1
Paulo ra Iesu Keriso koita te riaga vara, Philimon orogane Timoteo, ni vasi mageve.
2
Mati amakina Apphia, ni vasi mageve Archippus negu ai yagehe bouragohare gahava gaita ge.
3
Ni Mame Rohi Bauge mati Iesu Keriso au moe mageve miahe.
4
Da imimi ve uhura daki Rohi Bauge magegahima yai dainehe.
5
Iai herove mati mage kiare Rohi Bauge koita tuhe iau damu baiva ihinu.
6
Eige di imimi vera ai gabidadama ve mu berebe gahisa mati a guma mage kiare ma usa ni vagotonehe.
7
A dakamu me mage kine ihinu, me mage e kiyahe iahe iahe raho kima mati koita iau soruke isage gahigagevenu, Rohi Bauge ihe he.
8
Iesu Keriso ihe ge daki o a boriti gahima, mage mage o ki ote.
9
Rohi Bauge mage no mohi gevenu uhura ia Paulo mu bina o iahu goinu. Daka Iesu Keriso uhura koita vara.
10
Di uhu korahi vera di moe Onesimus, vadibu yaga vage daki mi di moe goinu.
11
Vanehe iaka dahida veitera eduge negu butu auka a mati ni gasina koita mage bera.
12
Eduge daka besu gima iai gasina, auka di soruke riaga vara.
13
Da gahara vare koita vara, auma da ruta usa, ge auma di meve kisa ai dainehe, daso vadibu yaga va.
14
Da enaki guma va me mane makavara daka hagara vima ai uhure misa.
15
Inagu au ia garegevenu auka bina ia ruta u gu riaga vara.
16
Auka bina koita isage goinu, Iesu Keriso mageve uhurahe.
17
A da mage gahare nagate ama koita o tage magegahisa.
18
Auna ai gasina guma daure be ai kinu se iai gasina iaga be manu, Paulo da dana isuke va misa au ihehe.
19
Da, Paulo di gare daka o iai gare mima. Daka au otado kinu ia gasina dana ia moimi goirasi - iai isuke tage di mage ve uhurahe.
20
Di ogonanuhea ai imimihe ama da iahegisa , Horu aena mu uhuanana isage da moimisa.
21
Aka hero tera mati ga ihihi magetera, eige daka o ga besu gima idi vada kava. Da imimi vera avie, a daka dibanara iaka me bauge kiki vara.
22
Vani kobuge uhurahe, iama yagiga iaga be ia tage maemisa, daka dibanara ai imimi ni Rohite gasina, daka ai gasina goi ragira vara.
23
Epaphras, Iesu Keriso yaheyahe koitavara ia mage gahigeima.
24
Mati Mareko, Aristarchus, Demas mati Luka di bamode ia Rohi Bauge uhurahe.
25
Ni Rohi Bauge uhudauve iai sua adahe. Amene.