¹ Icatsa naferrinaipemi ipaneta iapiyawanaica njaji idialri noinai Babilonia lricjoite, Artajerjes caojli pia talricanaati. ² ,Finees, Gersón inacjoite perri. Itama, Daniel inacjoite perri. David, Hatús inacjoite perri, ³ Secania inacjoite perri pia, Paros inacjoite perri pia; njite Zacaria iinai nadanaacawa ciento cincoenta atsianai naniweetaji paperra lrico, coanca nánoca nacoanjecanai nacjoite. ⁴ Pahat njite Moab inacjoite perri: Elionai, Zeraia irri. Nadanaaca lriinai dociento atsianai. ⁵ Secania inacjoite perri: Ben Jahaziel. Nadanaaca lriinai treciento atsianai. ⁶ Adin inacjoite perri: Ebed, Jonatán irri. Nadanaaca lriinai cincoenta atsianai. ⁷ Elam inacjoite perri: Jesaia, Atalia irri. Nadanaaca lriinai setenta atsianai. ⁸ Sefatia inacjoite perri: Zebedia, Micael irri. Nadanaaca lriinai ochenta atsianai. ⁹ Joab inacjoite perri: Jobadia, Jehiel irri. Nadanaaca lriinai dociento dieciocho atsianai. ¹⁰ Salomit inacjoite perri: Josifias irri. Nadanaaca lriinai ciento sesenta atsianai. ¹¹ Bebai inacjoite perri: Zacaria, Bebai irri. adanaaca lriinai ventiocho atsianai. ¹² Zgad inacjoite perri: Johanan, Hacatan irri. nadanaaca lriinai ciento die atsianai. ¹³ Njite njaji Adonicam inacjoite perri inolri njapodamjite, icatsa neepitanaca njaji : Elifelet, Jetiel, njite Semaia; ino nainai sesenta atsianai. ¹⁴ Bigvai inacjoite perri: Utai njite Zabud. Nadanaaca nainai sesenta atsianai. ¹⁵ Njite Esdras icaite: ''Nowakeeta njaji inaiki idiacapewa lri ricodapi jliaji onipao iacadawa Ahava icjaolre, waofaa niini madalridaa jalredaoca. Nowapa nocapa matsia njaji inaiki aimdan, njite njaji sacerdotenai tsacja, mitsa corri nocapa nainai Leví inacjoite perri. ¹⁶ Niini nonaa naaca naoma norso Eliezer, Semaia, Elnatán, Jarib, Elnatán, Natán, Zacaria njite Mesulam, icatsa napiyawanaica njaji, njite nonaa tsacja naomaca norso Joarib njite Natán, icatsa njaji icanantacapecana. ¹⁷ Njité nomeenaca Iddo icjaolre, naapiyawalre njaji iofaacape Casifia lrico. Nonaa nacaiteca Iddo irso, narso tsacja njaji lrikitsiñape, njaji idenjicape Dio iipana lrico iofaacape Casifia lrico, lrimeenacá carro norso iáa caopeo idenji Dio iipana lrico. ¹⁸ Matsiadalri capoa wainai jliaji wa Diote niini nameenaca waicjaolre ape atsia lriipitana Serebia, pada atsia cayecja dalri iwaopiaca. Mahli inacjoite dalrican, Leví irri, Jacob irri. Lridee lrinaiwa nja lrienipe njite lriweenaipe, dieciocho namaimaca. ¹⁹ Nano tsacja lriinai Hasabia, Jesaia tsacja, pada nanacjoite njaji Merari ienipe, nano lriinai njaji lriweenaipe neenipe fie, vente atsianai pjiomi namaimaca. ²⁰ Nanacjoite njaji nacadaji idenjicalreo Dio iipana lrico, njaji David njite njaji caconaaperri lrirso icadaji ikitsindatacaope njaji Levitanai: dociento vente namaimaca, naniweta nacoana neepitana naco. ²¹ Njité dalri, nonaa waitacao lricodapi jliaji onipao Ahava wacaité carro corri catsa cocaca faa Dio ipeyajle, watatjá carro Lriinai lriwapá carro faa nainai njaji wenipe njite pjiomi njaji wa naani perre. ²² Capaimanca njoa talricanaati icjoete notatjá carrontja lriinai aima tsolrodaonai, o njaji ianjicape caballo naco nawapá carrontja faa wacaayao inipolrico wacoema ioya, ima nocaite piaca lrirso jliaji talricanaati: ''Dio watsa iwapaca njaji iomacapeni nanaitja carro matsia lrirso, mitsa lrírroa cjaidá dalri jiwacaotsa nanaco njaji imawadacacape lrioya.'' ²³ Niini waitacao watatjá carro lriinai caiwi ricotsa lriwapá carro fa feponda ioya. ²⁴ Niini noniwanaca doce atsianai nanacjoite njaji sacerdotenai caconaaperri; Serabia, Hasabia, njite die pja naweenai nacjoite. ²⁵ Nocadaa nja carro ianjíi nanaco nja palraata, owirro, inaaniti dape, ofrenda Dio iipana icaoya, talricanaati icadaji naapiya njaji caconaperri lrirsope, njite njaji iraelitanai nacaolre ricjoite Dio iipana icaoya. ²⁶ Niini njomiñata noá carro narso venti ono mil coatrociento cincoenta kilo palraatape, tre mil treciento kilo tsacja palraata nanacjoite njaji inaaniti dape palrataitape nanaitjaji, tre mil treciento kilo tsacja owirro, ²⁷ vente taza owirroapipe ocho kilo njamiñaca pjiomi, njite yamaapi ponchera bronceapipe, naketitanda matsia , owirro shotsa pacapaca narso. ²⁸ Njite noaco narso: ''Jienitaaca capeca Dio irso jia, cayo tsacja njaji inaniti dape. Njite njaji palraata, owirro tsacja, paana ofrenda ofrenda badaaji nacaolre ricjoite wa Minalri irso, na Diote njaji iferrinaipemi. ²⁹ Iwapaotsa, imatsieta matsiana a kjerreca ijamiñataotsa napeyajle njaji sacerdotenai caconaaperri, Levitanai, njite napeyajle njaji iferrinaipemi iipaneta iapiyawanai Iraelnai Jerosalén lrico, ijamiñataotsana Dio iipana lrico ipamoyoaca. ³⁰ Njaji sacerdotenai njite njaji Levitanai njepa nacjoete njaji owirro, palraata tsacja njemiñatanda napeyajle njite njaji inaaniti dape nadee carrona Jerosalén ricojle, wa Diote iipana lricojle. ³¹ Ikeena wanoca onipao Ahava lricjoite die jalredaoca naco pawalria inita carropi naco, waa carroena Jerosalén lricojle. Njite wainai catsa wa Diote; Jliatsa iwapa faa fepondape ioya njite naoya njaji kañaite perri ioya inipolrico. ³² Njite waoca feewao Jerosalén lrico, njite waofaa niini madalridaa jalredaoca. ³³ Njite coatro jalredaoca naco famiñata njan palraata, owirro njite njaji inaaniti dape Dio iipana lrico, njite waana sacerdote Meremot irso, sacerdote Uría irri. Lrinai tsacja Eleazar, Finees irri; Josabad tsacja, Jesúa irri; njite Noadia tsacja, Binui irri Levita. ³⁴ Waniweeta njaji femiñataji pjiomi; njite wadána paperra lrico pjiomi njemiñaca. ³⁵ Njaji idialriwa, nanacjoite njaji nadeji pada jiipai nacojle, namjaita maaficalri na Diote irso njaji Iraelnai: doce vaaca pamoyoanipe neepitana icoam njaji Iraelnai, noventa sei carnero, setenta siete cordero njite doce cabra atsiana namatsicana icjaote. Namjaita pjiomi njaji maaficalri wa Minalri irso. ³⁶ Njite waa narso njaji caconaperri idenjicape talricanaati irso, narso tsacja njaji gobernadornai Ooni Eufrate pemajle perri jliaji paperra talricanaati Atarjerjes imeenacaji narso coanca lricaiteca narso, njite nakitsindata njaji Iraelitanai njite nanaitjá carro tsacja Dio iipana.