Takkidikijakanna Ato Yahudi Tutunna Paulus ¹ Limma lodonna, Imam Bokollo Ananias burru engendi eh tomtuyo amplupu monno lahtoyo pengara elngarrana Tertulus. Ndiyo ngarrakehe akreyo tuntutanno lahdapan Paulus elbaranna Gubernur. ² Menge Paulus akwulloni, Tertulus lakwungoni takkidikijaka wenaka, " Ebhenyaka walli ella Tuan, yamma el engena rahaya engge ate monno ngarrakehe el laphekeng eldadi yila bangsa walli ella peghenna Tuan, ³ yamma elhimbaya ngarrakehe pattanna monno el ngarrakehe apdoyo mbannu raha syukurro ella Mulia Feliks. ⁴ Ndimoko, tanna janna mengeya waktunna, yaya lakreyo atimmu tanna rongngogamma yamma hodipimoko. ⁵ Ndika, yamma menge mbam tobbokoyo yiya atoyo walli ella lahtoyo lapruhaya, ellap dadiya indaha ella eltodanga Yahudi el pannu tanna ngarrakehe. Monno, ndiyo ndidoyaka pemimpinnon sekte Nasrani. ⁶ Ndiyo henyonaka mbanna usahaya ahmbihaya Umma mbihana Maramba Allah sehingga yamma mamma ndonggoloya. ( Yamma bengo adiliyo elmereka patta hukummonno yamma. ⁷ Ndimokko, Lisias, akpalla pasukanno, emindi menge akrebaya walli ella limmama yamma wango kras, ⁸ tenggeren mba pretehi atodanga ella takkidikijaka tanna emindi lahdapammu yoyo. ) Wango prehihi ehpoltoda knehengngo, yoyo elngole peghinni walli ella ngarrakehe tutum yamma takkidikijaka elbarana. " ⁹ Atodanga Yahudi waddi apahwungo takkidikkijakka monno tenggered mbap ghahinni ngarrakehe el ghenne. Ahbelenna Paulus ellah Dapanna Feliks ¹⁰ Tenggeren gubernur mbanna wongngo tandanna elbarana Paulus tanna lapneghengngo, Paulus elwolohoyo, " Mengeke yaya mbakku peghinni ihdo-ihdoyo enne yoyo mengeke ebdadi hakimmo yila ella bangsa, yaya engge ati mbakku belaya apoltonggu. ¹¹ Yoyo mengeke ebbu peghinni eb hennya janna rehi walli ella hakbullu nduyo loddo lampalanganga yaya kudetengngo el Yerusalem tanna habango. ¹² Ndiyo ngarrakehe jah ndakka mbatobokongngo yaya tenggeren mbahkabanga garrabaniki ato el paknuhuk eltodanga, el umma mbihana Maramba Allah, eh umma mbiha, eldolonno kota. ¹³ Ndiyo ngarrakehe waddi japekinni mba wongngo buktinni elbarrammu payaka ndiyo ngarrakehe paptududa elbaranggu hennene. ¹⁴ Ndimoko, yaya kumngaku elbarammu, monno ebhenyaka enna lara netu, ebtakida lahwuyo sekte, yaya lahbango elbaranna Maramba Allada eh ambu nuhinja yicca, monno wanni ngarrakehe ab etu elmere Hukummo monno lamturoho el huroto ngarrakehe eh nabi, ¹⁵ tenggeren mbamma taya harapanna elbarana Maramba Allah, epahmagadda ndiyo waddi, monno eb enni edetenna, ndahananni atoyo el ghenne monno eljanna ghenne. ¹⁶ Ebhennya yiya, yaya kuusahaya tanna lakraghaya atinnya elhetopinjanna, eldaha lahdapanna Maramba Allah monno topiya. ¹⁷ Hennenne, mengeke pirraya ndoyo, yaya emmengga tanna ngandiya aknuru walli ella bangsanggu monno tanna elwongngo persembahanno. ¹⁸ Tenggeren yaya mbakku pahgudikoyo, ndiyo atobokongngo yaya, mengeke yaya ab ihangga el umma mbihana Maramba Allah, janna kwongi atoyo ato ahmbereng. Ndimoko, ennono, pirraya ato Yahudi walli ella Asia. ¹⁹ Ndipimoko, ndiyo ngarrakehe el enni lahdapammu monno el takijikjakka, ebhepinnaka ndiyo ngarrakehe adonnni ebgabwanangga yaya. ²⁰ Ato, hobadaka atodanga aknehengngo atakidandi paplanggarado payaka ebtobokodo ndiyo ngarrakehe eb tenggeren yaya mbakku dende lahdapanna Sanhedrin, ²¹ hananya elahwuyo paptakinggu wango kyokongngo monno dende elbarada ndiyo ngarrakehe,' Ebhenyaka am keketonno walli eltomati, yaya enna hakiminggi ellahdapammu yiya lodonno." ²² Ndimoko Feliks, el donni apeghe elghenne tutunna alara netu, atundaya enna masalah monno atakkiya, " Ebhenyaka Lisias, akpalla pasukanno, burru, yaya ella wotohoyo enna masalammu." ²³ Ahmurinnya, Feliks laprethiki eh perwira tanna Paulus eng donna elgallu, ndimoko walli ella lahlewe monno janna hadanni eh olkedenna tanna enna layani ndiyo. Paulus Lapnegheng tutu ati wanya ella Kristus ²⁴ Mengeke elpiraya lodo, Feliks el emindi ndung ariweja, Drusila, ndidoyaka ato Yahudi monno aptumbonni Paulus emindi monno rongngoya Paulus ebtakinna tutunna atiwanya elbarana Yesus Kristus. ²⁵ Mengeke, tenggeren Paulus mbanna pahelungo pangadanga tutuna elghenne, enne daganni apoltoyo, monno enna penghakimanno el eminni pahdapangngo, Feliks lakbohika monno lapneghengngoko, " Otubangguku hennene. Tenggeren yaya mbakku ngoleya kesempatanno, yaya lakwulonggu." ²⁶ Enna loddonna elmere, Feliks pahbenya tanna Paulus elwondi ndingi. Ebhenyaka, Feliks engena mbanna ptumbonni Paulus emindi monno abneghengngoko engendi. ²⁷ Ndimoko, mengeke eh nduyo ndoyo lahmenge, Perkius Festus abhelunni Feliks. enna abengngo enggehi atodanga Yahudi, Feliks aphallayaka Paulus elgallu ndolo.