¹ Ia ida agaukara heboumu, ai ese ahaganimui mu Dirava ena harihari bada basio abia kava. ² Ia na etomu, nega namonai na kamonai henimui, ahemauri negana ai na durumui; aitaia, ina hari na nega namona. Aitaia hari dina na ahemauri dinana. ³ Ai ese taunimanima ta asi a hahekwakwanaia, badina emai hesiai gaukarana ihakoikoina garina. ⁴ A emai kara iboudiai daidiai taunimanima bae diba ai na Dirava ena hesiai taumai; haheauka dainai, hisihis dainai, lalo hisihisi dainai, ogogami dainai, ⁵ hekwadi daidiai, dibura rumana noho dainai, helogo-helogo daidiai, hekwarahi dainai, hegima daidiai, hitolo dainai. ⁶ Lalo goevagoeva dainai, aonega dainai, hebogahisi dainai, Lauma Helaga dainai, lalokau korikori dainai, ⁷ hereva momokani dainai, Dirava ena siahu dainai, kara maoromaoro ena tuari gaudia imamai idibadia ai bona lauridia ai. ⁸ E heatolaimai bona e hahemarai mai. Namona e gwaurai, bona dika mai e gwaurai. Koikoi mai e gwaurai gau tamona ai na momokani. ⁹ Asi harimai eto, gau tamona mai harimai. Mase taumai etomu, Aitaia gau tamona a maurimu. E dadaba mai to asi e alamai maseva. ¹⁰ Daramai e dokomu, to nega idoinai a moalemu. Ogogami taumai, to hutuma ahatagadiamu. Asi emai gauta to gau iboudiai na ai emai. ¹¹ Korinto taumui e, hereva iboudiai vada ahamaorolaimui, lalomai anidia eme hedinarai emui ai. ¹² Emai iuraheni umui ai na dia maragi, a emui iurahen ai emai ai be maragi. ¹³ Iha hegeregerena dalanai na hereva henimuimu natugu na heto, sibomui lalomui ba hahedinarai. ¹⁴ Asi e kamonaimu taudia ida basio hebamo. Badina kara maoromaoro bona kara havara ede bae hetura toma? Eiava diari bona dibura ede bae hetura toma? ¹⁵ Keriso bona Beliara be ede bae herohemaino toma? Kamonai tauna ahuna be dahaka asi ena kamonai tauna enai. ¹⁶ Dirava ena dubu bona kaivakuku be ede bae ha tamona dia toma? Badina be ita na Mauri Dirava na ena dubu; lau na bogaragidiai baina noho bona baina loa eva-eva; lau na edia Dirava ai bainala, bona idia be egu bese ai baina halaodia. ¹⁷ Una dainai Lohiabada na eherevamu, edia amo bae raka oho, dauhai bae noho, "miro gauna enai basio daukau," bena baina abimu dae. ¹⁸ "Lau na Tamamui ai bainala, bona umui be natugu mamaruane mui bona hahinemui ai baina halaomui," Lohiabada siahu hereadaena eherevamu.