¹ जो सुरवाती पासुन आथो तो आमा डोवाकी जो वेलो हाय आन जो आमा आथुकी आथलुलो हाय त्या जीवना बदल आमा आखतेहे. ² तो जीवन आमान प्रगट वेयो हो आमाय तो वेलो हाय तीया बदल आमा हाल देतेहे आत आमा त्या सार्वकालीक जीवना बदल तुम्हान आखी रीये हे. ³ आमाय जो वेयो हो आत जो उुनाय हा तो आमा तुमान आखी रीये हे ईया वाटो का तुमा बी आमा आरी सहभागीता रा जोजे आमा सहभागिता देवपिता आन तीया पोयरो येशु ख्रिस्ता ईया आरी हाय.

⁴ तुमा आन आमा आनंद पुर्ण वेरा जोजे तीयाल आमा या गोठ्या तुमान आखते हे. ⁵ जो संदेश आमा तीयापेने ऊनाले हाय तोच आमा तुमान आखी रीये हे, देव उजवाडो हा आन तीया मोनाम थोडोबी आंधांरो नाहा. ⁶ जर आमा आखी रीये का आमा देवा आरी सहभागिता हाय पेन पापा आधांराम आमा जीवतेहे ता आमा खोटो गोगी रीयेहे आन आमा खेराल मानते नाहा. ⁷ पेन जेहकी तो उजवाडाम हाय तेहेकी जर आपु उजवाडाम चालु ता आपु एकमेका आरी सहभागिता हाय आन तीया पोयरो येशु ईया रक्तो आपुन आखा पापा पासुन शुध्द केहे. ⁸ तर आमा ऐहेकी आखते का आमा वोच्चे केललोज पाप नाहा ता आमु सोताला ठोगावताहा आन आपु वोच्चे खेरा नाहा. ⁹ जर आपु सोताहा पाप मानी लेताहा ता तो विश्वासी आन न्यायी हाय तीयाल आपु पापाहा क्षमा की आन आपुल आखा गोठीही पासुन शुद्ध की, ¹⁰ जर आपु आखता का आमाय पाप केलो नाहा ता आमु तीया हुंबूर खोटो ठरतेहे आन तीया वचन आमामोनाम नाहा हाय.