¹ Paulo, ulavunu auna- nori aunilimalima na geuukuo, namu Iesu Keriso e Palau ia amarana, waregana evalaiiao- ² vewala ava mapararia e thau, Galatia rupuri gemi: ³ Veuga thaamuiai pene mia,e Palau ia amari e velegaua Iesu Keriso gena maino na pene kune agimui, ⁴ ia gera galama pakurai ia maauna eve veni vagio, pe ia eraava maulina thaona na, pene vai thairi ia gera Palau e amari gena ririwai, ⁵ vewaa ia gena pene mia vanagi vanagi. Amen. ⁶ Thau ami vevakalini Keriso gena veuga thaonai egogomuio auna elena na velee vagi goeo lavu uleni. Thau avevakalini muina vali irauna apuna pogo vaai venia, ⁷ nori ma vali namana apua gauna nara, namu nanai aunilimalima vairi kepi geva wala rana e geririwani Keriso valina ige pothowaia. ⁸ Namu pene thai pa kupa aneruri apuana, Keriso valina namana gavara venimuini, na vali gerakwani auri ila Palau iavuna pige vua. ⁹ Ma manai gathoriao veaina, pe thauna maana ilagi waia, ''Pene aua ana vali polu apua evara venimuini, pigo kaliwania Palau iavuna iana pene vua. '' ¹⁰ Pe, thauna evanamona aunilimalima pa Palau gena vevirigi aavuani? Thau aavu aavuni aunilimalima pana vaverelea pa? Pene thau avewalavini aunilimalima pana vaverelea neni, thau nori Keriso gena veunagi auku. ¹¹ Thau aririwani thaonai mui pigo ripa vethaleva,vali thauna avara vara agiani valina nori aunilimalima valina. ¹² Thau nori auana e uuvenikuo,pa geva ripakuo.Namu Iesu Keriso na maavanagiai eva magai venikuo. ¹³ Mui ripamui thau geku mauli kuinena Judaism thaonai, Palau gena rupu thauna ava raava gaua vagia wai e mai pana lovoa naiwai. ¹⁴ Judaism thaonai thau avekuneagio, thau geku ulu auri e geku aunilimalima thaorana. Thau amaku geria sene maulinai, thau vemaau kamuvagi thaonai amauli wai. ¹⁵ Namu Palauna, thau egogo gerevagikuo ianaku inagena thaonai gena vewaa thaonai, ¹⁶ evereleo ia nauna thau elekuai evamagaiao pe, thauna ia pana wapaa agia vevaavua auri elerai, thaonai thau nori mamanai vega virogo e lala athori venithao. ¹⁷ Palau gena ulavunu ai gekuneo Jerusalemai gealu wai auri elerai thau naa thao, namu thau athao Arabia avana na avelavu uleo Damaseko ai. ¹⁸ Rigolo oioi mulirai thau jerusalemai, avanai Cephas averipathao ia elenai garo kapanana imaima aalu agirao. ¹⁹ Thau Palau gena veunagi apua naa rawaliao namu, James mo velegaua wala avana. ²⁰ Thauna mui aalo venimuini gauna, Palau vilanai thau nori awapani. ²¹ Wana na thau athoao Syria e Cilicia alimapara rai. ²² Keriso thaonai, Judeai rupu gemiao thau noai geripaku. ²³ Ila geamonagio negeiwai, ''Wa au ia evaraavathawai evana, iana ava auna auna ni thorina evara vara agiani. '' ²⁴ Palau ilana gevanama ni thau pakukuai.