1
Di vasire mageve Gaius, di ogo nane riagava.
2
Di vasire, di imimivera iaga inuhati, ai mage gahisa renu aka be komata visa, renu ai uhure ra mage.
3
Daka di ogo nanuhea orogare mati ai gare riaga gahare ai meve uhura daki hegiri gahima.
4
Di hegirive ra raho ketake daki ihige di gamuhe gainage ga riaga uhura ogia.
5
Di vasire akamu ai uhure uhugati kiare meva ai ogonanuhe iau, ama koita nune iai tage kisa.
6
E tage iaukamu dubu uhura ai mageve gava raganu,
7
badiva iauki hakiragi otinu Iesu Keriso ihehe, iaga be koita nune iau roro veite.
8
Eige noki iaga ona kikive iau koita iahe geisa, geregere ve noma ni bouge kobuga gahi memisa.
9
Dakamu idi hana tuake be dubu gahe iauni besu ganu, eduge Diotrefas, unuhuna iau biage, auki beta di gare ihihi vara.
10
Eige da orogoge, dana au kiare meva erageisa, au ga daure ni ada roege renu avanage gare.
11
Di vasire, a negu au gumage daureve kime edube guma mage kisa. Unuhuna mage kima auka Rohi Bauge iera, unuhuna daure kima auka Rohi Bauge erara veitera.
12
Koita dadaga vara Demetrias guma mageve iauki gava ragoha renu ga riagava auki roma. Renu no gaitage ni gare rogei renu aka dibana no ga roiare era riaga vara.
13
Di uhugare ra dadaga vara, eduge daka beta idi hana oi mama vara.
Eduge gamana vite dana a eragisa, gerege nona bebe erageisa ga ragisa.
15
Rohi Bauge mage ve misa. Ai vasiruhe iau bouge hegiri gare besugima. Ni vasiruhe inuhati hegiri gare moigeisa