¹ Paulus lakharranni Sanhedrin monno lapneghengoko, " Mbakku ndungkambunggumi, yaya mengeke mbakku halokinni amopirrunggu walli atinni eldaha lahdapanna Maramba Allah lundulappa yiya loddona." ² Menge, Imam Bokollo Ananias lappretehiki atodanga tanna dende elbarana Paulus tanna akpokonni aghobanna Paulus. ³ Ahmurinnya, Paulus lapneghengoko elbarana, " Maramba Allah akopokughu yoyo, hai yemmi atembokko epap cete kakangngo! Payaka yemmi loddo tanna menghakimi wangga yaya walli ella Hukum Taurat, ndimoko gabbani hukum etu monno patumbondi koppokonggo yaya?" ⁴ Atodanga eldende elbarana lapneghengoko, " Payaka yemmi ebhinaya Imam Bokolonno Maramba Allah?" ⁵ Ahmurinya, Paulus lapneghengoko, " Yaya jakku peghinni, ndungkambu, monno ndiyo ndidoyaka Imam Bokollo. Ebhenyaka, lamturuho, ' Ambutakkiya yemmi eljanna ndaha tutunna lahtoyo pemimpinno a bangsamu.'" ⁶ Ndimoko, tenggeren Paulus mbanna peghenni ebhenya lahwadikongngo ato Saduki monno tohekenna ndidohiki ato Farisi, Paulus lapnegheng eldolonno Sanhedrin, " Ndungkambu, yaya ndoyaka ato Farisi, ananna to Farisi. Yaya tenggeren mba adilangga walli ella pahbenya monno akeketonno ato mati!" ⁷ Tenggeren Paulus mbanna takkiya yiya, elhunda ahallapangandanga walli eltodanga Farisi monno atodanga Saduki, monno akwonginya ato mbanna habaghingo. ⁸ Ndimoko, todanga Saduki eltakki mbanna jango eldetengngo, jango malaikato, monno jango ndewa mbiha, ndimoko ato Farisi elwani netu ngarrakehe. ⁹ Mokko, eldadika akwihoko elbokollo monno enna ahwadikongngo ahli Taurat walli Lakklompok Farisi dende monno agabbani kras, " Yamma jamma tobboko hodingngo elhalla yiya atoyo. Penwengoko eb enniki ndewa ato malaikato elmenge paneghengngo elbaranna?" ¹⁰ Mengeke, tenggeren mbah merengandungngo elbokollo, aktakku pasukanno lakbohinni Paulus elpakrabikonno walli eltodanga, menge lapretehiki happrujurit ngarrakehe tanna aburru monno adekeya Paulus walli ella lapndunna ndiyo ngarrakehe pahahanni, monno a ngandiya el markas. ¹¹ Enna hudda walinnya, Miorri eldendeka elakrahanna Paulus monno lapneghengoko, " Paghahinni atimmu karna yoyo mengeke eb hakhiya hetotopinjanna tutunna Yaya el Yerusalem, ebhenyaka yoyo eb hakhiya el Roma. " Kambu ati Wunuya Paulus ¹² Tenggeren ndinjor loddo, atodanga Yahudi amkaha pandaha liboleto monno patannaya apoltoda ndiyo knehengo arohorro tanna amuyo ato a inu payaka elduki ndiyo wunuya Paulus. ¹³ Endi walli ella potto kabuluya atoyo lapdaha hada mboleto yiya. ¹⁴ Ndiyo ngarrakehe otindi elbarada imam-imam katakku monno tomlupu, menge apneghengoko, " Yamma mengeke mbamma patanna apoltom yamma knehengngo prahingngo tanna indi leyo lundulappa mbamma wunuya Paulus. ¹⁵ Henenne, eb walli enyaka, yoyo, mrengendi Sanhedrin, takidandi hakpalla pasukanno tanna ngandiya burru elbarammu, monno merebaka yoyo ebwotohoyo enna perkara rehi pendeya wadi monno yamma handiyo tanna wunuya ebjanna ndukipongngo yiya lapdoyo. ¹⁶ Ndimoko, anna kabani walli ella ndungkambu warconna Paulus elrongo tutunna adonggolodani, menge ndiyo el otinni monno eltama el markas, monno eltakinnani Paulus. ¹⁷ Paulus lakwullindi lahtoyo perwira monno eltakiyaka, " Ngandibaka yiya ana Muda hennene elbarada hakpalla pasukanno karna ndiyo engngo pahbenya takki elbarada." ¹⁸ Mokko, enna perwira elngandiyaka elbarana akpalla pasukanno monno lapnegheng," Paulus, totamma elgallu, lakwulangga monno lakrengga tanna ngandiya anna muda yiya elbarammu karna ndiyo eldonga hodi abtakkina elbarammu." ¹⁹ Akpalla pasukanno eltaranni limma alkede mone, eltinguya ellakrahanna, monno lakwungoni aklerinni alkede mone , " Payaka paplopurummu elbaranggu?" ²⁰ Menge, ndiyo elwolohoyo, " Atodanga Yahudi mengeke mba pahwungo akreyo elbaramu tanna elngandiya Paulus burru el Sanhedrin merehe, merebaka ndiyo ngarrakehe mbaklerinni hodi eltopinja tutunna ndiyo. ²¹ Ndika, amburongohi ndiyo ngarrakehe karna enni elrehi walli elpotto kabullu toyo walli ella tenggeren mbahadanni Paulus, elhorro tanna indimuyo ato indi inu lundulapa ndiyo mbawunuya Paulus. Monno henenne, ndiyo ngarrakehe mengeke mbah ndiyo monno tenggeren mba maganni patta setujummu." ²² Mokko, akpalla pasukanno laptumboni alkede mone otinni, tenggeren mbawonni liya elbaranna, " ambu takinnanni abgarrabaniki en yoyo ebmenge takkigandi tutunna ngarrakehe abyiya." Paulus Abngandinniki el Kota Kaisarea ²³ Ahmurinnya, akpalla pasukanno lakwullondiki ehtoduyo perwira monno eltakidandi, " Handibaka dungahu ap prajurito el engngo mbandilo, tanna el otindi el Kaisarea, enna jam tallu yiya hudanna. ²⁴ pahdibaka ahranga tanna lakleteya Paulus monno ngandiyaka ndiyo tanna el amanno elbarana Feliks, enna gubernur." ²⁵ Mengeke, ndiyo elturohoko enna huroto, yiya elmereka : ²⁶ Walli ella Klaudius Lisias. Elbaranna Gubernur Feliks elmulia. Salam, ²⁷ Atoyo yiya ebdonggoloda atoyo Yahudi monno hodipika ebwunuwadinni ndiyo ngarrakehe ebtenggeren yaya mbakku emengga marengngendi eh haprajurito monno pahlamatanni, menge apeghenni mbanna ndiyo ndidoyaka lahtoyo warga negra Roma. ²⁸ Karna yaya mbengo peghinni payaka tutunna ndiyo mba tuduya, yaya elngandiya burru elbarana Sanhedrin ndiyo ngarrakehe. ²⁹ Yaya eltobokoyo mbanna ndiyo a tuduya enna masala tutunna Hukum Taurat ndiyo ngarrakehe, ndimoko jango tutunna payaka ebhewana hukumanno mati ato elgallu. ³⁰ Tenggeren mbapdukinni elbaranggu mbanna enni pahwumoletotdo patta gabbani yiya atoyo, yaya lecca pretehi ngarrakehe penuduh tanna takkiya tuntunanno ndiyo ngarrakehe elbaranna lahdapummu. ³¹ Mokko, ngarrakehe hap prajurito, henyaka ap preteda ndiyo, a dekeya Paulus monno angandiya enna hudanna el Antipatris. ³² Enna loddo walinnya, ndiyo ngarrakehe aphallahi eh jokki ndara tanna otu engendi, menge ndiyo ngarrakehe a mbalihi el markas. ³³ Tenggeren ndiyo ngarrakehe adukika el Kaisarea monno ap dukinni huroto elbaranna gubernur, ndiyo ngarrakehe lahdapanni Paulus elbaranna. ³⁴ Mengeke gubernur mbanna bacaya huroto, ndiyo laklerinni walli elwilayanna ebdowalinnya Paulus. Monno, tenggeren ndiyo mbanna peghinni ebhenya Paulus walli enya ella Kilikia, ³⁵ ndiyo eltakki, " Yaya elrongngoghu menge