¹ Yalapa jon vaijaga lé 'ulam'ala nibiyap'alal aiju? Iyaho jalama yal ula vejul iyeibul jon hapa lomna'a vaiyagen ajil'aga veju'i labe? ² Ja nugu'amo'o ja'en hun ulaveju'ivo ja ba'en vol iyehun ja ee'ani'a guavol. Ijehun ja e'amo'o bun nugu'a ula vejuli'ivo ja ba'en vol ja 'ula bijal vale. Ja ba'en vol iyehun magi jaho ja banisilvol ijehun aivol. ³ Ja nisilvol'ivo ja ba'envol ijehun magi iyaho jon oiya aido ala'e ja nisilvo, iyehun ja ba'envol, ja 'enmi jon ulagi iyemam vemhun iyehun ba'envol. ⁴ Godin hula bave julage, 'ú ja mwéage hun nabul lejul iyaho Godin nang lenun. ⁵ 'En ja vwip volli iyaho Godin ilagapa, 'walúmuni agaho maba'an maji 'waliamoni'en? Hu 'Avena'e nún vaji, hul ve'e nún vaji hinun iyaho hu ula ve balinuni, ijehun magi iyaho, hun hul vemhun ula veno. ⁶ 'Eni'ua hul mavwehi'a'in ni ijaho opmani ijehun iyai'in ùman, Godiho hap sa'ai vei'in iyeya ba ula venun, eni'ivo hu ega asu sui'in hi'in iyeya mavwehi'i'in iyaho vajihan 'iamane. ⁷ Ijehun Godin loli hiyep, 'eili 'ua 'aven sisegiya juven 'avale. ⁸ Em Godin ninmai lobali 'avale, emga hu jon nini lomhun, em vwiha no'o no'u'in na agei jon oiya vem alilmani ala'aval. ⁹ Ijehun oihiami bali'en nila jon sisegi iyehun ve'ale! Em sa'ai vejuli iyaho vem'avotmi oihiadimi bali'aman. ¹⁰ Em Natop hun nini ajualini lopga hul ya alolip'amane. ¹¹ Vwehu nun ila gila'in na ba'walme banibi yapa'ala'aval. Egiyalapa vwega huniye ila gil'in 'ua nibiyahuni iyaho hu valami iye nibiyahi aino. Eniyehun ja valami iye nibiyap'ali iyaho ja valamiye tui'ine. ¹² Ee besom hu valam vayehi'in em hu 'oto hei'in. Em huhu besom ehi ni'ayehu malini balino, 'O a egialapni 'ua ega on nini hinun iyaho nibi yaho? ¹³ Yepmaipi iya ya ega gei iya 'uavo, lop ya bu'in yap'en nil va ala besi hii gau'ala ve moni'in le'ale. ¹⁴ Eni ijehun on higi yapa lo iyai'in lem huni iyaho a bahe bagamo? Ya 'úpa aye sa'alamuni iya'in ala'male, siuo va'un iyai'in. ¹⁵ Eni'ua ja agai'in 'uamhuni je'in aijul. Natohi ula va'ani iyaho nuhi age ve gale vemhuni 'ual huni sein. ¹⁶ Ijehun on vwip iya'in sa'ai veaijul, em sa'ai vejul iyaho sise ve. ¹⁷ Ijehun hahi ega yalapa unama 'e alila iye vejul iya hunim he'ivo bavenuni iyaho hu sise venun.