¹ Ooudu doo'ou nio naana hiiro uubiio, idebii ma'aai via iamoi ma'aai mabu oroi'ioi nioido nioro iraromo tataha everai oo'aairi. ² Nio naana hiiro hiiroi tauo poropuhutiumo, via nio tama naanai pigiiro iihoi tauo poovahoroumo. ³ Nio goorura silvarai rastai goroi daaka, ka aa'o rastai nio uumo mai'iumoi naaka. Nio duupii niiro erai everai iruuro ouka. Nio naana hiiro hiiroi ianaa hivioida everai ma oo'airi piraaho diodioumo. ⁴ Maveeadu, nio vati hau'ii papaa'uuoi imaiputi diodioumoi uubii nioro ta'i iaidiodioumo biaka. Iehovaro ni pauo beha iaidiodioumoi nai tauo pororovai. ⁵ Nio ihu hepui ohuida ohuhi'a oroi'ioida ie'idioumoida mamaa tauo porovaimo. Nio kaukaui noro tauo porovaidioumo oroi'ioi oromodobua hivio mabuito. ⁶ Mia oroi'io merei ata tauo paraibodioumo via tauo paiaumo. Nuuro nio ibodiidioi bia ouka. ⁷ Kaida nianaamuo, Paidubui ooiri oromotii beha ma oromotii. Namatei iodouti dubui everai hepuida mia hura ma'aai moiri oromoti everai vihai taimuito. ⁸ Nio rautu, atuu everaika, oromotii beha ma oromotii. Nio kaukaui kooko ma ivai mabu Paidubui oou hivio mabui aiohiioka. ⁹ Nianaamuo, nio himia komplein eremai naa biaka, mabu Iehovaro nio jaj aai bia ouka. Maveeadu, uubii jaj aai vouai merei biriida otiidioka. ¹⁰ Eksamporoi epuuha Paidubui vadei iova'oiaumoi hivo'a uubi temeteme ieidaimo, via ioromotiumoi everaiha eidaidu. ¹¹ Aa'o eveai uubii nimoro mia uubito niahoo kaumo. Job iaai everai rautu tauo poroovidioumo, via nio uumooka Paidubuiro nu oroopoi'oida na'aiboi ovaabai. Paidubui gi'epu iraromoi geema hi'aka. ¹² Tuunioha naanai ohuida , mo nianaamuo, Paidubui painai ius beha aai naa biaka Iehova pai eraarai oo'a ne'ei naanaida via hepui naanaida, via hobou na ataado. Nio ''Iesii'' tuunioha hivioi ''Iesiha'' moo'aaka via nio ''Oo'oi'' tuunioha hivioi ''Oo'oha'' moo'aaka, mabu nio Iehova jajmentiida tana otiidio kaumo. ¹³ Nio tuiaida mereata pauopauo aviraromoa/ Aa'o merei aha mirudemeka. Mereata gee'i aviraromoa/ Nu gee'i gidoha miabodutika. ¹⁴ Gimoi bo'uro vaia/ Aa'o mereiro tanamoto eldaioi mihotiaika nu ma omudemeu moiri. Niiro nu Paidubui painaida oeraito anoint movai kaame. ¹⁵ Pupuo iraromo irudemeairo gimo merei mia ovai ouka, ka Paidubuiro oveibuai ouka. Nu mamaa keke aamiia rautura, Iehovro emaapedioi ouka. ¹⁶ Aa'o nairi nio himia mamaa keekei ma oromoboduti ka ma oromudemei nio mia ma ii'i tutiu moiri. Mamaa tataha merei irudemeai pupuo hi'a orova'ati ouka. ¹⁷ Elaija nimo everai meree ataka. Viha tana aroo kairi nu pupuo hi'a piruudeme, ka tirii bunio siks ove viha aroo biaka hepuida. ¹⁸ Kiauka Elaija ata irudemeaika. Iehova pai eraarai oo'a vatiida obo imohaika, ka hepui naamatei hurai aimoika. ¹⁹ Mo nianaamuo,nio mereata oroi'ioito pauopauo aviraromoa, iida bo'uro vovehe'aia, ²⁰ aa'o mereiro uumo ma oo'ai ihu everai; memiho merei mama gaboida bo'uro vovehe'aia, nuuro ire merei ihiaida tauo ovaabai vaaka via nu mamaa to'oi tauo oropoi'o vaaka.