Saulus Elnomotoko Yesus ¹ Ndimoko, Saulus, engena mbanna pahlokoyo indaha monno elwunihi ehmuritonno Mori, otinni lahdapanna Imam bokollo, ² monno lakreyo huroto walli eldiyo, epahdapanna elbarada Sinagoge-sinagoge el Damsyik nebhenyaka ndiyo mbanna tobokihi garraniki elwani lara netu, ebaka kabanihi monno ebrawicohi, ndiyo elngandihiki ngarrakehe laptannahi el Yerusalem. ³ Ebtenggere halokonno ndiyo, ndiyo heluwungongo mbanna tukka el Damsyik, monno randangoko mbanna loho akgheghekonno walli elakramba lamhoborong monno lakkelilingini. ⁴ Menge, ndiyo lakbutukuka eltana monno elrongoyo alinnya elapneghen elbarrana, Saulus, Saulus pena yoyo eb pakriga Yaya?" ⁵ Saulus lakrerengngo, " Garranggu Yoyo, Morin?" Monno, ndiyo eltakkiyaka," Yaya doyaka Yesus, epakrimu. ⁶ Ndimokko, kedebaka monno tamabaka el kota, monno yemmi atakigiminiki payaka epap ghillummu." ⁷ Ngarrakehe atodanga el otinni ollena Saulus eldede jango ebtakinna menge mbanna rongoya alinnya, ndika jango eb iceda. ⁸ Saulus eldede walli eltana, monno el ice ndomoko matanna, ndiyo janna icepongo matanna. Mokko, ngarrakehe atoyo atarraniki enna limmana monno ngandiyaka tama el Damsyik. ⁹ Monno, talluya aloddo, Saulus ebjanna pekengo mbanna ice monno wedi janna pekengo mbanna muyo ato inu. ¹⁰ Enna lodona, enni lahtoyo anmuriti el Damsyik, ngarrana Ananias. Morri lapneghengoko elbarrana eldolono eb icenna, " Ananias!" Mokko, Ananias elapwoloho, " yiga yaya,Morri." ¹¹ Menge, Morri elapneghengoko elbarana, " Kedde monno otu mbaguku ellara ebtakki Lara Luruho, monno el ummana Yudas, kadababaka atoyo Tarsus elngarrango Saulus menge, icebaka, netu atoyo tenggere hambanya, ¹² monno ndiyo menge mbanna ngoleya enne manurrani ella lahtoyo el ngarango Ananias el emini monno elkobokonni limma ella pannuna tanna ndiyo eldadi mbanna ice wali." ¹³ Ndimoko, Ananias elwolohoko, " Morri, yaya ndoyaka elrongoya walli todanga tutunna yiya atoyo, hekdangana eljanna ndaha papghillina ndiyo elbarada atoyo Kudussum-Mu el Yerusalem, ¹⁴ monno yiya ndiyo engngo kwuahanna walli ella imam-imam katakku enna aptannahiki ngarrakehe atoyo danga ellakwulloniki a ngaram-Mu." ¹⁵ Ndimoko, Morri eltakidikki elbarada, " Otobagimmiki ndika yaya toyo ndidoyaka ehpendegu tanna elngandiyaka ngarang-Gu elahdapanna bangsa-bangsa hekenna, monno ngarrakehe a tokko, monno bangsa Israel. ¹⁶ Ndimoko, Yaya ndika laphundonni elbarana hekdangana ndiyo engnge ndidokka akriyo tutunna a ngarrang-Gu." ¹⁷ Mokko, Ananias lahlokyak monno eltama el ummana, monno mengeke mbanna kombokonni a limmana ellaktakunna Saulus, Maramba Yesus, ella laphundawunna elpoltommu ella larra pahlokummu wimolo, mengeke mbanna patumbaga yaya tanna yoyo icewani monno bannu wongo Ndewa Mbiha." ¹⁸ Menge, randangoko, mereke ri igha lakbutuku walli ella matanna monno ndiyo el ice walika. Ahmurinnya, ndiyo el keddeka monno ab ihayaka. Saulus lakwungoko ngandiya Linnya tutunna Yesus ¹⁹ Monno, menge ebmuyo, Saulus wonniki paghahi. Ndiyo ellam rengngendiki eh murit-murittonno el Damsyik en pirraya lodo. ²⁰ Monno, lecca ndiyo mbanna padukinni linnya Yesus el umma mbiha monno eltakiyaka," Yesus ndoyaka Annana Maramba Allah." ²¹ Ngarrakehe atoyo elrongoyo monno pamngoroh engngengoyo monno laptakika, " Indiyaka ndiyo yiya el enni el Yerusalem elwunuhi ndiyo ebtaki ngarra monno elmenge mbanna eminni yiya monno ehbeja mbanna ndiyo ngarrakehe el hadanna paptanna lahdapadda eh imam-imam kpalla?" ²² Ndimoko, Saulus eldadi engpaghahinna monno pahbingung engennani atoyo Yahudi eldoyo el Damsyik wango buktinna ebhenyaka Yesus ndidoyaka Kristus. Saulus eloloho walli ella lahwadikongngo atoyo Yahudi ²³ Menge mbantutu pirraya loddo, ngarrakehe atoyo Yahudi apwacakki engeke tutunna wunuya Saulus, ²⁴ ndimokko apwacakida dolli peghenaniki Saulus. Ngarrakehe ndiyo adaganniki eh binnya tama loddo monno hudda tanna ndiyo ngole wanni hamatiya. ²⁵ Ndika, ehmuriconno Saulus elngandiya enna hudanna monno lahburrinni walli ella gallu elwangi panokotongo limma monno wango anna kapepe. Saulus enni el Yerusalem ²⁶ Ndidokka Saulus elduki el Yerusalem, ndiyo elkabinni habolong ella muriconno. Ndika, ndiyo ngarrakehe akbohinniki apoltonna orronakka ebcawani ndiyo ebmuriconno. ²⁷ Ndimoko, Bernabas amrengeke dung Saulus monno elngandiyaka elbarana eh rasul, menge lapneghengoko elbarada ndiyo ngarrakehe ndiyo el icaya Morri ellara ndanga, monno Morri menge mbanna takkiya elbarada, monno ndiyo lambrani mbanna pneghengo elngarrana Yesus el Damsyik. ²⁸ Monno, Saulus lamrengendi ndiyo ngarrakehe eban tamma monno loho walli ella Yerusalem tenggerena mbapneghen batakki ngarrana Miorri. ²⁹ Ndiyo eltakkiya monno haberre-berenge engendi atoyo Helenis, ndimoko ndiyo ngarrakehe bengo wunuya. ³⁰ Ndika ndungkambu olle atiwango tatpeghenni yiya, ndiyo a ngandiya el Kaisarea monno laptumboni el Tarsus. ³¹ Ndimoko, ngarrakehe jemaato el Yudea, monno Galilea, monno Samaria elngoleya engge ate monno helu wungongo amtombo. Monno akbohinni Miori monno ella wongo engge ate Ndewa Mbihana, ndiyo ngarrakehe engena mbamtombo ndanga. Petrus enni ella kota Lida monno kota Yope ³² monno hitu, Petrus lakninik ngar mbak kalbatu, ndiyo wedhi tanga to mbokohi ngara to mbiha el enyi Lida. ³³ A Nonno, ndiyo ndukiniki a toyo el ngarango Eneas, tenggernak mban maduru el lapdom nduruna emdennya pandapoto donna mbanna kliku. ³⁴ Menge, Petrus lapneghen elbarrana, " Eneas, Kristus Yesus ellaptonggohughu. Keddebaka monno pandahabahiki pamdurum!" Monno, randangoko nenne, mbanna kede Eneas. ³⁵ Mokko, ngarrakehe atoyo el enni Lida monno Saron el iceya monno ngarrakehe awaniki Miori. ³⁶ Eme pahdapang, el Yope, enni lahtoyo muriti rawicoyo elngarango Tabita, epaptakki Dorkas. Ndiyo eldaha papngandinya monno hekka mbenya wongo knuru. ³⁷ Enna loddo ndanga eldadikka, ndiyo elhaddu monno elmatika. Menge, enna atodanga elmenge paihaya, ndiyo ngarrakehe pamduruniki eldonete. ³⁸ Monno mbahparangko Lida monno Yope, ehmuriconno, menge Mbarongoya Petrus onni nonno, abtumboni ndutoyo otindi el Petrus monno akreyo elbarrana, " Amtundaya eb otuwamu ellap domyamma!" ³⁹ Mokko, Petrus elkede monno otinni lamrengeni ndiyo ngarrakehe. Monno, ndiyo elduki, ndiyo ngarrakehe ngandiya Petrus el korro pannuna. ngarrakehe eh tokwinnya a dede ellah krahanna Petrus monno aho, menge aphundoni tunik-tunik monno hakhihhija ahwadikong ebbiahada mbataya eb enni DOrkas enna lodo eb epanyi ollede ndiyo. ⁴⁰ Ndimokko, Petrus laptumbodi ndiyo ngarrakehe aloho, menge enna lehukongo kunda monno ahbango. Ahmurinnya, ndiyo akharani akmatinnya Tabita monno ndiyo lapneghen " Tabita, keddebaka!" Menge, enna awarcoyo elbungkerek amatana monno el iceyaka Petrus, ndiyo ellodo. ⁴¹ Mokko, Petrus lap ulluka alimmana elbarana monno abantuya dende. Ahmurinnya,mon lak wulondikki antoyo ndaha mon ehwercoyo kwinnya, laphundonik mon Tabita elmopir. ⁴² Monno, palndadi hitu lamwewerong el ngarkehel Yope, monno ndanga toyo el wani maramba Miori. ⁴³ Mokko, Petrus mbanna ndoyo rakana madenya el Yope a olena atoyo el ngarang Simon, attoyo klicca