¹ Mengewali, MYORI na-dukini Sara wali hengo pan -doli takki-Na, mono Diyo napahalakoya lambarana Sara hengo pandoli papa-kirundandi-Na. ² Maka, Sara napakambu -ka mono na paana nika na haiha lakeda kabani tang-guna Abrahama like malu-puna, namatoya ene rahi pandoli takkina Maramba Alla lambarana. ³ Abra-hama napangara nika ana-na alakeda nadadi tanggu-na, nadadi wali la Sara, Ishako. ⁴ Abrahama nasu -natoya Ishako nggeni ana-na netu bana umurongo pandapato loddona, nama- to ene paparetana Maram-ba Alla lambarana. ⁵ Abrahama hangahuya-ka ndoy'na ene bana dadi Ishako. ⁶ Mono, Sara we-na, "Maramba Alla nawolo-ngga hamadico wanggu, mono ngara atoyo narongo -ya tutuna iyiya enge madi-co nangga yayo. ⁷ Kalolu -kona, "Nggarani hitu ulu nawenani lambarana Abra- hama nggeni Sara bana pa-huhu lakeda? Dimoka hewa -linya, yayo ndoli pa anang-gu nahaiha lakeda kabani tangguna, like malupuna." Hagar mono Ismael ahoko -yaka wali umana Abraham ⁸ Ishako namatamboka matuy'na bamaghanggoni. Mono, Abrahama narawi-ngoka woleka bokolo ngge -ni Ishako bana matuyo. ⁹ Tapi dimoka, nggeni Sara bana iceya anana Hagaro, waricoyo Mesiro napaana kawungani wali Abrahama, netu batengero mangguna -da. ¹⁰ Sara wena nika Abra-hama, "Hoko bayaka netu ata dunggu anada torana ana kabanina wali ata wari -coyo netu inja diyo nahelu ngandi dengeni Ishako, a-nanggu." ¹¹ Tutuna iyiya Abrahama namillyaka ate-na orona Ismaelo ba ana nani. ¹² Dimoka, Maramba Alla wenani Abrahama, "Amba namaghila wali atemu oro-na lakeda kabani netu mo-no ata waricoyo netu. Pala-ku bayaka paya ene pataki -na Sara lambaramu, tora-na eme wuy'wallamu ndu-ka mananika Ishako. ¹³ Tapi dimoka, Yayo wa-di eme narawini ana kaba-nina wali la ata waricoy'mu bangsa nabokolo orona la -keda etu wadi wuy'walla-muni." ¹⁴ Maka, Abrahama nake -de kapu huddo nggawalo-ngo mono nadekeya kade-peto dika ambelle kalulla manga wainya, maka na-woy' nanika Hagaro. Diyo napaihinika muyo mono weiyo netu ela mbalina Ha-garo mono naharaka nika anana netu lambarana, ma -ka napatumbanika hediyo halako. Maka ahalakoka wa -ricoyo netu nahadapango lamarada halayo Bersyeba. ¹⁵ Na hangengoka awei-yo etu lambelle kalulla, Ha-garo napuliroyaka anana ela mboroto. ¹⁶ .Menge-ka, otunika diyo notongo raka gheghungo watu ma-roy'na, maka nalondoka to-rana diyo tengero panga-dana, "Ambu kuice bayaka bana mate ananggu netu." Mono, batengero londo ha-panda pera dengeni anana ela mboroto netu, diyo na hoy'ka bawiruko-wirokona. ¹⁷ Tapi dimoka, Maram-ba Alla narongoya aliy'nya lakeda netu, mono maleko-tona Maramba Alla nakawu -lonika Hagaro wali la huru-ngga mono wenani lamba-rana, "Pena bupahuha ngo-ngo wuy'mu, Hagaro? Am-ba kambohi wali torana Ma -ramba Alla ndoli rongona-nika aliy'nya lakeda netu nggeka pandoy'na. ¹⁸ Ke-debaka! Hakota bayaka la-keda netu torana Yayo eme kupadadini bangsa nabo-kolo." ¹⁹ Maka, Maramba Alla nabunggeroka matana Ha-garo maka naiceyaka naha-wuyo matawaiyo. Maka otu -nika Hagar ela matawaiyo netu mono napaihi ika akir -bato netu waiyo, mengeka na painu nika anana. ²⁰ Maramba Alla enga o-hu nanika lakeda netu, mo-no diyo namatamboka bo-koloa. Ismaelo namopiroka ela marada halayo mono di -ka toy' maniko pana yaka. ²¹ Diyo nalondoka ela Ma -rada Gurun Paran mono i-nyana nadeke nika ariwei-nya wali labangsa Mesir. Kirundandina Abrahama duggu Abimelekh ²² Nahandaka rahi netu, Abimelekh mono Pikhol, e-ne nahatoyo panglima hu-rundanduna Abimelekh, na paneghe dengeni Abraham -a, "Maramba Alla naoleng-gu ela ngara baka papaghi-limu. ²³ Dika, harobaka lambaranggu iyiya, lahada-pana Maramba Alla, tanna yemi amba nengo curango lambaranggu yayo wuy'wal -langgu,ndewadina lamba-rada ana ambunggu. Tapi dimoka, mera baka andaha -nda ene pandoli papahun-damu, pahiy'banika anda-hamu lambaranggu mono lambara negeri ene yoyo pandoy' kadannamu ngga-bango batoy' kaboghu iyi-ya." ²⁴ Nawalahoya Abra -hama, "Yayo kuharo!." ²⁵ Dimoka hewyalina, Ab -raham nanjana manuna la mbarana Abimelekh tutuna matawaiyo palondoda nga-ra ha atana Abimelekh. ²⁶ Dimoka Abimelekh we -na, "Yayo njaku pegheni nggarani napaghilini. Yoyo inja handaka pango buwei'-mu tutuna iyiya lambarang -gu etu pangoka!" ²⁷ Maka, Abraham mono Abimelekh awolongoka liy' katutu, Abraham nawoy'ni-ka lambarana Abimelekh napiri mbembe mono hapi nggabango tanda hake-hara. ²⁸ Abrahama wadi nata- hika pitu mbembe rarra la- hadapana Abimelekh. ²⁹ Abimelekh nakaliaroni -ka lambarana Abrahama, "Pena yemi buheghahi na pitu mbembe rarra netu?" ³⁰ Nawalahoya Abraham, "Hengo yemi buhimbaya ngara hambembe iyiya wali layayo, iyiya eme didoka a tanda nggeni yayo doka na kondaya matawaiyo iyiya." ³¹ Langangoka netu, ma-ta waiyo netu napangarani-ka Besyeba. Abraham bana pangarani mata waiyo netu orona badiyaka apandoy'-ngo pawolongo liy'kataddi. ³² Maka, Abraham mono Abimelekh narawingoka liy' jandi ela Bersyeba. Menge wali Abimelekh mono kapa -la hurundanduna, abali hika otu la negeri Flistin. ³³ Abraham natondondi-ka tamariska ela Bersyeba mono nahambayangoka la mbarana MYORI, Alla namo -piro lapa muriwali muriwa-lina. ³⁴ Mono Abraham namandeyo bana londo na-mera toy' kaboya tutu rahi mandey'nya ela negeri Flis-tin.