¹ Wali lapandoy'ngo ne-tu, Abrahama nahalakoka ela tana Negep menge na darika kombongo ela ndo-ngana Kadesh mono Syur; tappi mengewali nalondo-ka nggabango toy' kaboya-ka ela Gerar. ² Abrahama wenani tutuna Sarah, ariwe -inya, "Diyo lawinyenggu-ni," malawengo Abimelekh toko Gerar, na patumba-ngoka toyo dekeya Sarah. ³ Taba hewyalinya, ene nahawuy' hudo, Maramba Alla wenani Abimelekh ela mangganipinya, wen'-Nani, "Yoyo enga matemu torana awaricoyo ene padekemu netu ariweiy' toy' hekaya." ⁴ Dimokq, Abimelekh nja-na ghapu payaka Sara, ma-ka wenaka, "Mori, pena Yo-yo inja hamate dokinggani abangsanggu nanjana ha-la? ⁵ Dikiyo Abraham ma -ngawuyo nataki nggani, 'Waricoyo iyiya lawinyeng-guni,'? Mono inja diyo iyiya waricoyo netu wadi nawena, 'Kabani iyiya lamo -ne ngguni,'? Yayo kupaha-lakoya iyiya wali kalaki ate ngguni mono wali lalimya-nggu na hingiro." ⁶ Mengewali, Maramba Alla wena lambarana liya la mangganipi, "O'o, yayo ku-pegheni nggeni yoyo bupa halakoya hadana iyiya wali hingiro atemu. Yadoyaka na heringgu rawingo akico dirako lambaranggu Yayo, dika nanjana pakalokong-gu tondoya awaricoyo ne-tu. ⁷ Oronaka netu, hene -ne habali banika ariweinya toyo netu torana diyo bana-biya. Diyo eme nahambaya -nngu yoyo tanaka yoyo mo -piro. Tapi dimoka, hengo yoyo buinja habali nika ari weinya lambarana, peghe bangoka nggeni yoyo dika ngara toyo naolenggu ndu -kango mati." ⁸ Dipa, kapu huddo ngga -wulo, Abimelekh nakawulo -ka haatana mono nangara kedokonika lambarada he-diyo tutuna ngara netu ta-naka hediyo ngarakehe he-ka kambohidaka. ⁹ Maka, Abimelekh nakawulonika Abrahama mono wenani la mbarana, "Payaka ene yoyo pawolo rawimu lambarama yama? Payaka pahalama pa paghilima ela yoyo maka paholo nggama kahekkena hala bokolo lapola tona ka-landa tokkonggu? Yoyo ndoli pahalakoyaka ene na njana lakango lambarang-gu!" ¹⁰ Maka, Abimelekh we-wadina lambarana Abra-ham, "Paya ene nahudaro-nggu paghilini hadana iyi-ya?" ¹¹ Wena Abrahama, "Yayo kuanggaya ene kam-bohini Maramba Alla noto-ngo njango pandoy'ngo iyi -ya mono ngara atoyo iyiya eme ahamateghaka orona ariweinggu. ¹² Hewyadi-ngo, diyo hepinjana lawi-nyengguni; diyo ana bapa-nggu, tapi inja ana nani i-nyanggu, mono mengeka diyo diyaka ariweinggu. ¹³ Mengeka MarambaAl-la napatumbanggaka loho wali laumana bapanggu, ya -yo wena lambara ariwei-nggu, 'Pahiy'banika mana-waromu lambaranggu dika palakuya hadana iyiya lam-barana pandoy'na ene ghi-ca pahadapanda, takibaya-ka tutunggu yayo: Diyo anguwuyo."' ¹⁴ Maka, Abi -melekh nakawuloni mbe-mbe, hapi, dika ata kabani mono waricoyo lambarana Abraham; mono wadi haba -lini Sara, ariweinya Abra-hama, lambarana. ¹⁵ Wena Abimelekh, "Ha-mataro banika, negeringgu eni lahadapamu. Londo ba-ka nggewadini pandoy' mbei'mu." ¹⁶ Abimelekh wena lambarana Sara, "Ro-ngo baghaka, yayo kuwoy'-nggu harata syikalo amaho kaka lambarana anguwuy'- mu nggabango tanda ma-ghenemu lahadapana nga-ra toyo namarenge denge-nggu. Mono lahadapana ngara toyo, bayemi inja ha-la." ¹⁷ Mengewali, Abrahama nahambayango nika Mara-mba Alla mono Maramba Alla napatanggahoyaka Abi -melekh, ariweinya, mono ngara haatana waricoy'na maka apaana ngoka lake-da. ¹⁸ Torana, kedepana MYORI natodihi maho paa-nada ngara kehe hawarico-yo ela loledena Abimelekh malawengoka njan' pakam-buka orona Sara, ariweinya Abrahama.