pangada wali nika papa-bayaka waliya, likena tutu muyo ene pa hamuy'na. Yusuf Natolakoya Ariwei-nya Potifar Yusuf netu mone kaboloho nduka ndahaya. ⁷ Langangoka piri kando -nga ariweinya morina Yu-suf kede hamatoroni tutu nika bana lamomoroni lam- barana. Napaiha loddongo, diyo wenani Yusuf, "Mandu -ru dengengga." ⁸ Tapi dimoka, Yusuf nja-na wawa. Wena, "Moringgu mengeka bana haboko ke- henggandi ngara ihi uma-na lambaranggu. Diyo ndo-li haraka nggandi lambara-nggu holo lembahi ngara baka etu iyiya. ⁹ Njango hatoy' pangu lauma iyiya na namadu angana narehi-gha yayo. Moringgu njana manawaroni ngara doy'na wali layayo, likena yoyo oro -na ba ariweinyanggu. Pe-naka patana yayo baku pa-ghilini nambohghi hengo netu mono akico diryako lambarada Maramba Alla?" ¹⁰ Ghalyoko ariweinya Po -tifar nadandeya Yusuf delo -ko deloko, Yusuf enga inja wawana manduru dengeni. ¹¹ Nahawuy' loddo, Yusuf tamaka lauman tanna kupa halakoya papaghilinggu we -na. Diyo nakanehongo lau-ma ene rapana etu. ¹² A-riweinya morina natinguka ngawuna Yusuf mono we-nani lambarana, "Mabika manduru dengengga." Tapi dimoka Yusuf napalayaka lohoni uma pa maleworo-ngo wuy'na mono naman-dala nika kahihina lalimya detana waricoyo etu. ¹³ Hengo ariweinya Poti-far naiceyaka Yusuf napala-ya bana loho lauma mono namandala nika ngawuna la limyana, ¹⁴ diyo naka-wulondika ngara toyo na eni lakadeloko, wenaka, "Harabanika! Ata Ibrani etu namaiyo lambaranggu na manggayo dengengga. Di-yo na dihegha tana kuham-bango ngga, tapi yayo ku kayokongoka. ¹⁵ Akawi-hakonggu maka nakambo-hika mono diyo napalaya-ka, tapi namandalanika aka -hihinya lambaranggu. ¹⁶ Maka, diyo nabandalo-yaka kahihina Yusuf parapa -ngo laghinya, morinya Yu-suf, baliya. ¹⁷ Diyo napa-neghenika laghina ngarake -do namera. Wenani, "Ata Ibrani ene pangandimu iyi-ya nambeingyo mangguna -ngga yayo! ¹⁸ Tapi dimo-ka, nggeni diyo bana dihe-gha, yayo kurandangoka. Diyo napalayaka mono na mandala nika a kahihinya." ¹⁹ Like rongo nani pataki -na ariweinya, morinya Yu-suf heka mbanina. ²⁰ Ma -ka, Potifar napatama nika Yusuf la nggallu kapandu pandoy' tahanani hamuhu-na tokko, mono anyono Yu-suf nandoyaka. Yusuf ela Nggalu Kapandu ²¹ MYORI naohuni Yusuf mono napangalyolungoka andaha-Na Lambarana Yu-sufpo, maka nakapala pen-jaraka muleka bambeini Yu -suf. Kapala penjara netu mule'ka mbei'ni Yusuf ngga -bango mandurona ngara patahango. Yusufpo naholo lembaya ngara baka naeni langgalu kapandu. Kapa-la penjara nawainika ngara kehe baka naeni langgalu kapandu lambarana Yusuf. Hadana iyiya orona MYORI naohuni Yusuf. MYORI na-woloni Yusufpo na alyolo ngara baka etu papaghili-nya.