1
Ina hari, helaga taudia eida gaukara dainai na asi badina baina tore henidia.
2
Badina be emui hegaegae na dibagu, Makedonia taudia vairadiai na heagilaimui, nato Akaia na lagani gunana ai ehegaegae, bona emui gosi na idia haida danu eha goadalaidia.
3
A varavarada na siaidia vasi, a heagilaimuimu, hari be gau asi aninai bae halaoa, una dainai umui na bahegaegae, na herevalaimui hegeregerena ai.
4
Hegeregerena, bema Makedonia taudia haida ida baia vasi to umui na do sohegaegae neganai, ai na baia hemarai - umui na ma basia hereva laimui lou - unu bamona.
5
Bena na laloa varavarada baina noidia idia na bae vasi guna, emui hari-hari gauna ogwauraia hamata gauna bae haboua hegaegae. Ina dala ai, una na baita hahegaegaea hahenamo gauna, to dia hahegugu dalanai.
6
Hari ini na gwau tomamu, baine hado gadoi tauna ese baine gei gadoi, bona mai hahenamona ida e hadomu tauna danu, hahenamo lalonai ma baine geigei.
7
Ta ta ena heni heni na kudouna amo baine heni, dia hahedua ai eiava dia haheganiai, badina Dirava na mai lalonamona ida ehenimu tauna na eura heniamu.
8
Bona Dirava ena hariharibada oi latamu ai na baine bada, unu amo, gau iboudiai lalodiai, emu dabu gabudiai, emu gaukara namodia iboudiai do baine ha bada laimu.
9
Badina be vada etorea: "Ia na e gigi momo, ogogami taudia ehenidia ena maoro-maoro na ehesiriu hanai-hanaimu."
10
Hari, ia daika uhe ihadona tauna uhe eheniamu bona parao ehavariamu ani-ani gauna, na uhe momo eheniamu hado-hado dainai, bona ena maoro-maoro hua-huadia do baine bada,
11
ini dala iboudiai lalodiai emui heni-heni baine habadadia, bena unu amo Dirava ihanamolaina na baine havaraia ai emai amo.
12
Badina be ina heni-heni gaukarana na dia helaga taudia ihenidiai mo dainai, a Dirava ihanamolaina danu baine bada herea.
13
Badina be ini gaukarana
ihamomokanidia, idia ese Dirava ehanamoamu badina umui emui kamonai ihahedinarainai Keriso sivaraina namona o herahia laiamu idia ediai bona taunimanima idoidiai ediai. (subject for finding)
14
Bona idia na umui daimui ai e guri-gurimu, bona elalomuimu badina be Dirava ena hariharibada hereadaena na umui latamui ai.
15
Dirava ta hanamoamu badina ena herahia na asi ihahegeregerena!