Paulus Lapneghenni Amghillanna ¹ " Ndungkambu ngarrakehe monno Mbapak-mbapak, rongoyo ebtakkingngu hennenne elbarammu." ² Monno, tenggeren ndiyo ngarrakehe mba rongngoyo enne Paulus mbakwullinni ndiyo ngarrakehe wango pnegheng Ibrani, ndiyo ngarrakehe hiwedakka, monno Paulus lapneghengoko, ³ " Yaya ndoyaka ato Yahudi, eldadi el Tarsus, Kilikia, ndimoko pahbokollonggo yilla kota, paknekengga el Gamaliel hekka kettatanna mereka hukummonno ambu nuhinja yica, monno eldadi paghahi elbaranna Maramba Allah, mereka yemmi ngarrakehe yiya aloddonna. ⁴ Yaya lakriya yiya lundulappa ebmati, aptanna monno aptammandi ndiyo ngarrakehe, enna hakbani monno eh rawicoyo, otindi elgallu dolo, ⁵ merek waddi eh Imam bokollo monno ngarrakehe majelis penatua hakhiya elbaranggu. Walli ella ndiyo ngarrakehe yaya elhimbaya eh hurotto tanna ngarrakehe ndungkambu el Damsyik monno a otindi aptannahi ndiyo ngarrakehe el endi nonno el Yerusalem tanna ehtotamma elgallu paphukummo. ⁶ Mokko, eldadika, tenggeren yaya eb etungga ellara monno hodipika ebdukki el Damsyik, enna dinjorro lodonna, randangoko enna cahaya mbanna magohoko walli ella lakramba mbanna klilingngonggo. ⁷ Yaya kukwodo eltana monno kurongngoyo akpokliyo ellapnegheng elbaranggu, ' Saulus, Salus, penne yoyo ebhemmunggu Yaya?' ⁸ Monno, yaya elwolohoyo, ' Garranggu Yoyo, Morri?' Menge, ndiyo lapneghengoko elbaranggu,' Yaya ndoyaka Yesus walli ella Nazaret, eb tenggerum yoyo eb pakringga.' ⁹ Ngarrakehe atodanga mbanna olengga iceya amgohoko, ndimoko peghenni akpoklinya Atoyo eltenggeren mbanna panegheng elbaranggu. ¹⁰ Monno, yaya kubpnegheng,' Payaka el engdiya yaya paplakungngu, Morri?' Monno, Miorri elwolohonggo yaya, ' Dende monno otu mbammuku el Damsyik, monno ennono, yoyo kutakkigunniki ngarrakehe el engdiya tanna yoyo plakuya.' ¹¹ Monno, tenggeren yaya eb jakku iceka eb enni kemuliannonno amgohokko, yaya a tuntunnonggo walli ellah atodanga amrengngengge monno tamma el Damsyik." ¹² Ahmurinnya, enni lahtoyo elngarango Ananias, atoyo el ndaha walli ella Hukum Taurat, monno apeghe ndahani walli ella todanga Yahudi eldoyo enono, ¹³ el eminni elbaranggu, monno menge eldende ellakrahanggu, ndiyo lapneghengngoko, ' Nduyo Saulus, icebaka!' Menge, enne mema waddi, yaya kuiceya waddi monno iceya ndiyo. ¹⁴ Monno, ndiyo lapneghengoko, ' Maramba Allah ambu nuhinja yica lap engndighu tanna peghinni eh mben-Nya monno eb iceya el ghenna, menge eb rongoya akpoklinnya walli ella ghoba-Na, ¹⁵ ebhenyaka yemmi eldadi hakhiya walli ella Ndiyo tutunna ngarrakehe atodanga tanna payaka ebmenge iceda monno eb rongoda. ¹⁶ Monno, hennenne penne yemmi eb tundaya? Keddebaka monno pakrakabanniki apoltommu paihabaka, menge pahingurbayaka eh dohummu monno kwulibuniki angaran-Na." ¹⁷ " Tenggeren yaya mbakku mbali laotu el Yerusalem monno tenggeren ahmbango el Umma Mbihana Maramba Allah, akwuahangga Ndewa Mbihanna, ¹⁸ monno yaya iceya Ndiyo mbanna panegheng elbaranggu, 'Leccebaka monno malewerbaka aloho walli ella Yerusalem karna ndiyo ngarrakehe jahimbaya hakhimmu tutunna Yaya.' ¹⁹ Menge, yaya kubnegheng, ' Miorri, ndiyoa ngarrakehe apeghinni monno yaya aptamindi elgallu monno patannahi ndiyo garrakehe elwanni Miori walli ella umma mbiha lahwuyo monno enna ahwadikongngo. ²⁰ Ahmurinnya, tenggeren aruta hakhim-Mu, Stefanus, mbaktominni, yaya knehengngo tenggeren mbakku dende enonno, kustujuya, monno kudangginni hakhihija atodanga elwunuya. ' ²¹ Mengeke taetu, Yesus eltakiyaka elbaranggu, ' Otubamukku! Henyaka, yaya laptumbonggu yoyo maroyo elbarana bangsa-bangsa hekenne."" ²² Atodanga arongoyo Paulus lundulappa mbanna takkiya yiya hennenne. Menge taetu, ndiyo ngarrakehe apneghengoko henyaka, " Dikabaka atohengngo netu walli pannu tanna karna ndiyo janna henya mbanna mopir !" ²³ Menge, tenggeren ndiyo mbanna kyokongo, monno el gheghunni a jubah ndiyo, monno ahobborinni akromboko el pannu udara, ²⁴ aktakku pasukan appretekke tanna Paulus a ngandiya el markas, tenggeren mbanna takiya Paulus tanna aprehaya monno apalluya tanna ngole wongo hadanna penne apatta kyokonno gabbani ndiyo taetu. ²⁵ Ebhenyaka, tenggeren ndiyo ngarrakehe menge mbaptannaya wango klorro klulla, Paulus lapneghengoko el perwira eldende elbarana, " Payaka ebhewamuni ebpaluya enna atoyo walli ella toyo negara Roma monno indi adiliya? " ²⁶ Tenggeren perwira mbanna rongoya, ndiyo otinni elbarrana aktakku pasukan monno atkinaniki, wenaka," Payaka yemmi paplakummi? Yiya atoyo walli ella wargar negara Roma." ²⁷ Mokko, aktakku pasukanno emindi monno atakki elbarana Paulus, " Takiganni, payaka yoyo lahtoyo to negara Roma?" Monno, Paulus lapneghengoko, " Ya" ²⁸ Aktakku pasukan elwolohoyaka, " Yaya elngoleyaka enna warga negara yiya eldanga engenni a ndingi bokollo." Monno, Paulus eltakiyaka, " Ndimoko, yaya warga negara ordadiyingga yiyo." ²⁹ Mokko, atodanga ellappreheya Paulus lamlewer amdalanani monno aktakku pasukan lakbohika tenggeren ndiyo mbanna peghinni Paulus ndidokka atoyo negara Roma monno ndiyo menge mbaptannaya. Paulus Lapnegheng wango Pemimpin Yahudi ³⁰ Ndimoko, enne loddo walinnya, karna aktakku pasukanno elbengo peghinni hadanna elhettopinjana penne pattanna Paulus mba tuduya ato Yahudi, ndiyo laphallayaka Paulus monno lappretehiki eh imam-imam katakku monno ngarrakehe Sanhendrin tanna amkaha, menge ndiyo elngandiya Paulus mburu monno pahdapanni el lapdunna ndiyo ngarrakehe.