¹ Ji̧yȩnö̧ mo̧ro̧ päi'omenä Debora'inä ja̧hua̧ta̧'a̧nö̧ Abinoam i̧tti̧ Barac'i̧nä̧ pi̧yȩ ra̧huä̧huä̧ ra̧'i̧nä̧tö̧: ² Oicuä ttö̧ja̧ Israel rȩjȩttö̧ ruhuo kä̧mä̧dö̧ huettomenä, ttö̧ja̧'i̧nä̧ jitötä amucuädö curära'a ti̧'cha̧ pättäjä'attö, ujutumä TÖ̧Ä̧NÄ̧HUA̧RÖ̧TÄ̧ adihua'a pä'ö esehuätöjä. ³ Ruhuo hue'ätö, ä̧ju̧cuä̧tu̧cui̧ ¡oicuä ttö̧ja̧, adiunä ä̧ju̧cuä̧tu̧cui̧! ra̧dä̧cua̧ju̧sä̧ ttömä TÖ̧Ä̧NÄ̧HUA̧RÖ̧; adihua'a pä'ö eseu ra̧dä̧cua̧ju̧sä̧ TÖ̧Ä̧NÄ̧HUA̧RÖ̧, Israel ttö̧ja̧ TTÖ̧Ä̧NÄ̧HUA̧ Diosrö. ⁴ ucu TÖ̧Ä̧NÄ̧HUA̧, Seirtö räcuopomenä, Edomttö̧ rä'opö cui'chomenä, rȩjȩmä̧ tti̧ȩpi̧na̧'a̧, ja̧hua̧ta̧'a̧nö̧ mo̧ro̧ji̧yä̧'i̧nä̧ tti̧ȩpi̧na̧'a̧; ajiya isoppattö'inä ajiya 'chȩnö̧ ichina'a. ⁵ Mö̧ä̧'quiyumä TÖ̧Ä̧NÄ̧HUA̧ to̧ä̧ro̧mȩttö̧ tti̧ȩpi̧na̧'a̧; Sinai mö̧ä̧'ca'inä TÖ̧Ä̧NÄ̧HUA̧ Israel ttö̧ja̧ TÖ̧Ä̧NÄ̧HUA̧ Dios tö̧ä̧ro̧mȩttö̧ tti̧ȩpi̧na̧'a̧. ⁶ (Anal i̧tti̧) Samgar ö̧ji̧nö̧ pä̧nä̧mä̧, ja̧hua̧ta̧'a̧nö̧ Jael kö̧ji̧nö̧ pä̧nä̧'i̧nä̧, jinä isocu mä̧ni̧yä̧nä̧mä̧ cue'ächocotö pi̧nä̧tö̧, ja̧u̧ mä̧ni̧yä̧nä̧ cue'ächinätömä ppo̧ö̧ mä̧ni̧yä̧nä̧tä̧ hui̧sä̧tö̧ cue'ächinätö̧. ⁷ Israelnä su̧ro̧da̧u̧mä̧ a̧'u̧cuo̧tö̧tä̧ ji̧na̧'a̧, ja̧hua̧nö̧ jo̧mȩttö̧ ttö Deboramä, odipa pä'ö pätecuächina̧'a̧ Israel ttö̧ja̧ tta̧ju̧ jö̧nä̧ odipa pä'ö. ⁸ Jarepätö yapare ttö̧ä̧nä̧huo̧tö̧rö̧ ttesetomenä, Curä ki̧na̧'a̧ ötahuiyära'a doächäcuähuomettö̧ ja̧hua̧nö̧ ja̧'a̧nä̧ rohuäu ttoecuäräcuähuäbi'inä dacuodiyä'inä jui'inätö̧ cuarentamilnö huotö Israel ttö̧ja̧ttö̧mä. ⁹ Chami'iso'qui esehua'a Israel ttö̧ja̧ tturuhuotörö; jitötä a̧möcuädäcuäu iyäcuähuinätu̧cu̧ ujutumä jahuätörö TÖ̧Ä̧NÄ̧HUA̧ i̧mi̧nä̧ adiunätä̧ 'cuäopatöja̧ pä'ätöjä̧. ¹⁰ Pi̧yȩ a̧mu̧cuädi - ucu burötö̧ te'ätönä ttu̧huä̧mä̧da̧ pä'ö i̧sä̧ta̧ huȩnä̧huo̧tö̧nä̧ä̧ huö̧mä̧, ja̧hua̧ta̧'a̧nö̧ ucu juhuä̧mä̧nä̧tä̧ cue'ächömä̧ ¹¹ Jitö äjicuäcuähuotö ttahuo'ta ko̧mȩ ka̧cuä̧tö̧ ra̧tta̧'a̧ ra̧mi̧pa̧'a̧ ä̧ju̧cui̧. Juhuorumä̧ pä'äjita'anu TTÖ̧Ä̧NÄ̧HUA̧ aditähuä jueöjähuä inä ja̧'hua̧ta̧'a̧nö̧ Israel ttö̧ja̧ttö̧ su̧ro̧da̧u̧ jueöjähuä jettö'inä ji'ähuätö,. Ja̧'hua̧nö̧ ja̧'a̧ TÖ̧Ä̧NÄ̧HUA̧ umuhuäyotömä ötahuiyä apate ä'cacu mȩyȩhui̧nä̧tö̧. ¹² Ja̧hua̧nö̧ ja̧'a̧nä̧, Debora ¡porächi'i, porächi'i ji̧yȩtȩ ra̧huä̧huä̧ ra̧hua̧! porächi'i, poröchi'i Barac, ö̧rö̧mi̧'i̧ chuädö rötähuotöttömä ucu Abinoam i̧tti̧mä̧. ¹³ Ja̧hua̧nö̧ ja̧'a̧nö̧ tatteoca'a 'chinätö ru̧hua̧ ö̧jo̧mȩcu̧; TU̧RU̧HUA̧ Dios ötahuiyä ttö̧ja̧ curä rohuäcuähuä isotö ichätö ttörö. ¹⁴ Amalecnä ka̧cui̧nä̧ttö̧mä̧ ichinätö̧ Efrainra̧'a̧cu̧ ja̧hua̧ta̧'a̧nö̧ Benjamin sotö'inä tti̧chi̧nä̧cu̧jä̧. Marquirttö mȩyȩhui̧nä̧tö̧ curä turuhuotucu ja̧hua̧ta̧'a̧nö̧ Zabulón sotö'inä ji̧na̧'a̧, jahuätömä hue'ädinötö̧ ruhuo hueö oicuo̧'quȩ. ¹⁵ Ja̧'hua̧ta̧nö̧ churuhuotö Isacar uruhuotömä Deboracu ka̧cui̧nä̧tö̧. Isacartä Baracu ki̧nö̧, o'ca'anä 'chö jautä huea'anö pä̧mä̧roppa päia'acu Ruben ahuaruhuä o'cotöttö rohuähuinätö̧ ji̧yȩtȩ amucuädö. ¹⁶ ¿Dä̧bö̧ ocurärätä cu̧'a̧tu̧cua̧'a̧ jä̧ttö̧ isotö tti̧huȩnȩ ä̧ju̧cuä̧rö̧tä̧mä̧? ja̧'hua̧ta̧nö̧ Ruben ahuaruhuämä rö̧ä̧nä̧ ucuocuätö ji̧yȩtȩnä̧tä̧ amöcuädö tti̧cha̧ pä'ö. ¹⁷ ¿Galaad'inä ki̧'i̧pi̧nö̧ Jordan aje ji̧jä̧nä̧, ja̧hua̧ta̧'a̧nö̧ Danmä dä̧bu̧ a̧'cua̧tta̧nö̧ kä̧nö̧ amöcuädättö huoi'quiyu äyättömä? Asertä ji̧na̧'a̧ ki̧nö̧mä̧ jäyotö ja̧'hua̧ta̧'a̧nö̧ ja̧u̧mä̧ ki̧nö̧ huoi'quiyu rä̧mä̧do̧mȩ tö'cö. ¹⁸ Zabulón ahuaruhuä o'cotöttömä yecuoca'a rahuäcuahuä isotö ji̧na̧'a̧ curättö tottepome jöbu. Ja̧hua̧ta̧'a̧nö̧ Neftali'inä ja̧hua̧nö̧tä̧ huinö curä ttörohuähuomettömä. ¹⁹ Rȩbȩhui̧nä̧tö̧ ruhuo hueätö'inä, rohuähuinätö̧; ja̧hua̧ta̧'a̧nö̧ Canaaán ruhuo hueätömä rohuähuinätö̧ Taanacttö Meguido ajei̧sä̧ra̧ tö'cöttö. Ja̧hua̧'a̧nö̧ ja̧'a̧nä̧ yautecutä pärätä mihuäu huäimä ȩpo̧co̧tö̧pi̧nä̧tö̧. ²⁰ Mo̧ro̧jä̧ si̧ri̧'co̧tö̧i̧nä̧ kä̧mä̧dö̧ rohuähuinätö̧ ja̧hua̧tä̧nö̧'i̧nä̧, mä̧nä̧hui̧yä̧nä̧ 'chä̧nö̧ rohuähuinatö̧ Sisaracumä. ²¹ Cisón ajemä juatädi'ina̧'a̧, täbocutä päi'önä rinotomä Cisón ja̧'a̧. Cha̧cua̧ru̧mä̧ yabocutä ujurucu 'cha̧'a̧. ²² Ja̧'hua̧nä̧ ja̧'a̧ caballotö̧ ttöcähuiyä otta rä̧mi̧pi̧na̧'a̧ jotta'a pä̧i̧cu̧nä̧ jotta'a. ²³ TU̧RU̧HUA̧ huȩä̧hua̧ isoppa hua̧ ¡Merorö ro̧ȩpö̧ pä'inö! !juä̧nȩ ka̧cui̧nä̧tö̧rö̧mä̧ jueinätä̧ ro̧ȩpö̧sä̧! tta̧'a̧nö̧ pä'ö jitömä TU̧RU̧HUA̧ ppadatö pä'ömä tti̧'chi̧o̧ca̧'a̧ttö̧ TU̧RU̧HUA̧ ppada pä'ö curä pätecuä rohuäu jueuhuätucu. ²⁴ Jaelmä korotö nä̧tö̧ttö̧'i̧nä̧ abonänö ppä'ädäcuähuajutä käcuajä, (Quenita ttö̧ja̧'i̧sa̧ Heber irecua) Jaelmä Jahuäjumä nä̧tö̧ isodenä kä̧tö̧ttö̧'i̧nä̧ abonänö ppä'ädäcuähuoju käcuaju. ²⁵ Sisaramä ajiya jä'epinö, ja̧hua̧nö̧ ja̧'a̧ i̧sa̧ atateja kiyinäcu̧; ruhuotö ttö̧sä̧rä̧bi̧yä̧nä̧ isähuatä ki'cächiyinäcu. ²⁶ Jahuäjumä koju'isode ti̧ä̧dä̧cuä̧huä̧'cä̧ 'chu'ädö ja̧hua̧ta̧'a̧nö̧ ku̧huo̧jua̧'a̧nä̧ ku̧mö̧nä̧mä̧ aditö pȩä̧huä̧yu̧nä̧ huäyu peähuäyunä Sisara uyu nä̧'i̧ö̧nä̧ pȩo̧pi̧nä̧ju̧. Jahuäjumä uyu isätta'inä parähuiö diäunä pȩ'o̧pi̧nä̧ju̧ i'eraranä pȩjo̧po̧mȩnä̧mä̧. ²⁷ Ja̧u̧mä̧ na̧'a̧chi̧pi̧nö̧ ö̧jä̧pi̧jä̧cu̧ ttuhuacuächö juenetä tecäcänö mainö. Juȩnȩ na̧huä̧chi̧pä̧ jo̧mȩntä̧ juruhuäi 'corupäi'inö. ²⁸ Sisara a̧ju̧mä̧ ventananä pȩra̧cu̧ topinäju ventanäcä 'cä̧tȩ jo̧mȩnä̧ ri̧ȩnä̧ ka̧'cua̧tta̧nö̧ ju̧nö̧ topö huopinäju̧ pȩi̧cu̧nä̧ ¿tta̧'a̧nö̧ pä'ö juruhuoca'a icha'attö carucämä? ¿tta̧'a̧nö̧ pä'ö cabayuttö ttöcähuiyä ottä duduä cuäcua'amä carucä u̧jä̧pu̧ o'camä juruhuoca'a icha'attö̧? ²⁹ Nä̧tu̧ mö̧ä̧yotö huojuecunä huotumä ädätinätö̧, ja̧'hua̧ta̧'a̧nö̧ yajutä'inä pättäjitä ppa̧'a̧di̧pä̧ pä'inäju̧: ³⁰ ¿Jahuätumä po̧cui̧pö̧ 'chottipäji iyä'chäcuähuätucö̧? ¿yajuterötäcö̧, ta̧ju̧ pö̧nä̧cö̧ u̧mä̧tö̧ yotucunärömä? ¿pö̧ja̧ta̧ 'cu̧cuȩ'cuö̧tä̧ chottipäjä̧ta̧mä̧ Sisararö iyätöcö̧ pö̧jä̧ta̧ 'cu̧cuȩcuä̧ta̧ ja̧'hua̧ta̧'a̧nö̧ jäyänö 'tö̧ä̧huä̧ o̧ta̧mä̧, po̧jä̧ta̧ 'cu̧cuȩcuä̧ta̧ ja̧'ahua̧ta̧'a̧nö̧ ttu̧ru̧pä̧'quȩ jo̧mȩ jäyänä 'tö̧ä̧nä̧huä̧ta̧ jitö 'cho'ipätörö iyätö̧cä̧? ³¹ Ja̧'hua̧nö̧ ja̧'a̧nä̧ o'catoinä cuaboyotömä 'coröjuottächäcuotö; ¡TU̧RU̧HUA̧! ja̧hua̧nö̧ ja̧'a̧nä̧ ucu cuahuäruhuämä mprp ka̧huä̧ jörucu ttäcuotö ttujuru chahuacha'attö. Ja̧hua̧nö̧ ja̧'a̧nä̧ ja̧huä̧jä̧ rȩjȩnä̧ huȩnȩ juiyina'a cuarenta a̧'ȩ jo̧mȩnä̧.