¹ Abraõ Egito ribi ròhònyre tahãwyy wana, kia ibutumy taõnaõnareny riwyrenyre, kia Kanaã iraru weribi-ò ròirenyre. Lòò iexi riòre ihemy rare. ² Abraõ heka iaõnaõna sõe rare ityhy heka rare; kia ibroreni, imanarỹsỹ òtaòta ijõdire. ³ Tii bede bede-di rariamy rare, kiata Betel hãwã -ò rehemynyre; kia ribita rare Betel Ai wana roimyhỹre bedeki, ibedeki komy tabreò riòre riwinyreki. ⁴ Abraõ bede ratòò-ò rehemynyre, kia tii riwinyre wahe, kiata tai Deuxumy rerinanyre. ⁵ Lòò Abraõ wana ramyhỹre, kia tabudoeni, tabudoeni hãwyy, tabroreni, tadeòdu mahãdu, tariòre boho ridylemyhỹrenyre. ⁶ Kia asi ihoõre, kia wiwana iny inatximy ratxirenyke ibinare, kiemy dori tii boho sõemy iiròdureny ijõdirenyre. ⁷ Iurenana heka hãbu mahãdureny Abraõ iròdu-di taruki ratximyhỹrenyre, widee reburemyhỹrenyre, Lò rỹsỹ iròdu-di taniki ratximyhỹrenyre boho wana. Kia bedeu heka Cananeus mahãdu, Perizeus mahãdu tai rahãwanymy roiremyhỹ. ⁸ Tiu txu bedeu Abraõ, Lòò-rỹsỹ rarybere: —Iny boho heka sỹtyhy roire, kia heka awi aõkõ rare, iny wiwana reburereri, kia wadeòdu adeòdu wana wideereny reburerenyreri, kia heka awi aõkõ rare. ⁹ Iny wiribi rikexihitxinykre. Ixidee bimyke: Kia suu roire ibutumy. Txibo kai hywe weribi-ò makre wana,-diarỹ ruru weribi-ò arakre; txibo kai ruru weribi-ò makre wana,-diarỹ hywe weribi-ò arakre. ¹⁰ Lòò retehere bede bedetxi, kiata Jordaõ vale-my robire, kia Zoar hãwãòhòkỹle rehemynyre, kia sõemy tai bee ijõdire. Kia heka Deuxu oworu wesehekỹre ada Egito su wesehekỹre. heka myre juhuu Deuxu Sodoma hãwã , Komora hãwã rihukõreu. ¹¹ Lòò heka ibutumy Jordaõ vale ixidee rimyre, kiata ibràra weribi-di rare. Kiaremy tahe iny inatxi boho wiribi rexihitxinyrenyre. ¹² Abraõ Kanaã suki rarire, Lòò tahe vales hãwã -ò rahãwanykremy rare. Lòò tabreò riòre rideridemy rare, kiata Sodomaòhòkỹle rehemyiyre, ¹³ tai ibedeki iny itxỹte itxỹte rahãwanymy rỹimyhỹreki, kia òraruna binabinahãkỹ riwinymyhỹrenyre Deuxu òludumy.