¹ Paulo, Rohi Bauge besubesu koitave, mati Iesu Keriso apostolo ve, Rohi Bauge koitatuhe iau gabidadama mati ga riaga Rohi Bauge uhurahe, ² mati Rohi Bauge maguri behibehi ve uhurahe, Rohi Baugera avanage dibana veitera, au ominuo oti behibehi. ³ Eduge Rohi Bauge vanivera, au gare auna da momisa ge dana au ga re rosa au mageve uhurahe. ⁴ Tito, Rohi Bauge moe riagava ni meve uhurahe. Ni Rohite mati au moe Iesu Keriso ni Rohite iau mage ni adahe. ⁵ Iaga o dainehe, Crete ge daki a garemanu, ge ama iaga bouge ei mage gahigeisa mati ogo koita bouge ai, ogo uhurahe hedo mohi geisa. ⁶ Ogo koita bouge, iauma u mage visa, iauma magibe kobabe misa mati iau gamuhea negu iaga daure be kima ogo uhurahe. ⁷ Rohi Bauge koitatuhea auma guragu mage visa , Au negu ho kava vima, beta gadiki mimi kava visa, beta gogai kava visa mati au negu iaga mage nigu vima. ⁸ Eduge auma koita bouge inuati mage gahigeisa, mati auma vasi mage visa koita bouge iau gasina. Auma uhuanana mage visa mati auma au avahu iyaga kiare erageisa. ⁹ Auma Rohi Bauge ga re kamui berebe visa, ge auma be ia hero geisa mati be ia uhuvaka mohigeisa mati auma Rohi Bauge ga rei koita daure iau Rohi Bauge ga re yeriri gahigeisa. ¹⁰ Ata au tene maguri ve koita dadaga iabera, ga ihihi veitera, ga kava ga kava vima mati avanage koita iabera. ¹¹ Iama kou geisa. Iauka variva morogima au ogonanuhea au gasina, au negu ena kima. ¹² Iau koita bouge bera ronu, "Cretans iabera avanage, daure gahaia mati me dibana veitera." ¹³ Ga ora riaga vara, Edainehe noma ga riaga kirogeisa auma uhuanana mage misa, ¹⁴ iau negu Jewish au subuta ga re ana geva mati avanage gahaia iau ga ihigeisa. ¹⁵ Ia unuhu riaga va uiare, Iaga bouge ra riaga.Eduge ia unuhu avanage mati maguri daureva uiare koitavaia, iaga bera riaga veitera. ¹⁶ Auka Rohi Bauge riaga gah iau imimi uhurahe, eduge au maguri vera beta Rohi Bauge uhuvaka gera. Auka beta mage be mi ororo vara Rohi Bauge mevehe.