1
Kia bedeu heka Anrafel, Sinar IòIò my raremyhỹ, Arioque, Elasar Iòlò my raremyhỹ, Quedorlaomer, Elaõ IòIò my raremyhỹ, kia Tidal, Goim Iòlò my raremyhỹ.
2
Kaa Iòlò inaubiòwa boho heka rawounyrenyre iwitxira Iòlò mahãdureny òludumy: Bera Sodoma ludu; kia Birsa Komora ludu; Sinabe, Adma ludu; Someber, Zeboim ludu; kia Iòlò Bela òludumy, kia hãwã Zoar my raninimy raremyhỹ tule.
3
Kaa iruyre Iòlò boho heka tasodadureny ributunyrenyre Sidim-di, ibedeki Bero nihikỹ Rubuna roimyhỹre bedeki.
4
Quedorlaomer Iòlò rimyrenymy idireny raremyhỹ, waòinatxi wyramy, ka waò inataõ wyra bedeu tii boho reburerenyre iòludurenymy.
5
Waòinaubiòwa wyrau Quedorlaomer taijoi mahãdureny wana rihurenyre refains mahãdureny, Asterote Camaim ki, Zuzins mahãdu Hã ki, emins mahãdu Save-Quiriataim ki,
6
horeus mahãdu Edom hãwãlòki, kia iheworenymy roire El Parãòhòkỹle, ibedeki bederahy ròrarunymyhỹre bede ki.
7
Irahudita ròòserenyre Gades bedeòhòkỹle, kia juhu bedeu raninimy raremyhỹ En Mispate my. Tii boho amalequitas su rihãtehãterenyre, kia amorreus rihurenyre, kia Hazazaõ Tamara ki rahãwanymy roiremyhỹu wahe.
8
Taita Sodoma, Komora, Adm’a, Zeboim, Bela, Iòlòreny ròhònyrenyre tasodadu mahãdureny-di Sidi vale-ò, kia resurenykremy
9
EIaõ Iòlò, Goim Iòlò, Sinar Iòlò kia Elasar Iòlò òludumy resurenykremy. kia inaubiòwa Iòlò sõe, kia iruyre Iòlò òludu sõemy.
10
Kiaremy heka Sidi vale bedeki sõemy hãluu ijõdire kia (piche) tuu rahonymyhỹre; kia wou ribi rexiwòrenykremy ixidi risỹiìyrenyreu, Iòlò Sodoma kia Iòlò Komora rariòwyrenyre kaa hãluurorenytxi. Kia ijõ mahãdu Iòlò tahe rexiwòrenyre hãwãlò-ò.
11
Kia Inaubiòwa Iòlò ibutumy rimyrenyre rỹsỹna kia aõnaõnawiwihikỹ kia Sodomamy rỹimyhỹre kia Gomorramy rỹimyhỹre.
12
Kia Lòò, Abraõ exi riòre Sodomaki raremyhỹ kia iurenana radylere brejudu wesemy. Kia riwylerenyre aõbo ihõrõre.
13
Kia hãbuõ tahe rahenyre kia rare ibutumy Abraõ-ò relyykremy, kia hebreu rahãwanymy raremyhỹ bederade brebunaki kia Manre bede rare, amorreu bede rare. Manre kia iseriòre boho Escol kia Aner ka boho heka Abraõ biòwareny roire.
14
Kia Abraõ bede rieryreu kia iexi riòre radyremy brejudu wesemy, kia ributunyre tabiòwa hãbu mahãdureny raeryanymy rỹimyhỹrenyre woudumy, kia ibutumy tii boho ihetokile ruarenyre. Kia 318 my butumy sõereny. Abraõ iherenymy ralere, kia inaubiòwa IòIò hewomy ròirenyre Dã hãwãòhòkỹle.
15
Ibedeki Abraõ taijoi riwirareare inatxi ijoimy, kia rumy taòludumy rihetenyrenyre kia rahurenyre. Tii ixybyle ramyhỹre iheworenymy Hoba hãwãòhòkỹle, kia Damasy ibràki roimyhỹre,
16
kia ibutumy ixybyle-diwyde aõbo iòludu mahãdu riwyrenyre, kia taexi riòre Lòò-didyledenyde, kia ibutumy aõbo iaõnaaõna kia ihãwyyreny tule kia isỹreny uhereny.