Kawuku 28
1
Malawengo, Ishak naka -wulonika Yakubp, napama -ringi malalaya diyo, mono napaapenika, "Amba deke damoka yoyo ariweingo wa -li la anada toy' Kanaano.
2
Handiy'baka mono otu ba -ngguka ela Padan-Aram, la umana Betuel, bapana inya -mu. Harabangoka ariwei-mu hatoyo anyono, etu ha-toy' wali ana minyena La-ban, lamonena inyamu.
3
Notongo Alla Nduka Mboto napakanuru kanang -gaghu, narawinggu paana paambu nuhi napaugharo nggahakoya wuy'wallamu tanaka yoyo nakede bang-sa nabokolo.
4
Notongo Diyo wadi napamaringi ma -lalaghu ene kanuru kana-nggana pawoy'dani Abra-ham, lambaramu mono lambaraada, tanaka yoyo e -nga doy'muni yiya tana pa -woy'na Maramba Alla lam-barana Abrahama, didoka tana henene yemi palondo mi bumera toy' kaboyo."
5
Mengeka, Ishak napaka -loko nika halako Yakubpo, mono nahalakoka la Padan -Aram lambarana Laban, anana Betuel toy' Aram ne-tu, didoka lamonena Ribka, inyana Yakub mono Esau.
6
Esau napeghenika ene Ishako bana pamaringi ma-lalaya Yakubpo mono napa -tubanika otuni ola Padan-Aram tanna nakole wango ariwinya anyene. Diyo wadi napegheni nggeni tutuna Ishak bana pakananggaya Yakub, diyo wadi napaape-nika dika bawena, "Ambi jamoka deke ariweiyo wali ana minyena toy' Kana-ano."
7
Esau napeghe ni-ka Yakub nanamatoyaka ba -pana mono inyana, mono otunika ola Padan-Aram.
8
Dika bahenyaka, Esau namangati nika nggeni ba-pana banjana mbeindi wari -coy' Kanaano.
9
Maka, o-tunika Esau lambarana Is-maelo mono nadekeyaka Mahalat na ariweini likena ngara ha ariweinya hahawa -deko. Mahalat didoka ana- na Ismaelo anana Abra-ham, mono ari waricoy'na Nebayot.
Mangganipina Yakub ela Betel
10
Yakubpo namandalani -ka Bersyeba mono otunika la Harano.
Mengeka, na-dukika Yakubpo ene naha-wuyo pandoy'ngo mono na -ma ndahiyaka diyo enyene torana mataloddo bana ta-maka mataloddo. Yakubpo nadekeka nahawuyo watu nalunanika, mono naman-duruyaka.
12
Tengero manduruna, namangganipika Yakubpo. Ela mangganipinya, diyo na iceyaka nahawuyo wutulete nandende wali lapanu tana mono hupuna namatoka-ngo, mono ngara hurunda-nduna Maramba Alla ambu -ru detangoka ela wutulete netu.
13
Mengeka, Yakub naiceyaka MYORI nanden-de lapanu wutulete netu mono wena, "Yadoka MYO-RI, Alla Abrahama, ambu-nuhimu, mono Alla Ishak; tana pandoy' manduruna iyiya eme Kuwoy'ngguni mono wuy'wallamu.
14
Wuy'wallamu eme da-nga karomboko tana yila panu tana, mono yoyo eme namahabarongo wali bara-to, timuro, mandoko, mono waikalogho. Mono ela yo-yo, ngara toyo lapanu tana apakanuru kananggaya.
15
Rongo baka, Yayo naohu -nggu mono nahamaghu-nggu yoyo nggebaka pa-ngubaka pandoy' aromu. Yayo eme kungandi habali-nggu yoyo atana iyiya. Yayo njaku mandalanggu dong- gu lapaka baku pahangga-ni paya ene pandoli Kiru-ndandinggu lambaramu."
16
Mengeka, Yakub napa-daka wali lamanduruna mo -no wenaka, "Hepinja pa-nguna MYORI eni yila pan-doy'ngo iyiya, tapi yayo nja- ka rahaka!"
17
Dika kambohina, Ya-kub wenaka, "Pandoy'ngo iyiya heka ndaha langa ta-kana. Iyiya didoka Umana Alla mangawuyo. Iyiya mba -la binyana hurungga!"
18
Maka, Yakubpo nake-de kapuhuddo nggawalo-ngo, menge nadekeka wa-tu ene palunana mono na aturoyaka meraka tugu, mono napahiki nika minya lapanu watu netu.
19
Ya-kubpo nataki nika ngara ne -tu pandoy'ngo Betel, heja-wa monaka ngarana pan-doy'ngo netu didoka Lus.
20
Mengeka, Yakub naha-roka, wenaka, "Hengo Mara -mba Alla naohungga, mo-no nahamaghunggu landa-lu lara iyiya, mono hengo Diyo nawoy'ngo kadepeto pahamuyo mono ngawu pa tayo,
21
tanaka yayo kuko -le habalini baku mopiro la uma bapanggu, maka MYO -RI eme dika Allanggu.
22
Mono, watu ene papan-dendenggu iyiya kudarini Umana Maramba Alla. Mo-no, wali ngarabaka etu ene Yoyo nawoy' nggani lamba-ranggu, eme kuhabalini ha kambulu perehey'Mu."