Paulus el Kota Efesus ¹ Enne yiya eldadi, tenggeren Apolos enni el Korintus, Paulus el langani enna kalbatu ndolo monno lundulapa el Efesus. Ennonno, ndiyo eldukinni ahwadinkongo ehmuriconno. ² Paulus lapnegheng elbarada ndiyo ngarrakehe, " Payaka yemmi himbaya Ndewa Mbihana enne yemmi menge ebwani ? " Ndiyo awolohoyo, Indihennya, monno yamma jamma perna mbam rongoyo enni Ndewa Mbiha." ³ Menge, Paulus lapnegheng, " El dodolonno payaka, ahmurinnya, yemmi ab ihogimmi?" Awolohoyo ndiyo, " Edodolon ab ihona Yohanes. " ⁴ Paulus lapneghen, " Yohanes lap ihohiki wangi web iho lamghilla, menge lapdukinni atodanga tanna el wani elbarana lahtoyo el emini menge ndiyo, ndidoyaka Yesus." ⁵ Mengeke ndiyo ngarrakehe mba rongoyo tutunna yiya, ndiyo ngarrakehe ab ihohi elbar ngarana Miorri Yesus. ⁶ Ahmurinnya, tenggeren Paulus mbanna menge kombokongngo limana eltakkuda ndiyo, Ndewa Mbihana eminni el pannuda ndiyo, menge ndiyo akwungoni atakki enne apnegheng monno apdahaka. ⁷ Ndiyo ngarrakehe adangada henyaka hakbullu nduda atoyo kabani. ⁸ Moko, Paulus eltamaka el umma mbiha monno atakkiyaka wango brumbuk enne amdennya tallu wulla, tenggeren mba tukorongngo pangada monno wondi paghahi eldiyo tutunna Kerajaannonno Maramba Allah. ⁹ Ndimokko, enne pirraya atoyo laptonggorohi eh atija monno jahimbaya ati waja, tenggeren mbatakkiya tutunna el indaha tutunna Alarra enne lahdapanna atodanga, Paulus lamdalinni ndiyo ngarrakehe monno el lekihi eh muriconno otindi, tenggeren mba pahelung pangadanga ndeloko-ndelokonno ellah lahkolo Tiranus. ¹⁰ Tutunna yiya engena mbanna haloko enna mandennya duyo doyo hennyaka ngarrakehe atodanga el doyo el Asia arongoyo linnya Miorri, enne todanga Yahudi ato atodanga Yunani. Eh ananna Skewa ¹¹ Maramba laplakuya eldanga Mujizato enne pamngoroho ndengengoyo walli ella limana Paulus, ¹² enna hapu limmana ato celemek elperna tondoyo klunlana Paulus elngandiya elbarada tohadu, mokko enna haduda ndiyo ngarrakehe el mohengoko monno ndewa indahada lohoko walli el ndiyo. ¹³ Nimoko, enne pirracoyo tophoko marapu Yahudi ellahloko klilinngindi elusaha takkiya ngarana Miorri Yesus elbarada atodanga papghenne ndewa indaha tenggero mbanna takki, " Yaya kuhorunggu yemmi elngarana Yesus papdukinnya Paulus!" ¹⁴ Pituya anna kabanina Skewa, lahtoyo imam bokollo Yahudi, ellaplakuya. ¹⁵ Ndimoko, ndewa indaha elwolohoyo monno eltakiya elbarada ndiyo, " Yaya kudammani monno kupeghenni tutunna Paulus, ndika garranggu yoyo?" ¹⁶ Menge, atoyo ella paptamangngo ndewa indaha laklohokok elbarada ndiyo, monno ellak kwuahahiki ngarrakehe ndiyo, monno lapkalahiki ndiyo ngarrakehe monno nebhenya ndiyo mbanna palayo poltonna walli ella umma netu walli ella laklolonno monno lamnugha. ¹⁷ Tutuanna yiya elpeghenni ngarrakehe atodanga el Efesus, atodanga Yahudi ato atodanga Yunani. Monno, ndiyo ngarrakehe akbohika monno elngaranna Miorri Yesus engene mba pamlanguya. ¹⁸ Adanga walli ella barrada ndiyo eldadi wanni engdiyo mba emindi, tenggeren mbawani monno abdukinni ngarrakehe papghilija ndiyo ngarrakehe. ¹⁹ Menge, ndanga walli el ndiyo aperna mbaplakuya asihir, akahahi en huroto ndangada ndiyo monno atunnihi lahdapadda atodanga. Monno, ndiyo ngarrakehe abaghihi awallida eh huroto ndukingo 50.000 kdiduk peraka. ²⁰ Menge, linnya Miorri engenna mbanna mbukullo monno lakwuahaya. Paulus mbanna rencananni Enna ahlokonno ²¹ Mengeke ngarkehe ap etu, eldolonno Ndewa, Paulus el mbengngo otinni el Yerusalem menge ndiyo mbanna langani Makedonia monno Akhaya, monno lapneghen, " Mengeke yaya eb engga anonno, yaya el iceya Roma." ²² Monno, mengeke mbap ptumbondi eh toduyo a otindi melayani el Makedonia, ndidohiki Timotius monno Erastus, ndiyo kneheng a ndoyo pirraya alodo el Asia. Demetrius Laphundoni Pahmereng Engngengoyo el kota Efesus ²³ Enna lodonno, ennonno eldadi ahmerengngo el janna katappa ellara. ²⁴ Ndika, enni atoyo el ngarrango Demetrius, lahtoyo top ndaha perak, ellapdaha kuil-kuil perak Dewi Artemis, el wongngo padongolewongoyo eljanna hodipiya eltukongo. ²⁵ Eh tukongo en amkaha engendi eh topghilli ella bidangado elmere monno apnegheng, " Ndungkambu ngarrakehe, yemmi peghinni mbanna ndahana yica walli ennya ella perusahanno yiya. ²⁶ Menge, yemmi iceya monno rongoya mbanna, indiwani el Efesus ndimoko ngarrakehe ella Asia, Paulus mengeke mbanna paghahi monno lapdaha ngarrakehe atodanga lakwaliko monno atakiya allah papdahanna atopiya indiwalli ennya lam Maramba Allah. ²⁷ Henenne yiya elbahaya indi hemonoko enna usahanna yica mbanna kabuttuku walli ella inkriya, ndimoko weddi Dewi Artemis ella agungngo janna hodipiya patta mbaghinnya, monno ndiyo, ella sembah ngarrakehe Asia monno a pannu tana, elmuehengngo a ndahanna." ²⁸ Ndika ndiyo ngarrakehe arongoya atutunna, ndiyo ngarrakehe hekbanija monno akyokongngoko, " Mbokollo Artemis, dewi atoyo Efesus!" ²⁹ Mengeke, a kota a bannuhiki haberengngo monno ndiyo ngarrakehe amlewerro otindi marengnge el umma kesenian tenggeren mba tinguya Gayus monno Aristarkhus, ato Makedonia el ndidoyaka olkede halokonna Paulus. ³⁰ Ndimoko, enne Paulus elbengo otinni el tamma ellap ndunna atodanga, ngarrakehe eh muriconno jap pahallahiki. ³¹ Monno, eh pirracoyo tobokollo Asia el olkedenna apngandini liya elbarana pandabalinni mbanna takkiya elbaranna tanna janna pakrakinni apoltonna elumma kesenianno. ³² Mokko, enna ahwadikongngo akyokongngoko tutunna hodi wali ella lahwadikongngo, mbanna amkahada el enni dolonno ahberengngo monno ahwadikongngo walli ella ndiyo japeghinni payaka enna alasannonno ndiyo pamkahawada. ³³ Enna akwadikongngo atodanga apahwunniki Aleksander monno atodanga Yahudi menge mba tundorin elahdapanna, monno Aleksander el wongngo tandanna wango limmana, ndiyo abengngo olenni lahdapanna atodanga. ³⁴ Ndimoko, ndiyo ngarrakehe apeghinni mbanna Aleksander ndidoyaka ato Yahudi, enna amdennya dubuya enna jammu, ndiyo ngarrakehe akyokongok pahwunga lija, " Mbokolloko Artemis dewi atoyo Efesus!" ³⁵ Mengeke Panitera Kota mbanna pakdannahi atodanga, ndiyo lapnegheng, " Hai ngarrakehe atodanga Efesus, garraniki atoyo elpeghinni el walli ella Kota Efesus ndidoyaka elkadiya kuil Dewi Artemis el agung monno el burru walli lakramba ? ³⁶ Ndika, ngarrakehe ap etu janna ndadi indi gabbani. ³⁷ Ndimoko, yemmi menge abngandihi atodanga el emindi yiya, el janna krebe kuil ato el ollokoyo a dewinja yica. ³⁸ Ebdimoko, eb Demetrius monno eh tukongo amrengnge engenni elmenge klanlun elbarana lahtoyo, abungkereka enna pengadilanno monno prokonsul. pawalindiki ndiyo ngarrakehe mba gabbani enne lahtoyo. ³⁹ Ndimoko, en yemmi eb bengo ngarrakehe ap etu, el dadi pahmengengo eldolonno enna prehe walli ella hukummonno. ⁴⁰ Ndimoko, yica el endi elbahaya tutunna mbapdonnanni enna habereng yiya loddono el jango oronna eb hewana tutunna enne ahberengngo." ⁴¹ Mengeke ndiyo mbatakkiya tutunna yiya, ndiyo pakballaniki enna akwongija atodanga.