Paulus Otinni Negara Makedonia monno Negara Yunani ¹ Mengeke enna ahberengo mbanna kballanga, Paulus lakwullondiki ngarrakehe eh muriconno, monno menge elwondi paghahi ndiyo ngarrakehe, ndiyo lakreyo mbali elbarada ndiyo monno otindi el Makedonia. ² Mengeke ndiyo mbanna nonekinni ngarrakehe enna wilayah ennonno monno elwondi pa apingngo, ndiyo eldukki el Yunani. ³ Monno, ennonno Paulus eldoyo amdenya 3 wulla. Ngarrakehe ato Yahudi apdaha lidboleto tutun gabbadanni enne mba bengngo otindi el Siria, ndiyo elwotohoyo tutu mbalija el Makedonia. ⁴ Paulus a olinni walli ella Sopater walli ella Berea, ananna Pirus, walli Aristarkhus monno Sekundus, walli ella Tesalonika, monno Gayus walli ella Derbe, monno Timotius, monno Tihikus monno Trofimus walli ella Asia. ⁵ Ndiyo ngarrakehe otindi ulindi monno tenggeren magagamma yamma ella Troas, ⁶ ndimoko yamma lahloko walli ella Filipi enna mbanna langanga Loddo Mbokollo enne Roti unnanna, monno yamma mbamndoyo emdennya 7 loddo. Lahmatanna Paulus ella Terakhirro el Kota Troas ⁷ Enna lodo ikhiana lodo padduna, en yamma tenggeren mbam kaha engnge tutunna ahmaghingngo roti, Paulus lapneghengngoko elbarada ndiyo ngarrakehe tanna otindi enna loddo pahdapadda, monno ndiyo pamlonni linnya lundulapa klorrohuda. ⁸ Enni el ndanga kwarru el pannuna, ebdomma yamma mbamkaha. ⁹ Monno, ennonno enni en pemuda el ngarango Eutikhus tenggeren mbanna loddona el jendela monno tenggeren manna mandurru hotunna. Menge, tenggeren Paulus lakrohika mbanna panegheng enna ndenya langtakka, ndiyo helwungongo mbanna manduru monno lakbuktu walli ella lahmene aktallu monno ahkottaya tenggeren mbanna mere tomati. ¹⁰ Ndimoko, Paulus elburru menge kogolloyo apoltonna elpannuna, monno eldopoya, monno lapnegheng, " Amwihoko enna ndewanna epanniki alara mopirronno elpoltonna." ¹¹ Eban ndeteng habaling Paulus, mengnge lahbaghingngo roti monno amuniki, ndiyo lapneghengoko elbarada enna waktunna lamdeya, ndukingngo mommollo. Mengeke taetu, ndiyo ellahlokoko. ¹² Ndiyo ngarrakehe angandiya a pemuda el mbaliya ella larra mopirronno monno elrahaya elterhibur. Ahlokonno Walli Ella Kota Troas laotu elkota Miletus ¹³ Ndimoko, menge mba otindi enna ulu elkapalla, yamma otindi el Asos en a bengngo ledekeya Paulus enna nonno monno kambu atinni henyonaka, ndiyo knehengngo a bengngo otindi ennonno wango haloko witi. ¹⁴ Monno, en ndiyo mbanna latobokogamma yamma el Asos, yamma ladekeya, menge otu el Metilene. ¹⁵ Menge mba otindi en nonno, yamma ndukinni enna lodonna el Khios. Enna lodowalinnya, yamma mam tukkaya Samos, monno enna lodonna yamma nduki el Miletus. ¹⁶ Mbanna, Paulus menge mban wotohoyo tutu otu el Efesus tanna ndiyo jahmengngeni enna waktunna el Asia en ndiyo mba bengngo malewer nduki el Yerusalem, ebhejonna, enna lodo Pentakosta. Paulus Lapnegheng elbarana Penatua Efesus ¹⁷ Walli ella Miletus, Palus laptumbungo toyo otinni el Efesus monno laptumbondi ngarrakehe penatua el jemaato emindi elbarana. ¹⁸ Monno, ndiyo garrakehe emindikki elbarana, ndiyo lapnegheng elbarada ndiyo ngarrakehe, " Yemmi kneheng elpeghin, pen wennaka yaya mbakku mopirro elbarammu enna loddanga, walli loddo ihana ebakku dekinni yiya Asia, ¹⁹ tenggeren bakku pahlokoya linnya Miorri walli ella lak lak etinggu, monno wango weimata, monno enne abkabannna mopir eb himbanggu walli ella pahmoletonno atodanga el Yahudi, ²⁰ penwennaka yaya mbakku tahanni apoltonggu tutunna bakku panukinni elbarammu ngarrakehe ap etu ebwango monno paknekunggu ella lahdapammu el umummu monno walli ella umma ndanga, ²¹ hetopinjanna wongngo kesaksian, ella barada atodanga Yahudi ato atodanga Yunani, tutunna amghilla elbarrana Maramba Allah monno patta atiwangoyo elbarana Miorinda yica, Yesus Kristus. ²² Monno hennenne, icebaka, enna aptannanna enne Ndewa Mbiha, yaya tenggeren ella lara lahlokunggu el Yerusalem, ebjakku peghinni payaka el ndadi elbaranggu ennonno, ²³ Ndiwalimokko enna Ndewa Mbiha el hakhiya hettopinjanna el kota ndanga elbaranggu mbanna elgallu monno enna kriya el menge lahmagangnga elbaragu. ²⁴ Ndimoko, yaya jakku pangadanni el mopirrunggu lapwalli ihi elpoltonggu ebhewanggu tanna kuhmengenni atuguhunggu monno pahlokogunni yaya ebhimbanggu walli Miorri Yesus, ndidoyaka tanna hakhiya hetopinjana tutunna en Injillo walli ella Maramba Allah. ²⁵ Monno hennenne, icebaka, yaya peghinni mbanna janna enni elbarammu, yaya elbarammu laklilinginni apdukinni enne kerajannonno, a iceya a rupanggu waddi. ²⁶ Ebhenyaka, yaya kuhakhiya elbarammu yiya loddona mbanna yaya janna hala enna ruttommu ngarrakehe. ²⁷ Ndimoko, yaya jakku tahanni apoltonggu tutunna apdukinni lin-Nya elbarrammu ngarrakehe enna ebkambu atinnya Maramba Allah. ²⁸ Daganni apoltommu kneheng monno ngarrakehe eh olenda, elpannuna Ndewa Mbihanna mengeke mbanna padadiya apoltommu tukongo dagangnga tanna daghihi eh jemaata Maramba Allah, el menge Ndiyo mbanna ngoleya enna rutta kneheng-Na ²⁹ Yaya peghinni mbakku otangga, ngarrakehe serigala ikullo a emindi elbarammu, janna manoworongngo eh olenne. ³⁰ Monno, walli elbarrammu yemmi kneheng el ndetongngo atodanga lapnegheng tutunna ngarrakehe paklenggeya tututinguya amuriconno walli ella ndiyo ngarrakehe. ³¹ Ebhenyonaka hennenne, danggawungoko, tenggere apiya enna ndinjor loddo monno ahudanna, amdennya 3 ndoyo, yaya jakku dukka mbakku apinggimmi yemmi ngarrakehe wango wemata. ³² Monno henenne, yaya pakrakinni yemmi elbarana Miori monno ella linnya Miorri el makanga pakedeghu yoyo monno awonggu warisanno walli ella baranna ngarrakehe atodanga pah mbiha. ³³ Yaya jakku mbengngo perak, ato emas, ato appagarrakhihi mbannanniki. ³⁴ Yemmi kneheng elpeghinni mbanna yiya alimma melayani ehperlunna monno ndiyo ngarrakehe olegundi. ³⁵ Elngarrakehe ap etu, yaya laphundonni elbaranggu mbanna paghili tonggoro mereke pattanna yiya, yica engdika mbata mbantuwunda el toh malli monno enne ap apingngo eb takkinna Miori Yesus, mbanna ndiyo kneheng ebtakinna, " Rehi Engge ati wongngo walli ella paphimba." ³⁶ Monno, en ndiyo menge mban takiya ngarrakehe ap etu, ndiyo elberlutut monno lahbango engendi ndiyo ngarrakehe. ³⁷ Mengeke, endi hekndangada ahoyo walli ella ndiyo ngarrakehe monno ndiyo ngarrakehe adopoko akokonna Paulus, monno a udokoyo, ³⁸ ndiyo ngarrakehe ak mbeb ati, el uluka walli el ebtakinna ndiyo monno ndiyo ja iceya a rupanna. Mengeke, ndiyo a olenni Paulus otu el kapalla.